睇韓國古裝劇都可以有咁多學問?
韓國古裝劇稱謂原來都有超多學問!可以對男性講MAMA?韓國歷史曾經有世襲階級制度?
Hello,大家好,我哋係由韓國人每日提供最新韓國旅行資訊嘅Creatrip。
韓國近期最紅嘅古裝劇,除咗先前嘅《屍戰朝鮮》同而家熱播嘅《哲仁王后》,大家係唔係覺得喺收看過程中,對於戲入面嘅稱謂,同平時香港播嗰啲古裝劇有啲唔同呢?小編整理咗韓國古裝劇人面常見嘅相關稱謂,俾大家參考一下,算係一啲小知識。
韓國古裝劇稱謂
王(왕)
《屍戰朝鮮》
《哲仁王后》
韓國過去嘅文化曾經受到儒家教義薰陶,政治上都一度為中原政權嘅藩屬國,最高統領者唔可以稱為皇帝(否則會同中原皇帝有牴觸)。所以朝鮮王朝嘅最高統治者會稱為「王」,大臣就尊稱王做「殿下(전하)」,或者係《屍戰朝鮮》入面嘅「大王(대왕)」、「王(왕)」,無辦法用「陛下」尊稱。
世子(세자)
《屍戰朝鮮》
而王嘅仔,就係王世子,主要係喺明朝嘅時候朝鮮王朝時代用。喺《屍戰朝鮮》入面,大家都係以「世子」或都係「邸下(저하)」尊稱李蒼(朱智勳 飾)。
中殿娘娘(중전마마)
《屍戰朝鮮》
《哲仁王后》
無論係喺《屍戰朝鮮》入面可怕嘅中殿,或者係《哲仁王后》入面搞笑女身男心嘅中殿娘娘,古裝劇入面成日聽到嘅「媽媽(마마)」,其實就係古代對宮中女性嘅敬語,所以唔一定係指王嘅妻子。不過點解係中殿(중전)呢?中殿即係指王后住嘅地方。1432年(世宗14年)起全部改成稱呼為「王妃」,同「中殿娘娘(중전마마)」,係直到過世之後先可以稱為「王后(왕후)」。另外,宮中嬪妃眾多,喺分類上都同中國古裝劇一樣複雜:
《哲仁王后》
《哲仁王后》入面,大王大妃就係太上皇后,而趙大妃其實就係太后嘅位置。
中國王朝配偶 | 朝鮮王朝配偶 |
太上皇后 | 王大妃(왕대비) |
太后 | 大妃(대비) |
皇后 | 王妃(왕비) |
皇貴妃 | 嬪 |
貴妃 | 貴人 |
妃 | 昭儀 |
嬪 | 淑儀 |
貴人 | 昭容 |
常在 | 淑容 |
答應 | 昭媛 |
官女子 | 淑媛 |
元子(원자)
《屍戰朝鮮》
喺《屍戰朝鮮》入面,李蒼(朱智勳 飾)雖然係即將繼承王位嘅世子,但如果中殿生咗孩子,庶出嘅李蒼就無辦法繼承,將改由「嫡出」嘅兒子,稱為「元子」,先可以符合宮廷倫理。
MAMA(마마)
《屍戰朝鮮》
相信大家對呢個詞都唔陌生?其實喺朝鮮王朝入面,原本呢個詞係對女官、王妃、大妃等相當尊崇嘅用語,但之後就演變成對宮內女執事「尚宮」都可以用,稱為「娘娘(마마님)」。
所以《屍戰朝鮮》入面,大家都尊稱「中殿」王妃做「中殿媽媽」,而對其他位份較高嘅尚宮就叫「尚宮娘娘(마마님 / MaMaNim)」。
當然,呢個敬稱都可以對男性稱呼,例如父王殿下(아빠마마),媽媽一詞都唔只係對女性使用,其實係指身分貴重嘅人士。
尚宮(상궁)
《哲仁王后》
尚宮最早係源自於中國隋朝,直到清朝先至廢除相關女官制度(因此清宮劇都冇尚宮嘅相關角色出現),喺《屍戰朝鮮》入面,尚宮都係內人以上嘅女官統稱;而喺《哲仁王后》入面嘅崔尚宮,都係中殿入面地位最高嘅下人。
宮中尚宮最大係「提調尚宮」,權力最大(崔尚宮);而喺王妃中殿、王大殿照料生活起居等等,則由至密尚宮為主(紅蓮),呢個都係需要由細入宮培訓,重視出身,以免背叛王族,造成後患。
《哲仁王后》
而尚宮唔只係女官可以用,如果宮女受殿下寵幸,想會俾宮女一個名份,會先將佢封以「承恩尚宮」,但呢個時候嘅地位就會非常尷尬,係要俾中殿娘娘管理。
兩班(양반)
《屍戰朝鮮》
喺古代嘅朝鮮王朝其實都有相關階級制度(類似於印度種姓制度、中國士民工商)。喺宗室之外分成良民同賤民,而良民會分成以下四個,兩班就係入面最高階級。
《哲仁王后》
兩班可以話係同中國同時期嘅「士大夫」差唔多,但係朝鮮王朝時更加規定,兩班無辦法進行商業、農作等工作,只可以讀書。例如喺《屍戰朝鮮》入面,李蒼要求大家一齊防禦殭屍嘅時候,就有人靜靜地講話「自己呢一世從來冇攞過呢啲嘢」;或者係《哲仁王后》入面遊手好閒嘅金晥。
中人(중인)
《屍戰朝鮮》
中人嘅話就係第二等,喺兩班之下,由於朝鮮王朝嘅階級繼承係採用「從母制」,所以父親(兩班)同母親(常民)生出嚟嘅子女,階級自動會由兩班,降底做中人。
中人可以做官,但就無辦法好似兩班一樣咁參與要職、參與政治,算係朝鮮王朝入面嘅基層官員。
《哲仁王后》
要以《哲仁王后》做比喻嘅話,御膳房嘅待令熟手同洪別監就可以話係朝鮮時代入面唧「中人」。
常民(상민)
《屍戰朝鮮》
朝鮮王朝入面,有大概75%人口係屬於常民,係一般農漁民、貿易商,通常佢哋附屬喺兩班田莊入面工作,地位就係一般人,冇資格參加科舉,只可以參加雜科(技術類考試,通過就有機會變成中人)。
白丁(백정)
《屍戰朝鮮》
白丁就係良民嘅最低等,但比賤民之上,但基本上都係屠夫、劊子手等職業,亦都唔識字,係社會上嘅中下階層。
賤民(천민)
《屍戰朝鮮》
朝鮮王朝入面最低下嘅階級,通常就係被作為奴隸、娼妓等,就算嫁俾兩班階級,因為從母制度,佢哋嘅子女都仲係賤民。如果要翻身嘅話,頂多就係通過雜科考試,得到相關官職,最高可以成為中人。
韓國古裝劇主要圍繞喺朝鮮王朝時期,隨著先前《屍戰朝鮮》、現今嘅《哲仁王后》熱播,呢篇文章應該可以幫大家補充一啲歷史知識。
如果有更多想知嘅內容,都可以隨時留言或者dm話俾我哋知:)
Instagram:creatrip.hk