客服中心爆群聚感染
「驚客人聽唔清楚，就冇戴口罩...」首爾客服中心爆群聚感染，工作性質成疫情擴散主因？
來源：포토뉴스
哈囉，大家好，我哋係由韓國人話你知每日最新韓國資訊嘅Creatrip。
＃韓國新聞＃武漢肺炎
＃20200320＃首爾疫情
位於首爾市九老區新道林洞一間客服中心，截至10日晏就14:00為止，已有64名相關人員確診武漢肺炎。
首爾市長更喺會議上表示：首爾已出現大規模群聚感染。人人都戴口罩嘅首爾，點解呢個防疫破口會導致咁大呢？
Creatrip亦為咗要嚟韓國旅行嘅大家著想，將持續更新相關新聞（點我），大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
首爾多確診
資料照片，同本文冇關
傳呼中心其實就係大家成日所講嘅客服中心，如果係規模大嘅傳呼公司，其實同時會負責多個企業客服聯絡。
呢間傳呼中心因為座位密集，加上工作特性需要成日講嘢，容易造成口水噴發，成為首爾本次防疫上一大破口。
韓國中央日報（중앙일보）採訪該行業人員表示，返緊工嘅時候，有時會驚客人聽唔清，所以好多人都會除口罩。
另外，耳機亦係一大隱憂；雖然每個位都會有一副耳機，但如果客服為日夜當值，其實就等於2至3人共用一組耳機同MIC。
講嘢嘅時候所噴出嘅口水，亦好難即刻可以消毒。
再者，好多企業都冇專門客服部門，都係批出去呢類傳呼中心，管理上自然出現漏洞，亦唔可以好似其他Office一樣喺屋企返工。
所以之後針對類似職業防疫先係一大重點。
來源：news1
傳呼中心工會亦喺今日（10日）發布聲明表示，企業用低廉價格外批比傳呼中心，完全對就業者健康、工作環境冇關心。
本次集體感染職員，其實早喺晏就4點感到身體出現異狀，但仍工作到6點先離開。
確診大樓職員表示，公司並未要求佢哋戴口罩。
而爆發疫情11樓大約有200位職員，以Lift口為界，一邊係客服人員、另一邊係一般業務，但兩邊都出現感染者。
✨馬上Follow我哋IG
instagram.com/creatrip.hk
| 其他延伸閱讀 | |
 殺菌加濕器事件 |  疫情下的韓國 |