Hello，大家好，我哋係由韓國人話你知每日最新韓國資訊嘅Creatrip。
＃首爾＃607080
＃舊時回顧＃首爾市
＃漢城＃回憶＃韓國文化
深受觀光客歡迎嘅韓國，都係喺近十年先開始發展觀光產業。
Kpop、電視劇等娛樂文化影響全球，多咗人認識呢一個國家。
唔知大家又知唔知道，其實韓國幾十年嚟嘅演變可以話係一個奇蹟呢？
首爾市政府（撳我）放咗大約9萬張舊時代嘅首爾相。
到底以前嘅首爾係點㗎呢？又同而家嘅首爾又咩唔同？同小編一齊嚟睇下啦！
感謝首爾市政府整理，等我哋可以睇到更加完整嘅「首爾記憶」。
備註：本文所有首爾舊相都係嚟自서울사진아카이브（點我查看）。
崇禮門（南大門）
- 拍攝日期：1963年05月22日
過去
位於首爾站、市廳附近嘅南大門，係首爾四大城門之一。
以前係個相當熱鬧嘅商圈，而且可以見到當時仲有地上電車行駛。
現代🙌 南大門市場探訪記
德壽宮
- 拍攝日期：1983年
過去
位於市廳站嘅古宮殿，附近有幾座西方建築，東西方融合。
比起景福宮，德壽宮更可以見到舊時面貌。
現代
世運商街
- 拍攝日期：1967年07月26日
過去
1960年代先建成嘅世運商街，係鐘路一帶最大嘅五金材料市場。
經過幾十年風霜，近期重新改造，有「首爾的屋頂」之稱，可以喺瞭望台展望成個鐘路區。
現在
明洞街道
- 拍攝日期：1989年04月08日
過去
明洞由70、80年帶開始就係一個相當熱鬧嘅商圈，當時甚至會封街遊行。
上圖右面嘅白色建築，就係大家熟知嘅明洞劇場。
現在🙌 明洞地圖懶人包
惠化大學路
- 拍攝日期：1985年05月04日
過去
首爾大學路圍繞著成均館大學一帶。
呢度由以前開始就非常多樣化，係好多年輕人會去嘅地方。
當時好多展覽、文青聚會甚至係街頭運動，都喺呢度發生過。
現在
首爾市廳
- 拍攝日期：1971年10月23日
過去
首爾市廳本身係一幢歷史悠久嘅建築。
當年起地鐵嘅時候，係直接喺市廳前面開展工程。
現在
首爾市營巴士
- 拍攝日期：1968年09月09日
過去
舊式嘅首爾市營巴士位置簡陋，但咁樣嘅擺位好似令到車入面嘅空間大啲。
現在
🙌 韓國巴士懶人包
市廳聖誕樹
- 拍攝日期：1988年12月22日
過去
首爾市廳、南大門前方嘅廣場有棵好大嘅聖誕樹。
呢個擺設嘅歷史悠久，每到冬天就會換上豔麗裝飾，每一年都會有啲唔同㗎！
現在
- 拍攝日期：1983年
過去
過去
首爾嘅乙支路入口站其實同而家大致上一模一樣(而家月台多咗玻璃幕門），但兩張相其實隔咗40年。
來源：g-rapid.kr
首爾地鐵2號線
- 拍攝日期：1983年12月17日
過去
首爾地鐵2號線開通個陣，唔知大家幾歲呢？小編個陣仲未出世。
首爾地鐵2號線已經有37年歷史，可以話係個「中年大叔」，難怪會逐漸將車廂淘汰，換成新款。
現在
奧林匹克公園
- 攝影日期：1988年08月22日
過去
為咗迎接1988嘅奧運會，韓國可以話係舉國大力建設同裝修，而奧林匹克站嘅地標「世界和平之門」都喺呢度矗立咗三十幾年。
現在
🙌 奧林匹克公園探訪
奧林匹克競技場
- 拍攝日期：1988年09月28日
過去
同樣為咗奧運會而新建嘅綜合運動場，而家主要作為Kpop演唱會場地，三十幾年嚟都冇咩變過。
現在
興仁之門（東大門）
- 拍攝日期：1963年10月12日
過去
同樣係首爾四大門之一嘅東大門（興仁之門），喺首爾市區東北部。
呢度當初都幾熱鬧㗎！
舊相可以見到，當年仲有騎馬嘅警察。
現在🙌 東大門美食懶人包
首爾的士
- 拍攝日期：1986年10月27日
過去
喺好多年前嘅首爾，的士有過黃色同綠色，但到咗現代就變咗以銀、橙為主。
現在🙌 韓國的士懶人包
- 拍攝日期：1986年10月27日
過去
大家有冇喺行過首爾站樂天超市個陣，留意到一邊嘅舊建築？
呢個其實係以前嘅舊首爾車站，而家就變成類似一座博物館咁。
現在
🙌 首爾站交通總整理
- 拍攝日期：1976年09月01日
過去
高速巴士站當初其實周圍一片荒涼，由上面嘅舊照片可以見到70年代個陣，後面都係綠色一片。
又有邊個估到40年後嘅今日，高速巴士轉運站會成為首爾連接江原道交通嘅重要樞紐之一呢！
現在
清溪川
- 拍攝日期：1967年08月26日
過去
清溪川在喺整治前，環境其實非常可怕，周圍住都係一啲比較窮困嘅人。
後嚟又係河上加蓋、起馬路，清溪川變成臭氣沖天嘅水溝。
直到李明博喺2003年推動整治工程，拆咗高架橋同美化周邊，先有今日咁靚嘅清溪川。
現在
🙌 首爾清溪川懶人包
聖水大橋
- 拍攝日期：1979年10月15日
過去
聖水大橋係一座好出名嘅漢江大橋，連接首爾江東周江南。
不過喺1994年聖水大橋曾發生斷橋意外，令人反省發展嘅同時，係咪都忽略咗啲咩更重要嘅事。
🙌 南韓史上重大災難
現在
再次感謝首爾市政府用心整理呢啲舊首爾嘅珍貴資料，令佢哋重見天日。
無論係舊時嘅香港定首爾，都別有一番風味。
咁多位，我哋下次見。
備註：本文所有首爾舊相都係嚟自서울사진아카이브（點我查看）。
| 其他延伸閱讀 | |
 弘大地圖懶人包 |  韓國飾品店整理 |