Hello，大家好，我哋係由韓國人每日提供最新韓國旅行資訊嘅Creatrip。
韓國美食當中，烤腸係個好邪惡但超吸引嘅美食。大家知唔知呢？往十里站（왕십리역）呢度有條烤腸街，大馬路左右兩邊開咗近10間大型烤腸店，每間都係人氣滿滿。小編隨意揀咗間最多人去嘅，食完之後終於明點解會咁多人！快啲睇落去啦～係地道烤腸美食嘅最佳選擇。
往十里 Jungbu家烤腸
- 地址：서울 성동구 고산자로 287
- 時間：12:00至00:00
呢度距離往十里站大概有10分鐘距離，呢一帶聚集咗大約10間左右嘅烤腸店，所以有「往十里烤腸街」嘅稱號，係韓國當地人食烤腸必去嘅地方，而呢間JungBu家烤腸，算係當地開業比較耐而且出名嘅鋪頭。
小編係喺禮拜日夜晚8點去，呢一條街上面係呢間鋪最多人，幾乎坐滿。
座位就係一般嘅烤腸店形式，凳下面有置物空間可以俾你放衫。
JungBu家烤腸嘅生意真係幾好，小編一入場佢就話牛肉烤腸已經賣晒，淨底豬肉。
備註：每款至少要叫2人份
價格方面，小編覺得算一般（偏平），可以因為冇觀光客會嚟呢度嘅緣故，價格會比較實在，吸引韓國人嚟。
上枱嗰陣，會有一鍋白豆腐。呢一鍋冇咩味，食完油膩嘅豬腸可以食一啖，而小編叫咗兩份原味嘅烤腸（鹽巴）同兩份蔬菜小腸（豬），上枱嘅時候小編同朋友都嚇親，因為份量超級多。
JungBu家烤腸嘅4人份烤腸份量有幾多？小編用iphone同匙羮做比例尺，可以見到份量真係超多，而且上枱就可以食。大家可以將火較細繼續加熱，等佢燒燶少少，會更加好食。
滿滿擺完一枱，豬蔬菜小腸嘅份量真係好多，口感偏辣，送飯簡直係一流，不過小編就用咗啤酒代替，哈哈哈。
冬粉量都好多，配埋蔬菜同烤腸一齊吃，真係天衣無縫嘅搭配，加上呢度嘅價格唔貴，算係小編喺首爾食過CP值最高嘅烤腸。
一般嘅鹽味烤腸都好好食，入面有唔同部位，超有口感，豬腥味唔重，令人一啖接一啖、停唔到。
小編食烤腸嘅時候最鍾意用芝麻葉包住食，烤腸嘅口感配上芝麻葉濃厚嘅味道，就算唔點醬都好好食。
擺咗滿滿一枱，價錢同份量真係小編喺首爾食過最抵食嘅，難怪往十里JungBu家烤腸，喺呢一帶人氣會咁高，仲上過幾次韓國電視節目添！
下次想食好味嘅烤腸，不妨去韓國人先會去嘅往十里烤腸一條街，喺小編親身去過嘅JungBu家烤腸，食超高CP值（小編最後食唔晒）嘅烤腸啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk