廣藏市場美食｜聲牛生拌牛肉
廣藏市場邊間生牛肉最新鮮？小編私藏「聲牛生牛肉(성우육회)」，保證大家一定滿意！
Hello，大家好，呢度係由韓國人每日提供最新韓國旅行資訊嘅Creatrip。
廣藏市場有好大大小小嘅攤檔同店鋪，呢度特別出名綠豆煎餅、水餃、紫菜包飯、醬蟹、生牛肉同生章魚。大部分嘅生牛肉店都係維持住舊式嘅外觀，但就令到好多遊客擔心衛生問題。今日小編就想推薦聲牛（Sungwoo）生牛肉，唔單止枱櫈擺放整齊，店內更加係環境整潔，令人安心。大家快啲save底呢一篇blog，之後嚟廣藏市場嚟試下啦。
Creatrip Solo Foodie Pass
為咗咁多位獨遊韓國嘅朋友們都可以盡情享受韓國美食，我哋今次同超過10間餐廳合作，為大家帶嚟各種獨家優惠！由全單折扣到免費餐點應有盡有，就算係自己一個嚟韓國玩都可以食得盡興！入面仲包咗一份獨家「韓國一人餐廳地圖」，得買咗優惠券嘅朋友們先可以睇到，仲會不定期更新！
趁開賣做緊早鳥優惠，快啲用優惠價買返套用啦！（聲牛生拌牛肉都有優惠㗎！）
Solo Foodie Pass | ₩5,000 （5000） |
※本頁面所標示嘅價錢以韓幣為準，港幣幣值會因應即時匯率而浮動。
廣藏市場「聲牛生拌牛肉」資訊
- 地址：서울 종로구 종로 200-12
- 營業時間：10:00 - 22:00（Last Order 21:00）、星期三休息
廣藏市場「聲牛生拌牛肉」推薦理由
- 韓國人去廣藏市場一定會食生牛肉，如果大家唔知去邊間好，小編推薦可以去聲牛生拌牛肉。
- 餐廳內部好整潔同現代化，職員亦都好nice，冇準備外語菜單，每道菜都有相，要落單一啲都唔難。
- 生牛肉同活章魚係聲牛生拌牛肉嘅招牌， 一上檯章魚仲識郁，一開始可能好難習慣，但最後你會愛上呢種新鮮獨特味道。
廣藏市場「聲牛生拌牛肉」Menu
菜單 | 價格 |
生牛肉 육회 | ₩19,000 |
活章魚 산낙지 | ₩15,000 |
生牛肉+活章魚 육회탕탕이 | ₩32,000 |
生牛肉拌飯 육회비빔밥 | ₩9,000 |
廣藏市場「聲牛生拌牛肉」優惠及注意事項
- 出示Creatrip Solo Foodie Pass，即享9折優惠。
- 唔需要預約。
- Creatrip Solo Foodie Pass優惠券可以喺超過10間餐廳使用，詳情可以撳我睇。
- 如果用優惠券嘅時候有任何疑問，可以send email到help@creatrip.com查詢。
廣藏市場「聲牛生拌牛肉」介紹
只睇門口係唔係都覺得佢好新同乾淨呢？
小編叫咗生牛肉（육회）、活章魚（산낙지）、生牛肉拌飯（육회비빔밥）。
即使已經將章魚切成一粒粒，章魚都仲係好生猛會不斷郁……切完章魚放喺生牛肉上面，再加埋蛋黃就可以上菜。
食嘅時候，首先要將蛋黃篤穿之後攪勻，夾一塊紫菜，再放幾片梨，將生牛肉同章魚之後包埋一舊，最後加少少麻油就食得。食嘅時候唔會覺得油膩、有腥味，反而係覺得好爽口。
生牛肉拌飯₩8,000
呢度嘅拌飯亦都好特別，因為佢哋嘅配料係用咗生牛肉，食嚟起更有鮮味，而且好有飽肚感。
老闆有提供九折優惠俾Creatrip會員，推薦大家下次嚟廣藏市場嘅時候，可以到聲牛生牛肉食㗎！
廣藏市場「聲牛生拌牛肉」前往方法
鐘路5街站（종로5가역）11號出口出嚟。
轉左入去廣藏市場。
喺呢個路口轉左。
行大約30秒就會見到聲牛生牛肉（성우육회）嘅招牌喺左手邊。
以上係廣藏市場「聲牛生牛肉」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com