韓進入社區感染階段

南韓：「進入社區感染階段」確診者同教會人員，仍然有396位未聯絡／韓危機警示維持警戒

정영여영이

5 years ago

NEWSIS

哈囉，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃20200220＃社區感染

18日確診嘅大邱女性（第31例）接觸者眾多，唔洗兩日南韓暴增51宗武漢肺炎病例。

南韓政府宣布：韓國目前已經進入武漢肺炎（新型冠狀肺炎）「社區感染」階段。

Creatrip亦為咗要嚟韓國旅行嘅大家著想，將持續更新相關新聞（點我），大家唔需要太過擔心同緊張，記住出門口一定要戴口罩同勤洗手！

연합뉴스

今寓（20日）例行記者會上，COVID-19（新型冠狀病毒/武漢肺炎）中央事故處理本部副部長表示：目前判斷由海外流入（南韓境內）新型冠狀病毒，喺有限範圍內開始社區感染。

呢類發言亦係政府第一次承認，社區感染已經喺韓國發生。

NEWSIS

目前韓國傳染病危機警報，由1月20日出現首例武漢肺炎病例後，上調一階至注意，而一星期過後直到而家，危機警報亦只係「警戒」，目前仲未有上調到「嚴重」狀態想法。

中央事故處理本部副部長表示，目前仲未有相關上調危機警報行秀，但政府已經開始進行全面防護措施，社區感染亦局限部分地區，因而需要再進一步觀察。

因為大邱、慶北地區大規模感染，佔全韓感染人數近6成（59.7%），所以南韓政府亦決定對大邱、慶北地區學校開學、集體活動等情況，制定另外方針同解決措施。

資料照片電影《哭聲》

呢次大爆發感染患者，唔少都係天地教成員（包含源頭第31例確診病患），而據大邱市政府表示，同第31例患者共同做禮拜嘅有1,001人，其中90人表示有相關症狀、515人表示冇，但令人擔心嘅係仍然有396人未聯絡到。

但同時，對應新型冠狀病毒三條《傳染病預防法》修正案、《檢疫法》修正案以及《醫療法》修正案，今日獲得國會常任委員通過。

《傳染病預防法》修正案中，將對老人家同小朋友發放口罩，或者當南韓境內醫療用品不足、價格急遽上漲時，亦可以禁止出口口罩、手部消毒液等商品。

而《檢疫法》修正案則同外國遊客有關，如果通過保健福祉部可向法務部提出要求，禁止傳染病流行同可能將禁止流行地區到訪外國人入境南韓。而呢條制定係1954年後，時隔66年再次修改。

目前呢三條修正案將會喺26日通過法治司法委員會，預計27日進入國會。