明洞美食｜百濟蔘雞湯
接近50年歷史明洞「百濟蔘雞湯」，超多電視台嚟採訪過！
Hello，大家好，我哋由韓國人每日提供最新韓國旅行資訊嘅Creatrip。
嚟韓國又點可以唔食人蔘雞湯？韓國人深信食完可以補氣，明洞呢一間百濟蔘雞湯揚名於海內外，唔少遊客嚟到都會食佢。而家只要係我哋會員，仲可以享有95折優惠，大家之後你唔好錯過啦。
明洞美食「百濟蔘雞湯」資訊
- 地址：서울 중구 명동8길 8-10 2F
- 營業時間：09:00 - 22:00
- 電話：02-776-3267
- 小Tips：明洞站6號出口出嚟左手邊小巷直行，到AHC之後轉左，右手邊就會見到蔘雞湯，上2樓就會到。
明洞美食「百濟蔘雞湯」推薦理由
- 百濟蔘雞湯1971年開業至今，有接近50年歷史，嚟明洞唔少人都會食佢。
- 百濟蔘雞湯係用直營農場當日屠宰嘅雞，非常新鮮，配上人蔘酒、大蒜、泡菜、蘿蔔泡菜一齊食好滿足。
- 百濟蔘雞湯曾接受過日本富士TV、 ASAHI TV、 NHK、中國國營電視台拍攝，另外美國《華盛頓郵報》同《紐約時報》等都有報道過，係一間超出名嘅人蔘雞湯店。
明洞美食「百濟蔘雞湯」優惠
- 埋單嘅時候向職員出示優惠券，即可享95折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
明洞美食「百濟蔘雞湯」價錢
菜單 | 價錢 |
| 산삼삼계탕 山蔘蔘雞湯 | ₩23,000 |
| 삼계탕 蔘雞湯 | ₩18,000 |
| 산삼오골계탕 山蔘烏骨雞湯 | ₩29,000 |
| 오골계탕 烏骨雞湯 | ₩24,000 |
| 닭똥집 雞腎 | ₩15,000 |
| 닭발편육 雞爪肉片 | ₩15,000 |
| 인삼주 人蔘酒 | 大 ₩8,000 中 ₩4,000 小 ₩3,000 |
備註：想要加飯係免費，只要同職員講聲就可以。 | |
明洞蔘雞湯「百濟蔘雞湯」介紹
只係睇門口，都已經感受到濃郁嘅傳統氣息。
入到店就會見到有唔少海外嘅報道，同時有唔少名人嘅簽名，可以睇得出佢有幾出名。
小編原本已經避開lunch time去，點知3點嘅時候仍然仲有唔少客人。
店入面保留老餐廳歷史，雖然冇乜點裝修，但都算係好乾淨同整齊。
小編最後叫咗老闆推薦嘅山蔘培養根蔘雞湯、山蔘培養根烏骨雞湯、雞腎、雞爪肉片同人蔘酒。
呢度之會咁出名，係因為佢哋選用嘅都係新鮮食材，雞係用直營農場當日屠宰，人蔘酒、泡菜、蘿蔔泡菜等小菜都會每日醃製。
人蔘酒好香，只要叫人蔘雞湯就會免費送一杯，不過如果大家覺得唔夠，可以在單叫。
基本小菜有拌蒜、白菜泡菜、蘿蔔泡菜。作爲韓國人嘅小編都係第一次食到辣蒜，感覺好神奇。
烏骨雞由骨頭到肉都係黑色，韓國好耐之前佢一直都係當係藥材咁用，對身體好健康，味道同普通雞冇乜分別，不過營養方面就一定係好好多。
山蔘培養根蔘雞湯上面有好大條山蔘，食完即刻充滿活力。
所有蔘雞湯都有放6年根通仁蔘，真係好有營養。
除咗蔘雞湯之外，小編亦都想同大家推薦雞腎同雞爪片肉，可以當係人蔘酒嘅下酒菜。
雞爪片肉係韓國特有神祕料理，好香幾好食，大家食嘅時候記得要點百濟參雞湯嘅特製醬。
明洞美食「百濟蔘雞湯」前往方法
明洞站6號出口出嚟轉左。
之後一直直行。
見到AHC之後轉左。
直行之後就會見到百濟蔘雞湯喺右邊。
上去2樓就得啦！
點先可以享有明洞美食「百濟蔘雞湯」95折優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係明洞美食「百濟蔘雞湯」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com