弘大「平壤酒館」介紹
嚟呢度搵利正赫同志！《愛的迫降》熱播中，弘大「平壤酒館」充滿北韓氣氛嘅餐廳
Hello，大家好，我哋係由韓國人話你知每日最新韓國資訊嘅Creatrip。
＃弘大＃平壤酒館
＃평양술집＃2020
＃北韓＃玄彬＃利正赫
＃2020＃愛的迫降
而家最HIT嘅韓劇可以話係孫藝珍、玄彬主演嘅《愛的迫降》，南北韓嘅戀情究竟會有咩進展，小編自己都追得好緊張。
神秘嘅北韓究竟係點樣？相信大家都好好奇，畢竟北韓唔似南韓，輕易就可以去觀光旅行。今日小編要帶大家去呢間以「北韓式」裝修聞名嘅弘大酒館「平壤酒館」
✨馬上follow我哋IG
instagram.com/creatrip.hk
弘大北韓「平壤酒館(평양술집)」
- 地址：서울 마포구 와우산로19길 6
- 時間：17:00至02:00
平壤酒館位於弘大商圈嘅盡頭，差唔多喺停車場街（下圖），喺Olive Young前嘅巷子左轉後直行，就可以見到平壤酒館啦。
前方路口左轉
有別於一般嘅韓國酒吧，平壤酒館真係就好似係想像中嘅北韓咁。如果有睇《愛的迫降》嘅朋友，應該都會對呢種北韓式建築會心一笑呢？
門口大大隻「평양」平壤兩字，睇落特別顯眼，就好似係30、40年前嘅韓國建築。
平壤酒館入面嘅感覺，都完全復刻咗喺《愛的迫降》或者紀錄片入面見到嘅北韓配色、建築，周圍都見到嘅紅底白字標語，加埋撞色嘅配色，令人不自覺抬起頭周圍觀望。
平壤酒吧有兩層，空間非常大，不過都提醒下大家，呢度最早由下就5點開始營業，中午唔開㗎～想去弘大嘅平壤酒館嘅朋友記得揀啱時間啊！
周圍都見到呢啲北韓裝飾。不過小編覺得有一點有啲美中不足嘅地方，就係平壤酒館入面竟然播KPOP！
如果可以好似真正嘅北韓一樣，放個啲勵志、激昂嘅音樂，會更有代入感（？）
喺櫃檯隔離有間展示間，入面放滿北韓嘅零食、酒類等等，雖然唔知係真定係假，但都令人想喺入面睇下、影下相。
但平壤酒館到底係啲咩呢？其實呢度唔係大家以為嘅酒吧，正確嚟講有啲似係韓國人鐘意嘅個種可以食飯、飲酒嘅地方，大家不妨都嚟呢度感受下特別嘅用餐氣氛啦！
而且呢度都有北韓韓服可以體驗，不過目前好似淨係得女性韓服。
小編坐喺靠窗嘅位置，呢度算係包廂區域？位置好大，椅子都比較舒服，係沙發。如果係4個人以上一齊嚟嘅，不妨都去包廂區域坐。
至於食嘅部分，雖然有韓文、英文對照，但講真，就算係韓文小編都唔係好睇得明到底係咩嚟，哈哈哈哈哈！
果然係平壤酒館……所以就隨心所欲咁叫咗一輪。
볏짚에 훈연한 덕담골 오리 전골(Duck Hot Pot) ₩20,000
呢個係鴨肉鍋，肉嘅份量幾多，而且好香。
值得一提嘅係小編幾乎冇嚟韓國食過鴨肉，似乎係北韓比較多食鴨肉？都幾新奇～
마라어탕수(우력) ₩17,000
呢個炸魚都係平壤酒館嘅招牌料理，個人覺得好送飯，而且幾好食（有啲似糖醋魚），但要趁熱食，凍咗就有啲油。
곱창전골 牛腸鍋 ₩21,000
周唔辣，但香氣十足嘅鴨肉相比，牛腸鍋就辣得多，但用料非常豐富，鹹鹹辣辣嘅味道，配埋燒酒真係超級夾。
평양술집 하우스 볶음밥 ₩10,000
呢個係平壤酒館炒飯，個人覺得幾好食，鹹鹹甜甜，係喺韓國比較少食到嘅味道。
인조고기밥 ₩5,000
呢個係side menu，叫人造肉飯，係咪齋睇都覺得好神奇呢？口感嘅話有啲似係餅皮，而唔係假肉嘅口感，相比之下香港嘅齋都係比較厲害，哈哈～
不過聽講呢個真係北韓人想食肉，但冇肉食而整出嚟嘅食物。
上面嘅辣醬好好食，個人認為比南韓嘅辣椒醬更易入口。
而且一入坐，平壤酒館就會送每枱一包人造肉，有啲似肉乾，都幾好味。
두부밥 ₩5,000
至於豆腐飯就一般，係三角豆腐入面包咗泡菜飯，豆腐本身冇咩味道，泡菜又唔會太辣。
聽講呢味餸係為咗俾北韓人民補充蛋白質（豆腐）而做成嘅料理。
但整體嚟講，平壤酒館嘅嘢食都唔錯嘅，尤其係喺北韓氣氛入面，令人更有種自己喺度拍緊韓劇嘅感覺（除咗背景嘅KPOP間唔中有啲出戲）。
至於酒類嘅部分，雖然係叫平壤燒酒，但其實係韓國產嘅燒酒上面貼張貼紙。雖然有啲美中不足，但都幾有創意。
小編叫咗好多酒，除咗韓國常見嘅TERRA、梅花秀（매화수）之外，仲有金達萊啤酒，聽講呢啲真係會入口去北韓嘅啤酒嚟㗎！
身為酒精愛好者嘅小編，當然唔可以錯過。
不過……味道好特別，唔係一般啤酒嘅味，有啲似壞咗嘅啤酒？
但同店家講完，先知原來呢款啤酒真係咁嘅味，冇壞到，哈哈哈哈。
자몽 날맥주 西柚啤酒 ₩5,000
呢款啤酒係平壤酒館入面嘅招牌之一，酒樽非常特別，而且口感非常順、帶有香濃嘅甜味，係女仔會鍾意嘅酒類。
整體嚟講，弘大嘅平壤酒館氣氛營造得相當好，想體驗下特色餐廳、酒文化嘅朋友可以嚟試下～
小編今次嘅探訪都係玩得非常開心，推薦大家嚟。
將燒酒、梅花秀混合(但唔太好飲)
《愛的迫降》面定已經做到尾聲，唔知大家期唔期待劇情點發展呢？冇辦法去北韓，都可以喺弘大嘅平壤酒館，嚟一次特別嘅體驗啦。
咁多位，我哋下次見。
✨馬上follow我哋IG
instagram.com/creatrip.hk
| 其他延伸閱讀 | |
 益善洞總攻略 |  弘大證件照推薦 |