梨大校園禁止參觀

防範武漢肺炎，梨花女大校園禁止觀光客出入！韓網掀起爭論，點先係「有效防範」？

Jeongyeong Yeo

5 years ago

Hello，大家好，我哋係由韓國人話你知每日最新韓國資訊嘅Creatrip。

＃武漢肺炎＃梨花女大
＃20200131＃禁止進入
＃唔開放＃觀光客進入

武漢肺炎疫情響起警號，隨住東亞病例數越嚟越多，影響嘅層面都越嚟越廣，

而率先開出第一例嘅就係好多觀光客都會去嘅「梨花女子大學」。

✨馬上Follow我哋IG
instagram.com/creatrip.hk

原本自由進出嘅梨花女子大學，係觀光客喺首爾旅行嘅熱門景點之一。

但係為咗防範武漢肺炎，梨花女子大學喺01月30日朝早10點起，貼咗告示，

用多國語言寫明「外國旅客禁止出入」。

Creatrip會員提供

隨著武漢肺炎疫情升溫，唔少有好多海外學生嘅大學紛紛表示延遲開學，

或者叫學生自我隔離後先再返學校。

但係好似梨花女子大學咁，出強硬嘅告示，就相當少見。

雖然現場貼咗相關告示，大門都拉咗鐵門，

但唔係每個入梨花校園嘅人都會check，大多數旅客見到告示，就會自行離開，

或者少數睇落似旅客嘅人會被阻擋，檢查。

不過，呢個措施喺韓網就引發起討論。

有人認為，禁止外國旅客出入梨大，雖然表現出校方保護學生嘅用意，但實際上並唔係只有觀光客可能會有病毒，韓國人本身都具有傳染其他人、被傳染嘅風險，唔太合理。

歐新社資料照片不過，目前可以肯定嘅係梨花女大因為武漢肺炎唔再好似以前咁開放畀觀光客參觀。

呢個措施會持續幾耐，校方目前都冇定論，近期要喺首爾嘅朋友可能要重新排一排行程啦。

✨馬上Follow我哋IG
instagram.com/creatrip.hk