新天地捐款120億韓元

想贖罪？新天地教會突然捐120億韓元(7800萬港幣)抗疫；韓網：「先交完整信徒名單！」

정영여영이

5 years ago

연합뉴스

Hello，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃20200305＃新天地

隨住武漢肺炎（新型冠狀肺炎）疫情喺韓國造成唔細嘅傷害，各界紛紛捐款，而被認為係造成今次災情嘅核心「新天地教會」都捐款抗疫……

Creatrip為咗關心疫情嘅咁多位著想，會持續更新相關新聞（點我）。

咁多位亦唔需要恐慌，不論喺邊度都記得戴好口罩、勸洗手！小編會繼續更新消息。

20200306更新

大邱市全數退回捐款，相關報導請點我。

연합뉴스

今日（05日），新天地教會表示，為咗協助韓國克服武漢肺炎疫情，向社會福利共同募捐會（사회복지공동모금회）捐款120億韓元（約港幣7800萬）。

據悉，新天地今次捐款並冇事前商量好(備註1)，而係直接轉帳，向社福共同募捐會大邱分會捐出100億韓元、中央會捐出20億韓元。

捐款將全力支持因為武漢肺炎疫情擴散，而陷入困境嘅大邱、慶北，甚至全韓國。

備註1：韓國喺大量捐贈（特別募捐）個陣，通常都會事前商量好。

연합뉴스

由於確診者越嚟越多，為怕醫療系統崩潰，新天地教會亦提出會協助搵合適嘅治療中心，以應付大量患者，確保每個人都有救治機會。

新天地一再表示：教會出現大量病例，責任重大，會盡一切力量提供人力、物力支援，希望事件可以早日平息、確診者可以儘快康復。

不過捐款消息一出，韓網就引發討論：120億元唔係細數目，已經可以養起好幾間企業，一夜之間就可以動用咁大筆錢嘅宗教，真係唔簡單！

其他相關訊息就指出，新天地教會財政收入其實好多都係信徒奉獻所得。

信徒大約1萬4千多名嘅「達陡支派（다대오지파）」大邱教會，會計盈餘就高達148億韓元。

新天地教總會嘅財政撥款金額，帳面上嘅數字就高達949億韓元（約6億3千萬港幣）以上。

加埋12支派、房產等等，新天地教會嘅財產規模估計有5,000億韓元（約33億港幣）以上。

NAVER BLOG @ 또바기

韓網唔少評論對咁大額捐款都唔太受落。

佢哋認為新天地教要做嘅係交出正確嘅信徒名單，配合調查，唔係捐款了事，部分聲音亦開始質疑咁龐大嘅資金來源係咪正當。