Daiso人氣廁所商品
小編私心推薦韓國DAISO人氣廁所商品！今次唔知又燒唔燒到大家呢？
Hello，大家好，我哋喺由韓國人話你知每日最新韓國資訊嘅Creatrip。
＃韓國大創＃Daiso
＃다이소＃廁所用品
＃清潔用品推薦 ＃Top10
相信唔洗小編多講，大家都知韓國Daiso有幾咁好行，又平又好用嘅家居用品，可以話大家都買到停唔到手。
同時Daiso遍佈各大地區，簡單嚟講可以話總有一間喺你附近。
上次小編已經介紹過廚房用品，反應唔錯，今次寫廁所人氣商品，唔知又燒唔燒到大家呢？想知道有啲咩？咁就要繼續睇落去啦！
✨馬上Follow我哋IG
instagram.com/creatrip.hk
韓國大創廁所用品推薦
1. 殺菌漂白水 ₩1,000
相信每個家庭屋企都會有一支漂白水，大家可能會諗香港都有，仲要喺韓國買？
的確對於遊客嚟講買咗，可能會加重行李負擔，但係對留學生嚟講可以話係恩物。
一支細細只係₩1000，大支都係₩2000，買定喺屋企用真係超方便，加上而家疫情影響，做好家居清潔真係好緊要！
2. 擠牙膏機 ₩2,000
唔知大家有冇同小編同一個煩惱係，好想用完成支牙膏，但又唔夠力氣去吱到最後。
但自從小編遇上佢之後，真係覺得好幸福，每次牙膏都可以用得乾乾淨淨。
佢就好似真空設計咁，最後支牙膏完全係可以用到扁曬，一啲都唔會浪費。
3. 掛勾 ₩1,000
唔知由幾時開始，小編覺得韓國嘅掛勾其實真係幾好用，用耐咗都可以掛到好實。
基本上₩1,000 ~ ₩2,000 就有交易，擺個掛勾喺廁所掛毛巾，超方便！
4. 搓澡巾 ₩1,000
呢個小編真係見過好多香港人都會買返去，無論自用又好，送比朋友做手信都非常好。
用嚟搓老泥最啱，而且一啲都唔痛，用完仲好舒服。
佢有好多唔同款式設計，仲有一個啱心水，而且一包都只係₩1,000，可以話係又平又好用。
5. 手搓澡巾 ₩5,000
呢個可以話係搓澡巾進化版，因為係新出，所以小編之前都冇見過。
有時唔知背脊點洗，用佢就啱啦！佢可以話係沖涼「第三隻手」嘅好幫手，順便可以搓老泥，完全係由頭到腳都可以沖得超乾淨！
6. 抹鏡百潔布 ₩1,000
睇落去雖然好似係普通一舊百潔布，但其實佢係可以兩邊用。
先用百潔布去抹鏡，再用毛巾去洗乾淨，用完見到塊鏡真係變到令立立，一舉兩得超方便。
7. 抹鏡海绵 ₩2,000
同樣哋呢個都係抹鏡好幫手，但佢唯一唔同嘅係，可以順便抹玻璃。
因為體積亦冇上一個咁大，所以角落個位都可以輕輕鬆鬆咁去抹到好乾淨。
8. 廁所刷具小幫手 ₩1,000
小編之鍾意會用佢，係因為比起一般直刷，因為佢可以彎曲，所以每個位都可以刷到好乾淨。
9. 廁板提蓋 ₩1,000
曾經聽講過馬桶氣流會帶動細菌飛出將近 1.6 米。
簡單嚟講，如果去完廁所唔閂蓋，細菌就會趁呢個時候去周遭附近環境。
好多時大家都會用手去閂蓋，但其實細菌已經喺大家隻手到。為咗衛生小編一直都有用呢個廁板提蓋，完全唔洗用自己手去掂廁所板。
10. 強力馬桶清潔波波 ₩2,000
雖然呢個唔係韓國產品，但可以話好多韓國家庭有用緊佢。
佢唔單止可以防止水垢形成，仲可以避免污垢殘留，同時仲可以散發清新香味。
小編最常用嘅就係檸檬味，用咗佢真係覺得成個廁所都乾淨啲。
唔知今次小編私心推薦嘅韓國DAISO廁所人氣商品，大家又鍾唔鍾意呢？
雖然而家因為疫情嚟唔到，但都可以先save定呢篇文章，等大家之後再嚟DAISO尋寶。