Hello，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃韓國國家代表隊出動
＃燒酒＃殺菌劑＃捐贈
香港有部份良心企業日夜趕工，製造「香港製造」嘅口罩。
同時，韓國國家代表隊，亦即將出動！就係韓國最具特色嘅「燒酒」。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
韓國燒酒企業捐贈酒精
來源：大鮮鑄造武漢肺炎疫情喺韓國爆發，韓國各大企業、藝能界紛紛解囊相助，希望可以用資金，幫到因疫情而遇到困難嘅社會各個階級。
對「酒民族」嚟講，同防疫最相關嘅，除咗少啲喺出面飲酒、聚會，就係要用燒酒嘅酒精原料，轉製成消毒用酒精防疫。
韓國已經有多間酒類企業響應。
Good day燒酒（舞鶴鑄造）
燒酒嘅製造酒精原料係95度，如果要整成醫療用消毒酒精，就要稀釋到75度。
舞鶴鑄造（무학）無償捐咗75噸酒精原料（價值超過4.5億韓元），而喺今日（18日），又再向釜山、蔚山、慶南等地，捐咗25噸酒精原料。
大鮮燒酒（大鮮鑄造）
大鮮鑄造（대선）喺2月底，向釜山國稅廳申請「醫療用酒精製造」許可，政府亦迅速批核。
今次係韓國首次破天荒批准酒類酒精用喺酒類釀造外嘅用途上面。
截至16日為止，大鮮鑄造捐咗132噸酒精，係個相當龐大嘅數字。
來源：프레시안
漢拿山燒酒（한라산소주）亦申請更改酒精使用用途，向濟州社福共同募捐會捐咗防疫用嘅乙醇5,000公升；
金福酒（금복주）捐咗20億韓元以外，亦向所屬地方政府捐咗40噸酒精。
喺醫療用品短缺嘅情況元，韓國酒類企業明香「只有成個地區復甦，燒酒先可以生存」。
佢哋唔單止為咗挽救下跌一半以上嘅銷售額，更加係為咗疫情努力，成為防疫嘅「韓國國家代表隊」。
✨馬上Follow我哋IG
instagram.com/creatrip.hk
| 其他延伸閱讀 | |
 韓國啤酒市佔率 |  韓入境全面管制 |
