韓國超市期間限定櫻花新產品
韓國超市期間限定櫻花新產品，3、4月手信必買清單！
哈囉，大家好，我哋係由韓國人話你知每日最新韓國資訊嘅Creatrip。
＃韓國超市＃期間限定
＃櫻花商品＃士多啤梨味
＃2020年3月＃零食
每逢春天，韓國都會推出一系列期間限定櫻花產品，而身為粉紅色控同吃貨嘅小編，又點會錯過今期春季新商品。
唔知今日小編所介紹嘅，大家又有冇食過而又想encore嘅呢？
希望等到4月疫情好啲，大家可以再嚟買啦！
✨馬上Follow我哋IG
instagram.com/creatrip.hk
韓國超市期間限定櫻花商品
1. 情 士多啤梨朱古力批 (12個)
- ₩3,840 (25hkd)
講到韓國朱古力批，「情」呢個牌子可以話係最多人買返去做手信，每次去開超市都會見到好多人大量咁買。
唔單止價錢平，而且佢成日會推出新口味，送禮一啲都唔差！
唔單止外國人鍾意食，就連韓國人都只要佢一出新口味，都會買返屋企同屋企人一齊分享。
而今次同以往出嘅士多啤梨口味唔同嘅係，佢今次連外皮都係用咗士多啤梨去整，口味再濃郁咗。
2. 樂天몽쉘(mongswel)士多啤梨忌廉批(12個)
- ₩4,780 (30hkd)
呢個牌子可以話係「情」嘅競爭對手，價錢比「情」貴少少，但佢嘅人氣真係一啲都唔輸蝕。
佢之前最有人氣就係忌廉朱古力批， 因為忌廉多配上濃厚朱古力味，得到唔少人歡心。
而今次推出士多啤梨口味，相信一定好快就會比人搶哂。
3. HAITAI Oh Yes 士多啤梨乳酪批(12個)
- ₩4,780 (30hkd)
呢個同以上兩個唔同嘅係，佢中間部份唔係用忌廉，只係用乳酪。
小編之前食過其他口味，覺得佢口感好Soft，好似真係食緊蛋糕咁。
佢最大賣點就係用咗希臘乳酪，就算食好多都覺得有種健康感？一啲罪惡感都冇哈哈。
4. 樂天 카스타드朱古力莓果批 (10個)
- ₩4,780 (30hkd)
如果食厭士多啤梨批，咁不如就試下呢個莓果批啦。
相比就咁士多啤梨批佢會冇咁甜，而且食得多都唔會覺得滯。
5. 韓國樂天夾心餅
- ₩2,380 (15hkd)
如果有時口癢想搵零食，呢一個又唔知啱唔啱大家呢？
佢一塊大細係啱啱好入口，唔會好大而且唔會太甜。
佢口感同OREO又有幾分似，食厭OREO口味，咁就試下呢個士多啤梨味啦。
6. 韓國樂天Kanchoo士多啤梨乳酪餅
- ₩2,560 (16.5hkd)
呢個有啲似係士多啤梨乳酪味「熊仔餅」？唔知係唔係因為加咗乳酪，所以令到成個餅更香。
而且一粒細細粒，好易忍唔住食完一粒又一粒....
7. 韓國樂天Kanchoo士多啤梨乳酪餅
- ₩2,380 (15hkd)
小編本身就好鍾意食呢個牌子嘅粟米口味，今次新推出士多啤梨味，小編都忍唔住要買返包返屋企慢慢食。
食完之後都係覺得......粟米口味好食啲......哈哈哈。
雖然而家暫時大家嚟唔到韓國，但希望疫情喺4月時可以轉好，大家到時就可以繼續瘋狂Shopping同食好西啦！
✨馬上Follow我哋IG
instagram.com/creatrip.hk
| 其他延伸閱讀 | |
 橋村炸雞賣漢堡 |  恩平韓屋村 |
 3月超市休息日 |  望遠ZAPANGI |
 三層肉軟糖開賣 |  香港正宗韓國菜國 |