仁寺洞 | 我們的美
仁寺洞「我們的美」大部份商品100%韓國製及HAND MADE，鍾意傳統同復古小物嘅你千祈唔好錯過！
Hello，大家好，我哋係由韓國人每日提供最新韓國旅行資訊嘅Creatrip。
仁寺洞可以話係好多人去首爾必去景點其中之一，喺呢度大家可以買到好多傳統紀念品！今日小編想為大家介紹嘅呢間「我們的美（우리미）」，大部份貨品都係韓國製，而且100% HAND MADE，對傳統同埋陶瓷工藝品有興趣嘅朋友一定要親身去睇吓！想知道喺仁寺洞邊到？咁就要繼續留意落去啦！
仁寺洞紀念品「我們的美」資訊
- 地址：서울 종로구 인사동10길 12
- 營業時間：10:30 - 18:00
仁寺洞紀念品「我們的美」推薦理由
- 仁寺洞有好多間紀念品店，但好少好似呢度咁大部分貨品都係100%韓國HAND MADE。
- 價格親民，而且紀念品款式多，無論係自用定送禮都好啱。
仁寺洞紀念品「我們的美」優惠
- Creatrip會員下載優惠券，埋單嘅時候即可享九折優惠。
- 唔需要事前預約。
- 如果用coupon嘅時候有任何疑問，可以send email到help@creatrip.com查詢。
仁寺洞紀念品「我們的美」介紹
大家一入去可以見到好多韓國傳統小物，每件小物雖然價錢唔算平，但因為每一件都係100%人手製，每一針同每一線都可以睇得出好有心思同好講究。
老闆話佢哋呢度嘅化妝袋好多人買，因為得呢度先有呢個款，其他店唔會搵得到，而且仲好貼心咁出咗兩個Size，去旅行嘅時候可以用大袋，而出街嘅時候可以用細袋。
呢度嘅杯墊亦都好多人買，老闆特登用唔同顏色去配搭，等大家每次用嘅時候都可以有新鮮感！
而生活用品方面，呢度連枕頭、寶箱、扇、書籤等都可以買到，每件都好韓國傳統風，而且仲係獨一無二，鍾意就唔好錯過啦！
呢度每件小物都好精巧同吸引，而且好多款式喺第二度都搵唔到，想做第一個潮人咁就要快一步啦！
當然仲有小編一開始講過嘅陶瓷工藝品啦，呢度嘅陶瓷工藝品有一個賣點，就係佢哋專賣古董陶瓷，好似上面呢套茶具就喺嚟自日本，大約係1969-1979年用過，雖然全部都係二手，但大家可以睇得出老闆好用心咁去保存。
如果大家都鍾意睇傳統同復古小物，下次去仁寺洞就唔可以錯過啦！
仁寺洞紀念品「我們的美」前往方法
安國站6號出口出嚟直行。
見到旅遊諮詢服務處之後，轉左直行20秒。
見到首飾店（금은보화）之後轉左。
行前少少就會見到我們的美。
點先可以享有仁寺洞紀念品「我們的美」9折優惠呢？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係仁寺洞紀念品「我們的美」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com