Hello，大家好，我哋係由韓國人每日提供最新韓國旅行資訊嘅Creatrip。
每次講起韓國美食，都淨係諗起呢啲大魚大肉嘅食物？如果素食者嚟到韓國，係唔係冇咩好食？當然唔係啦！今日小編想同大家介紹一間喺景福宮附近嘅素食餐廳，套餐包含湯、飯同多樣小菜，保證食完一定會滿足！
景福宮素食「Maji」資訊
- 地址：서울 종로구 자하문로 5길 19
- 時間：星期一、星期三至六 11:30 - 21:00（Break Time 15:30 - 17:00）、星期日12:00 - 16:00（Last Order 15:00）、逢星期二休息
景福宮素食「Maji」優惠
- 下載優惠券，埋單嘅時候即享九五折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
景福宮素食「Maji」推薦
- 呢度嘅素食料理都係用心去整出最原味，味道會超過大家所期待，試過一定唔會失望。
- 位置喺景福宮附近，用咗韓屋去裝修，係首爾一帶少數素食韓國定食餐廳，味道同環境相信大家都會鍾意。
景福宮素食「Maji」位置
- 地址：서울 종로구 자하문로 5길 19
- 小Tips：景福宮站3號出口出嚟之後行大約15分鐘。
景福宮素食「Maji」介紹
Maji係用咗韓屋去裝修，只要經過都會令人忍唔住望多幾眼，雖然佢係主打素食，不過就算本身唔係素者食，嚟到試過都會另眼相看。
Maji係非肉食素食餐廳，喺入去之前，大家可以喺門口見到「穆斯林友善餐廳」標示。
喺前院會見到老闆親自醃製嘅醬料同小菜，只係見到都令人期待係咩味。
呢度有好多款菜式揀，晏晝仲有Lunch Set，最後小編決定要叫蓮葉包飯套餐（연밥올림/₩17,000）同定食套餐（끼니올림/₩15,00）。蓮葉包飯套餐有蓮葉飯、大醬湯、五種小菜、每日煎餅、 糖醋蘑菇、沙律；而定食套餐有玄米飯、大醬湯、五種小菜、 烤沙参、糖醋蘑菇、沙律等等。
小編原本以為會好似香港點心嘅糯米雞，應該會係好軟腍腍，點知食落口感比想像中有啲硬。
糖醋蘑菇小編覺得有啲驚喜，通常糖醋都會係配豬肉，但呢度係配磨菇，口感好特別，令人忍唔住食完一啖又一啖。
呢杯茶一開始飲嘅時候會覺得有啲苦，但係去到後尾會覺得有啲甜，食完一齊飯用佢嚟結束非常滿足。
呢度個人嚟又得，團體嚟又得，每一張檯都有唔同風格。
嚟韓國想食一餐健康又好食嘅料理，不如就嚟景福宮餐廳「Maji」啦！食材新鮮、醬料都係自製，俾人一種全新韓國素食體驗。
點先可以享有景福宮Maji優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係景福宮：Maji嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
