韓國觀光業重創
春暖真係會花開？57年嚟首次...釜山鎮海軍港節叫停，韓國經濟、觀光產業面臨未盡寒冬
哈囉，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃新型冠狀肺炎＃觀光
＃春季＃櫻花季＃報銷
韓國新型冠狀肺炎疫情，隨住國內防疫規模擴大，相關影響層面都逐漸增廣。
而韓國冬天將要結束，即將踏入好多人期待嘅春天，但對好多想嚟韓國玩嘅遊客，或仰賴觀光客嘅旅遊業者嚟講，真正嚴冬先啱啱開始。
Creatrip亦為咗要嚟韓國旅行嘅大家著想，將持續更新相關新聞（點我），大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
多數春季慶典取消
韓國將於3月初開始慢慢換季，最令人期待嘅櫻花盛事，如今卻因新型冠狀肺炎疫情而變樣。
韓國最具代表性嘅「鎮海軍港節」櫻花慶典，昌原市長喺今日（27日）晏就沉痛發出聲明，取消2020年鎮海軍港櫻花節。
佢表示：「雖然慶典對商業圈有好重要影響，但新冠肺炎危機中，市民生命安全更為重要。」
呢次係鎮海軍港節舉辦57年以嚟首次停辦。
昌原市長亦承諾，出年（2021年）櫻花季將會有升級版軍港櫻花慶典，希望市民可以寬容理解。
唔單止鎮海櫻花節，全韓各地春季慶典亦都因疫情擴散，即使春天就到，亦不得不臨時叫停。
例如慶北金泉市「李子花慶典」、光陽「梅花慶典」、高靈「大伽倻體驗節」、濟州島「野火節」。
對觀光客同當地旅遊業者嚟講，雖然失去一年觀覽同經濟，但如果可以令疫情早日控制，將會係一個非常正確決定。
韓國經濟下滑？
韓國中央銀行喺今日發佈訊息，將2020年經濟成長率預測，由原本2.3%下跌到2.1%。
同時佢哋亦認為，新型冠狀肺炎疫情令經濟暫時萎縮恐將成真。
但央行亦表示，當疫情獲得控制之後，民間消費、出口業就可以擺脫而家低迷狀態，同時會逐漸增長。
但到底幾時會好，都係一個未知字數...
同時南韓政府亦又面對緊另一個難關，就係明顯下滑嘅觀光產業。
根據BNK金融經營研究所東南圈（大概指釜山、大邱）研究中心發表報告指出，只係2020年2月份觀光收入，東南（釜山、大邱）圈就減少咗5,037億韓元（31.5億台幣），如果再加埋3月，損失可以話係慘不忍睹。
目前韓國正處於一個相當艱難環境，希望大家可以多加保重，並希望喺春天結束之前，疫情可以獲得有效控制。
✨馬上Follow我哋IG
instagram.com/creatrip.hk
| 其他延伸閱讀 | |
 明洞美食懶人包 |  觀光入境規則改 |
 大邱全面檢疫 |  四大公共財OPPA |