釜山未來新景點
好消息！11個即將落成嘅釜山新景點公開！釜山都有樂天塔、樂天樂園、水上樂園啦！
Hello，大家好，我哋係由韓國人每日提供最新韓國旅行資訊嘅Creatrip。
雖然2020年開始到而家，發生咗好多唔太好嘅事，好多人嚟韓國旅行嘅計畫都被打亂。不過只要大家同心抗疫，疫情總有一日會受控制，大家就可以嚟韓國玩啦！
韓國第二大城市「釜山」有好多新景點起緊，快啲睇下呢啲新景點同設施，期待佢哋完工嘅一日啦！
釜山新景點
1. 釜山樂天塔
2022年完工
首爾嘅樂天塔係南韓第一高樓，同首爾塔都係好出名嘅首爾地標，而家釜山都會有啦！
預計喺南浦洞樂天百貨前起「釜山樂天塔」，樓高380公尺，同一邊嘅釜山塔成為釜山雙地標。
2. 釜山樂天Magic Forest Park
2021年完工
同樣係樂天集團進駐釜山嘅新景點！釜山嘅樂天世界以森林冒險為主題，預計會喺2021年5月完工。
據講大細係首爾樂天世界嘅4倍、愛寶樂園嘅2.5倍，鍾意主題樂員嘅朋友又點可以錯過呢！
3. 釜山跑小型賽車
小型賽車最近喺韓國掀起熱潮，唔少一日遊行程都會有，2021年完工嘅osiria主題樂園，就有全世界最大嘅小型賽車場，到時嚟釜山又多咗一個體驗設施可以去啦！
4. 荒嶺山展望台
2022年完工
荒嶺山係釜山當地人最鍾意去睇夜景嘅地方，而家荒嶺山頂進行緊展望台工程。設計充滿未來科技感～唔知睇到嘅風景會唔會比南山首爾塔望出去嘅夜景更加靚呢？
5. 複線鐵路
2021年開通
釜山地鐵嘅路線，最遠連接到加耶大站（金海輕軌線）。2021年開通嘅複線鐵路，會延伸到慶尚南道嘅馬山、昌原鎮海，同埋蔚山，交通更加方便，令小編非常期待！
6. 釜山 Aqua World
同樣位於osiria主題樂園嘅Aqua World，將成為釜山一帶最大嘅水上樂園，預計由2021年夏天開始，炎熱嘅釜山夏天，嚟水上樂園玩水都唔錯㗎！
7. 太宗台單軌列車
2022年完工
太宗台位於影島，要去呢度睇風景，其實交通幾唔方便，要坐巴士先去到，即將喺2022年開通嘅太宗台單軌列車，會以海岸觀光嘅形式營運，類型應該會同仁川月尾島列車有啲像。
8. 釜山北港歌劇院
釜山北港其實係喺釜山站後方嘅港灣，呢度預計會起一個大型嘅歌劇院，流線嘅設施外型，必定可以捉住大家目光。
9. 機張 Aqua Dream Park
2023年完工
Aqua Dream Park喺機張開工，預計喺2023年完工同開放，呢度將會成為韓國最大嘅室內水上樂園，好值得期待！
10. Village de Ananti
2022年完工
Village de Ananti 預計喺2022年完工，聽講要打造成為寧靜嘅文化村莊，同時環保、親水嘅住宿環境，一定可以成為釜山一帶嘅度假天堂。
11. 五六島輕軌
2022年完工
五六島嘅輕軌列車，會連接慶星大同二妓台，因為呢度算係住宅區，地鐵好難駛入嚟，所以列車會用環保嘅交通循環方式，預計喺2022年開通。
睇完以上進行緊嘅釜山新計畫，唔知大家有冇心動呢？希望一切都會好轉，等呢度設施、景點完工個陣，再去釜山享受下啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk