DAISO本月人氣推薦

去韓國DAISO買咩好？DAISO本月人氣推薦品公開，各種實用、療癒小物完全買唔停手

Jeongyeong Yeo

5 years ago

哈囉，大家好，我哋係由韓國人話你知每日最新韓國資訊嘅Creatrip。

＃다이소＃人氣商品
＃SNS推薦＃熱門商品
＃2020年2月＃熱門

去DAISO買咩好？跟住韓國DAISO SNS熱門推薦品買，就一定唔會有錯啦！

相信大家嚟韓國玩，一定唔可以唔去DAISO，因為佢哋商品同香港、日本都超唔同。

但佢哋咁多商品，到底買咩先係最好同最實用？就等小編話比大家知啦！

1. 半假髮

相信唔少女仔講到髮型，都會有「到底留長好，定剪短好」呢個煩惱，當大家十五十六嘅時候，大家可以去DAISO睇下呢款半假髮。

如果係中長型嘅大家，只要用超平價錢就可以入手，而且瞬間擁有大波浪。

夾扣式假髮設計，完全唔會傷原本髮質同頭皮，而且仲可以擁有神奇同自然捲髮魅力。

2. 寵物餐桌

屋企有寵物嘅大家，應該或多或少都有聽過將碗盤放喺地下比寵物食嘅話，可能會有不良影響，所以越嚟越多人都開始關注呢類寵物專用餐桌。

唔單止收納方便（可拆卸），超形價錢就可以入手，仲有一個重點係！呢個寵物碗可以由3cm到6cm，大家嘅小寵物一定可以食得開心又健康。

3. 迪士尼造型帽

相信每位小朋友都會想有一頂呢類米奇米妮帽，而且喺韓國DAISO，有好多知名品牌、卡通合法授權周邊商品，如果大家係迪士尼迷真係要留意下！

4. 迪士尼啤牌

唔洗港幣20$就可以買到合法授權迪士尼啤牌！

雖然唔係咩新奇產品，但就都幾有紀念價值。

唔單只人氣熱銷品，好多實用小物呢次都登上韓國DAISO推薦榜單，有興趣就要繼續睇下去啦。

對於懶人嚟講，呢類懶人檯放喺床度就可以滿足大小事，真係超方便。

而且只要₩5,000 (hkd 33)就可以帶佢返屋企，完全唔佔行李空間，大家又會唔會考慮下帶個返去呢？

唔知呢款史努比水晶球原子筆燒唔燒到大家呢？

一共五隻顏色，每款都令人想帶返屋企，而且唔知點解感覺用咗呢這支筆，全日都會有好心情。

超可愛馬卡龍造型膠紙，就算放喺筆袋度都唔會太佔空間，文具控又點可以錯過呢？

而且呢款仲係3M出品，品質絕對係有保障。

喺寒冷天氣中，又點可以冇暖包揸手，但有時覺得每日用一個好蹝。

韓國DAISO就出咗呢款掌心暖爐，只要叉佢4個鐘就可以用，怕凍嘅大家不如就買返個試下啦。

可愛手工藝體驗而家喺DAISO都可以買得到，大家一齊變身好手藝啦。

DAISO商品開發部門真係極度燒腦，先會有多樣化同各具特色產品同小物好買。大家經過DAISO時千祈唔好錯過啦！