東大門「橋村炸雞」（1號店）介紹
唔食橋村炸雞都唔可以話去過韓國！帶你去24小時營業嘅東大門1號店！
Hello，大家好，我哋係由韓國人每日提供最新韓國旅行資訊嘅Creatrip。
橋村炸雞係韓國代表品牌，其中醬油味同蜂蜜味最出名。東大門1號店係咁多間橋村炸雞店之中最大，而且唯一一間24小時營業嘅分店，一齊去睇吓啦！
東大門「橋村炸雞1號店」資訊
- 地址：서울 종로구 종로 294 2F
- 營業時間：24小時
- 前往方法：東大門站（동대문역）6號出口
東大門「橋村炸雞1號店」介紹
入到去之後，大家會感覺到呢度都夠闊落，檯同檯之間有多空位，完係唔會覺得逼。
加上有窗口位，可以邊食邊望住東大門嘅景。
橋村炸雞入面最受歡迎就係蜂蜜口味，食落唔會太甜，而且食得多都唔會覺得滯，炸雞配蜂蜜完全係冇得輸，相信呢個口味，無論係男女老少都一定會鍾意食 。
小編仲想推薦大家叫半半炸雞（醬油味+辣味），比起蜂蜜口味，小編更鍾意食經典醬油味，蒜味重係喺其他店絕對食唔到嘅味！
RED炸雞係解用咗韓國產青陽紅辣椒嘅辣味加大蒜、蜂蜜混合而整成嘅醬汁，有少少偏辣，但食得好過癮，鍾意食辣嘅大家一定會鍾意嘅味！
下一個要介紹嘅就係橋村沙律，有多種生菜同橋村特製醬汁，撈埋一齊食可以解決炸雞油膩感！
如果只叫炸雞覺得份量唔夠，亦可以多叫一啲其他小食。
小編另外仲點咗雞排炒飯，佢好特別係將韓式粉絲同雞肉放入醬油一齊炒，份量都算ok。
韓式粉絲同雞肉一齊炒嚟食？意外地又真係幾好食XD
黑色秘密炸雞用咗5種香料去整，當中包括醬油、黑芝麻、青椒等，味道好濃郁，未必會每個人都鍾意。
雖然一開始睇落咁黑會令人抗拒，但味道其實都幾唔錯，而且食食吓會令人食上癮，如果想再重口味啲，可以另外加多一個花椒配料去點。
當然食炸雞又點少得飲返杯啤酒？以上3杯都係韓國近期流行，有啲水果香，可以掩蓋炸雞油膩味同炒年糕辛辣味。
橋村就係有一種令人一試難忘嘅味道！如果之後去東大門shopping，行到攰又唔知邊間鋪頭仲有開門，不如就去食炸雞啦！
東大門「橋村炸雞1號店」前往方法
東大門站6號出口出嚟。
之後轉右直行。
之後就會橋村喺右手邊。
去到入口上2樓就到啦。
最後！如果覺得去東大門太遠嘅話，可以用我哋Creatrip嘅代訂橋村炸雞外賣服務，一樣都可以食到熱辣辣炸雞。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com