韓國Daiso好睇唔好用嘅嘢
1. 陶瓷餐具
Instagram @ Daisolife
韓國Daiso成日都會推出一啲好靚嘅餐具，有啲甚至平到只係賣港幣7蚊！
相信大家如果見到咁平又咁靚嘅餐具，都會忍唔住大手入貨。
不過一個咁平嘅陶瓷餐具，到底佢嘅質量又好唔好呢？
唔少韓國人都話呢啲咁平嘅陶瓷餐具有好多問題，佢哋買返屋企之後發現呢啲餐具都好容易甩色、打爛、裂開等等。
不過並唔係所有餐具都有呢啲問題，有啲餐具就算好平都可以有好好嘅質素。
大家買之前記得睇清楚啲物料，判斷一下先啦！
2. 不鏽鋼餐具
Instagram @ Daisolife
唔少韓國人都鍾意買呢啲不鏽鋼嘅餐具嚟用，特別係去野餐或者露營嘅時候，用呢啲餐具都好方便！
不過好多人發現，買呢種平嘅不鏽鋼產品，佢哋都好容易會生鏽。
啲餐具生咗鏽之後就唔可以再用，咁就要再去買過一個新。
咁樣就會有另一個問題出現：到底係買幾次平嘅產品，定係買一個貴啲質素好啲嘅產品會比較好呢？
3. 電線收納盒
Instagram @ Daisolife
呢樣係韓國Daiso其中一樣好受歡迎嘅產品。
佢可以好完美咁將一啲好亂嘅拖板同插頭收喺個盒入面，令到屋企睇到更加美觀同整齊！
不過，唔少人用過之後都覺得佢係一樣好危險嘅產品。
因為個盒係用膠製造，有時候會有過熱嘅問題，令到成件產品變得更加危險。
雖然呢個真係一樣好好嘅設計，但係花多少少錢去買一個質量好啲嘅會比較好。
4. 耳機
Instagram @ Daisolife
另一個好受歡迎嘅產品就係耳機！
因為佢款式多，而且價錢又唔貴，港幣唔使20蚊就可以買到一個。
不過佢嘅質素都同價錢成正比，大家都覺得Daiso嘅耳機好容易會壞，有時得一邊會聽到，另一邊又聽唔到，加上音質都好差。
5. 真空收納袋
![韓國daiso伏]()
Instagram @ Daisolife
呢樣野對於去旅行或者喺屋企收納都係一樣實用性極高嘅產品。
加上喺韓國Daiso入面有好多唔同嘅款式同埋尺寸可以揀，價錢仲要好平，所以佢都吸引咗唔少fans。
不過，大家實際用過之後都發現，喺Daiso買嘅真空收納袋過咗一段時間之後都會自動漏氣，變咗收納袋，冇咗真空嘅功能。
6. 香薰蠟燭
Instagram @ Daisolife
好多人都鍾意喺屋企放香薰蠟燭，除咗可以做擺設之外，仲可以令到屋企嘅味道更加舒服。
韓國Daiso入面都有賣好多各式各樣嘅香薰蠟燭，但係大家用過之後都覺得無論點樣聞，佢哋嘅氣味都係太淡或者直頭冇味。
不過好多人就算知道佢哋根本冇味，但都依然會買呢啲蠟燭返屋企做裝飾，既然係咁點解唔買一個貴少少嘅，又可以做裝飾又可以有香味嘅蠟燭呢？
7. 膠紙
![個個以為Daiso啲嘢完全冇伏？]()
Instagram @ Daisolife
膠紙係每個家庭嘅必需品，Daiso入面都有賣好多唔同款式嘅膠紙，你想搵嘅款基本上喺入面都可以搵得到。
不過唔少韓國人用過之後都覺得，寧願去文具舖畀貴少少嘅價錢買，因為Daiso嘅膠紙黏力實在太差啦！
8. 除毛粒機
Instagram @ Daisolife
呢樣係適合好多人用嘅貼心產品，有咗佢就可以輕輕鬆鬆清走曬衫上面嘅毛粒。
不過都係一分錢一分貨，好多時買到返去都會用唔到，又或者用幾次就壞。
再誇張啲嘅係佢幫唔到件衫除毛粒之餘，啲刀片仲會整爛件衫。
9. 花灑頭
Instagram @ Daisolife
花灑頭都係每個家庭嘅必需品，韓國Daiso入面都有賣好多唔同種類嘅花灑頭。
不過唔少人反映，呢啲平價嘅花灑頭好快會生鏽，好快又要再換一個新嘅。
加上佢嘅水壓會時大時細，令到大家都好困擾。
既然呢樣係每日都需要用嘅嘢，咁就要買一個質量好少少㗎啦！
10. 驅蚊器
Instagram @ Daisolife
韓國每到夏天同秋天都會有好多蚊，一到呢個時候Daiso就會有各式各樣驅蚊嘅產品可以買。
不過唔少韓國人都話Daiso呢啲驅蚊產品係冇用，佢哋唔單止驅唔到蚊，仲會吸引啲蚊過嚟。
所以好多人都話，如果想「捐血」畀啲蚊，就要用呢啲產品啦！
以上10樣就係韓國人覺得Daiso入面好伏嘅產品。
雖然佢哋嘅價錢真係好平，但係質量真係一般般。
大家都可以做定筆記，等遲啲嚟韓國去Daiso掃貨嘅時候，都唔好中伏！
✨馬上Follow我哋IG
instagram.com/creatrip.hk
本文經妞新聞niusnwes合法授權刊登，未經授權請勿轉載