Hello，大家好，我哋係由韓國人話你知每日最新韓國資訊嘅Creatrip。
＃廣藏市場生牛肉
＃2020＃推薦攤位
＃生拌牛肉＃美食
廣藏市場自從觀光客越嚟越多之後，就好容易中伏……
但係！廣藏市場其實仲收埋咗好多當地人鍾意嘅鋪頭！
小編今次要推薦嘅「晉州肉膾」，真係只有韓國人會去，而且店面乾淨，價錢又合理。
呢度嘅綠豆煎餅一啲都唔膩，小編食過兩三次，真心推薦畀大家！
✨馬上Follow我哋IG
instagram.com/creatrip.hk
廣藏市場：晉州肉膾（진주육회）
- 地址：서울 종로구 동호로 403-22
- 時間：10:00至00:00
由鐘路5街站7號出口出嚟，行去廣藏市場嘅時候，就會見到人滿為患嘅小食檔。
大家慢慢行到路口，右手邊就會見到一間白色招牌，上面寫住嘅「晉州肉膾」。
已經開咗30年嘅廣藏市場美食「晉州肉膾」，係小編有次無意間搵到嘅餐廳。
韓網上面嘅評論普遍都唔錯，而且Blog後記都有幾百篇，小編食過一次就成日都想再食。
店入面有一樓同二樓，位置算多，而且店入面嘅姨姨都非常親切。
小編留意到廣藏市場「晉州肉膾」多數都係韓國人去。比起出名嘅觀光客餐廳，「晉州肉膾」給人更地道嘅感覺。
Menu有中文、日文、英文、韓文，叫嘢食完全冇問題。
小編叫咗一份生拌牛肉（₩15,000）、綠豆煎餅（₩5,000）、牛肝同牛肚（₩13,000）同埋一樽馬格利米酒。
份量勁多、勁大份！而且價格合理，係小編食過咁多間廣藏市場美食店入面，唯一會再食第二次嘅鋪頭。
呢度冇咁多觀光客，係一間地道嘅韓國食堂。
生拌牛肉₩15,000
生拌牛肉嘅顏色好靚，暗紅色嘅肉絲沾上蛋液，加少少麻油、下面嘅雪梨片，一啖落肚真係超級滿足，非常鮮甜。
牛肝與牛肚₩13,000
原本小編以為呢個會食落會好血腥，但出乎意料地好鮮甜，而且價格合理。
如果怕會有牛膻味嘅朋友，可以點少少麻油食，味道會更加豐富、有層次。牛肚有咬口，食落鮮甜唔會有腥味。
綠豆煎餅₩5,000
廣藏市場「晉州肉膾」嘅綠豆煎餅唔算平，一份₩5,000有啲貴，但食落同一般嘅路邊攤唔同。
小編保證，呢間綠豆煎餅可以話幾乎冇油膱味，同行嘅朋友都畀好高嘅評價。
小編之前嚟「晉州肉膾」嘅時候，一食呢個煎餅就覺得好好食，甚至仲叫咗第二份。
食落有少少焦香，脆脆哋，覺得味道唔夠重嘅朋友，可以點麻油食。
「晉州肉膾」嘅綠豆煎餅都係喺即叫即煎～小編都諗唔透，大家都係一樣喺門口煎，點鮮「晉州肉膾」嘅煎餅油膱味可以咁少。
小編為咗呢個煎餅，就再番去呢間餐廳食。
食住綠豆煎餅，配埋廣藏市場必食嘅生拌牛肉，再嚟杯馬格利米酒，真係人生最大嘅享受。
下次唔好再去全部都係觀光客嘅鋪頭啦！跟住小編推薦，嚟「晉州肉膾」食當地人最鍾意嘅美食啦！
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 廣藏市場探訪記 |  韓國棉被推薦 |
 仁寺洞懶人包 |  南大門市場探訪 |
