韓國女性職場歧視
韓國有冇進步到？至今仍有7成韓國女性曾受職場性別歧視，男女人工唔平等，落差竟達三分之一！
Hello，大家好，我哋係由韓國人話你每日最新韓國資訊嘅Creatrip。
＃韓國文化＃韓國平權
＃男女平權＃38婦女節
3月8號係全世界公定嘅婦女節，對韓國人嚟講，呢個日子似乎係一個可有可無嘅存在。
大家應該都知，男女平權喺韓國其實係一個假議題，從未真正落實，亦都從來冇見過有改變。
今日要介紹嘅係韓國文化當中比較具爭議，但對韓國人嚟講，係相當現實嘅男女不平權層面，我哋會用唔同視角去睇，大家又會覺得點呢？
✨馬上Follow我哋IG
instagram.com/creatrip.hk
韓國男女不平等
根據OECD會員國排名，韓國「性別工資差距」穩居OECD國家中第一，竟高達34.6%，可以話係一個好得人驚嘅落差。
根據韓國勞動社會研究所數據分析，2019年8月份女性勞動者平均月薪為202萬won (約13,466hkd) ，男性係315萬won (約21,000hkd)；
如果以正式員工嘅人工去計，女性正式員工月薪為266萬won (約17,733hkd) ，而男性為369won (約24,600hkd) 。
除此之外，未拎到最低法定工資女性非正式職員比例，佔全體女性勞動者一半（50.8%）。
喺早幾年前，企業上繳銷售報告書內容當中，韓國20大企業裡面，男性月薪比起女性足足多50%；銷售額排名前600企業中，女性比例亦只佔22%。
韓國女性怒吼
舊年3月6號，發起女性罷工團體「3點STOP共同行動（3시STOP공동행동）」公布性別歧視勞動狀況問卷調查。
結果近7成女性勞動者都曾經歷過職場上性別歧視。
“같은 나이 남직원에게는 존댓말하고 내겐 반말한다. 욕이 일상화돼 있다”
「我對同年男同事講敬語，但佢就對我講半語。講粗口更係家常便飯。」
“거래처 손님이 왔는데 나보고 사모님이라고 했다”
「客戶嚟咗，見到我但就叫我사모님（對女性唔正式嘅稱呼）。」
“남자한테는 사장님, 여자한테는 아줌마라고 부른다”
「對男店員叫社長，但對女店員就叫阿珠媽。」
資料照片：惠化站示威（huffingtonpost）
性別歧視其實就係由言語開始，正確稱呼同敬語，其實喺韓國文化裡面係相當重要一環。
唔少女性都因為係女性，而得唔到正確同友善對待。
“여자가 있어야 분위기가 밝아진다”
「有女仔喺度，氣氛先會變得更好。」
“고객 접대 때 업무상 관련 없는 부서인데 꼭 동참하길 강요받았다”
「招待客戶時，明明係業務上同我一啲相關都冇，但就要被迫加入。」
“업체 사장에게 도면을 보내달라고 했더니 애교부려보라고 했다”
「比業務老闆睇圖紙時，佢突然叫我撒嬌。」
來源：민중의소리
當中，唔少韓國女性亦被迫從事情感上勞動、裝飾上勞動，同硬要將溫柔同撒嬌呢種事，建立成女性基本價值，亦因為咁女性勞動者經常會遇到性騷擾同性暴力等情況。
“여자가 회식의 꽃이라며 가운데 자리에 앉게 했다”
「話女人係聚餐之花，要坐中間位置。」
“회식에 점장님이 오니 예쁘게 차려입고 오라고 했다”
「因為今日店長會嚟聚餐，記得著靚啲。」
“남자보다 돈도 덜 주면서 화장까지 강요한다. 바르는 것도 돈, 지우는 것도 돈이다”
「明明（女性）比起男性已經賺得少，又被強迫要化妝，用嘅係錢，消失嘅都係錢。」
以上都係真實發言中，好多人都反映身為女性，外表上受到指點同評價。
唔少女性都覺得明明自己都唔係生得好睇，點解就要受到呢種批評？
而喺工作層面上，好多女性職員喺Office都成日會被叫去負責雜物、清掃等等，對女性定型唔單只係外表，而係連工作能力都一同定義。
韓國女性壓抑
根據韓國統計廳統計，2019年1人1家庭比例為29.8%，係韓國所有家庭型態中最高一種，大部分人工作都係為咗各自生計努力。
但因為對於女性求職嚟講，好多公司會抱持住一種「你遲早會結婚生仔」嘅理由，提供較少晉升機會；
甚至多數公司表明歡迎女性，但工資就相對較低，令人有種因為工資低，所以搵唔到男性做，所以推薦比女性？嘅感覺。
好多婦女同時被認為，佢哋唔係主要家庭負擔者（有老公(男性)，所以唔一定要比佢哋更多資源）。
而當已婚婦女到屋企之後，又係雙重勞動折磨，形成一個「長期勞動→勞動力下降→慢性疲勞→工作效率下降→更長期勞動」惡性循環。
團體問卷最後，有問女性勞動者，「性別歧視消失嘅世界會係一個點嘅世界？」
好多人都表示：唔係想被分為唔同性別或角色，而係想做返同等人。
來源：ThroughCo
呢點同海外好多男女平權運動中表示觀點類似，佢唔係邊嗰嘅老婆、唔係邊嗰女、唔係邊嗰家姐、唔係邊個啊媽、唔係邊嗰秘書，佢就係佢。
韓國女性喺社會上遭受歧視、有色眼鏡都唔特止，當然喺新創公司、大型企業裡面，呢啲為人詬病歧視文化正在消退當中。
冇可否認，喺韓國其實仲好多睇唔到嘅企業、商店、個人，都仲有呢種過時想法。
✨馬上Follow我哋IG
instagram.com/creatrip.hk
| 其他延伸閱讀 | |
 韓國人避孕方法 |  82年生金智英 |