港韓居家隔離比較
返香港隔離要戴手帶！韓國政府又會點做？同韓國咁比一比......香港真係......
香港中通社
哈囉，大家好，我哋係由韓國人話你知每日最新韓國資訊嘅Creatrip。
＃武漢肺炎＃港韓居家隔離比較
＃韓國自家隔離＃香港手帶
相信大家都知武漢肺炎仲喺世界各地擴散中，韓國確診人數雖然多，但都好似慢慢穩定落嚟，相反香港好似更嚴重咗。
為咗唔好比事態繼續嚴重落去，而家居家隔離亦都變得越嚟越重要。
小編身邊亦有韓國朋友喺屋企自家隔離（자가격리）中，究竟韓國同香港會有咩唔同呢？大家一齊嚟睇吓呢篇比較啦。
Creatrip亦為咗要嚟韓國旅行嘅大家著想，將持續更新相關新聞（點我），大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
香港居家隔離
圖：星島日報
香港政府早前宣佈，由3月19日凌晨零時起，所有入境人士須接受強制居家檢疫14日以及帶監察手帶。
戴手帶其實係政府想利用電子手帶監察被檢疫人士所在位置，有冇乖乖地留喺屋企。
居家檢疫過程中，如果私自離開屋企，將經定罪最多可被監禁六個月及罰款二萬五千元。
所以為咗保護自己同屋企人，甚至係全香港市民，隔離者真係好做好榜樣。
圖：星島日報
有指隔離者會得到一條電子手帶，只要配合「居安抗疫」app就可以。
隔離者掃瞄手帶上QR CODE，以啟動「居安抗疫」app，電話會偵測附近大氣電波、無線網絡、藍牙同GPS等信號強度，為位置定位。
如果手機接收信號有變，就可以知道隔離者有冇離開屋企。
圖：hk01
不過，唔少市民都覺得「戴手帶」根本就係冇用，而且成效不足。
另外，由於而家只要求境外返香港人士留喺屋企隔離，但未要求同一屋簷下嘅屋企人一齊隔離，其實嚴格嚟講，病毒係會有散播風險。
咁多漏洞，唔知政府日後又會諗到咩解決辦法呢？
韓國自家隔離
韓國自家隔離，政府會派發相關消毒用品同充足口罩比隔離者。
同時喺過程中，要每日都用APP進行報導。
上面圖所示，除咗有酒精之外，仲有溫度計、殺菌劑、口罩，以及自家隔離相關資訊。
例如APP教學、隔離說明書等等，同時亦有提供醫療用垃圾袋，以免因為真係感染者，而唔小心將汙染垃圾外流，造成更大擴散機會。
基本上，韓國自家隔離中，任何人工電話或者短訊回覆，都直接用APP取代。
對韓國嚟講亦係一件好事，因為隔離檢驗者仍然超過1萬位，減少人力負擔對醫療體系都有好處。
喺最重要隔離通知書上面，會寫上居家隔離期限。
基本上係14日，但亦會因每個人狀況唔同而去定，好似小編朋友隔離時間就只得7日。
另外，上面亦會註明違反自家隔離罰則，將會罰款300萬以下韓元。
韓國最高罰款雖然係300萬韓元（約18,750港幣），但因為好多人都反映冇咩成效。
所以由4月起將會加重處罰，可處以1年以下有期徒刑，或1,000萬韓元以下罰款（約62,500萬港幣）。
而韓國政府亦有提供自家隔離者，一啲日常飲食，基本上係微波食物、拉麵、罐頭等等。
但實際上亦會因為隔離日數、地方自治團體唔同而有所差異。
希望疫情快啲好轉，全世界都可以走過呢場難關，如果而家唔係非必要，大家都盡量唔好出國！
✨馬上Follow我哋IG
instagram.com/creatrip.hk
| 其他延伸閱讀 | |
 netflix韓劇推薦 |  香港正宗韓國菜 |