韓國冷知識(3)
韓國冷知識！喺便利店前面XX原來係犯法？韓國睡眠時間係全世界最少？
Hello，大家好，我哋係由韓國人每日提供最新韓國旅行資訊嘅Creatrip。
想知其他國家唔同文化，唔單止係由去旅行做起，喺一啲意想不到嘅小地方，都可能會令大家會心一笑。小編整理出你估都估唔到嘅韓國冷知識，有興趣嘅話就繼續睇落去啦！
備註：本文部分想法源於太咪瘋韓國▪Tammy▪태미。
韓國冷知識
1. 韓國人名唔係只得三個字
想法來自太咪瘋韓國▪Tammy▪태미
JTBC
《梨泰院Class》中，朴敘俊喺劇裡名叫朴世路，但其實韓文原名係박새로이，多咗個이。唔係因為韓劇就可以天馬行空改名，1993年開始，韓國法規明定除咗姓氏之外，名字可以取五個字。如果姓氏係複姓「南宮」，加上5個名字，最多就可以有7個字。
改名亦有其他規定：漢字同韓文字禁止混合用、唔可以改同父母名字一樣嘅字、漢字只可以用特定八千多字以內嘅字等等。
想法來自太咪瘋韓國▪Tammy▪태미
2. 韓國可以紅燈轉右
相信嚟過韓國嘅人都知，明明係紅燈，但靠右邊嘅駕駛都會無視，直接轉右。唔好以為韓國駕駛都係可以咁無法無天，其實呢個係法律規定。當然亦都會有例外！如果橫向斑馬線有行人過緊馬路，絕對要禮讓行人先過；而路口設有紅燈右轉燈時，一般紅燈係唔可以轉右。所以多數司機喺直行時，都會避開右線車道，以免咁啱遇到紅燈。
3. 大邱機場縮寫係TAE、釜山機場係PUS ？
大邱英文係DAEGU，釜山英文係BUSAN，呢點大家可能都好清楚，但其實呢種寫法係近10年先確定要訂落嚟。喺之前，大邱英文其實係寫TAEGU，釜山係PUSAN（小編仲記得好耐之前去釜山，個時好多都係寫P而唔係B）。係因為之前韓國為咗標記羅馬字而用嘅拼音，所以同而家寫嘅有啲差異。
釜山大學（Pusan University）
大部分路上標示都已經改好，以而家睇到嘅為主，但機場代號、設施名相對唔易改，所以先會一直用到而家。
4. 韓國OPPA真係個個都咁高？
insight
好多人睇完韓劇，或者Follow幾個韓國藝人，都會發現韓仔普遍都偏高。差唔多個個都係長腰OPPA，有180cm以上，但其實又係唔係事實呢？當場唔係啦！2016年韓國兵役體檢紀錄中，平均身高主要係173cm左右（20代）；2017年全韓國男性平均身高紀錄更係174cm左右（20至30代），呢個數據其實同香港差唔多。
5. 嫁去韓國最多嘅係中國人？
한국 통계청
好多人嚟韓國玩，都會覺得好似唔少店員都識講中文。的確唔少中國人都係透過婚姻方式嫁到韓國，所以會比人有種感覺係最多嫁比韓國人嘅國家就係中國。
越南國旗
喺2018年外籍妻子數量中顯示，越南籍妻子嫁比韓國人比率（30%）超過中國，但中國丈夫娶韓籍妻子比例依然係最高：21%。如果繼續咁落去，話唔定之後越南話會成為韓國觀光主流語言添。
6. 冇颱風去到北韓？
呢句說話其實啱咗一半，喺2019年之前歷史紀錄上，係冇一個颱風去到北韓，往往都喺到38度線時弱化成氣旋。但呢個紀錄喺上年9月比玲玲颱風打破，玲玲颱風橫掃朝鮮半島、一路北上，最終跨過38度停戰線，係有史以嚟第一個抵達北韓嘅颱風，而且引起唔少災情。
7. 便利店禁酒？韓劇演嘅都係違法？
KBS
成日喺韓劇都會見到，男主角約朋友喺便利店見面，然後就你一支我一支咁。嚟韓國旅行嘅時候，應該都會見到唔少便利店出面，放有膠檯同櫈，好多韓國人都會坐喺側邊飲酒同傾偈。其實大部分便利店營業登記項目係휴게 음식점（休息飲食店），同可以合法飲酒嘅일반 음식점（一般飲食店）唔同。不過要取締範圍太大，警察多數都係隻眼開隻眼閉，除非飲酒打擾到住戶，如果唔係都唔會有進一步行動。
但如果真係俾警察捉到，店主人係可以將處以5年以下刑期，或5,000萬韓元罰款。
8. 韓劇最高收視唔係《天空之城》？
JTBC
相信大家都聽過《天空之城》係寫下新紀錄高收視韓劇，但其實23.779%算係有線台（第四台）最高。但如果同無線台MBC、KBS、SBS相比，可以話係連頭50名都入唔到。
不過喺韓國，韓劇收視率都會按照有線台、無線台分開去計，深受大家喜愛、引起熱烈討論嘅韓劇通常都係付費有線台戲劇。
9. 冇手嘅日子都係吉日？
對韓國人嚟講，如果要搬屋或者搞喜慶之事係要擇日子，其實韓國人都會睇農曆（陰曆），將農曆日期尾數為9或0嘅日子，稱為손 없는 날，指嘅係冇鬼嘅日子就係吉日。所以韓國人喺進行大事嘅時候，都會揀日子，而且會參考農曆9號、10號、19號、20號、29號、30號。
10. 韓國睡眠時間係全世界最少？
根據OECD（世界經濟合作與發展組織）調查，韓國被譽為睡眠時間最少國家，平均只瞓6個鐘。大多數原因係因為加班、壓力大、公司同屋企距離太遠唔夠瞓等等。但顯而易見，唔單止健康受到影響，工作壓力過高，韓國成為世界上自殺率最高國家之一。
以上係小編整理出嘅相關冷知識，希望大家會鍾意啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk