韓國Krispy Kreme

韓國Krispy Kreme新推出士多啤梨冬甩，小編第一身話比你知好唔好食！

황요산

5 years ago

哈囉，大家好，我哋係由韓國人話你知每日最新韓國資訊嘅Creatrip。

＃Krispy Kreme ＃連鎖店
＃冬甩＃期間限定
＃士多啤梨 ＃新鮮出爐

香港曾經風摩一時嘅Krispy Kreme，雖然而家喺香港無哂分店。

但係大家都唔洗傷心，因為韓國有好多分店，總有一間係大家附近！

而家韓國係冬天，更係士多啤梨季節，Krispy Kreme又點可以錯過唔出新產品呢？

鍾意食冬甩同士多啤梨嘅你哋，更加唔可以錯過！

小編而家就用第一身話比你知好唔好食！想知嘅就要繼續睇落去啦！

韓國Krispy Kreme最近推出咗期間限定士多啤梨冬甩，

作為吃貨小編，最鍾意食士多啤梨同冬甩，又點可以唔試呢？

所以！小編今日就用第一身話比你知好唔好食！

韓國Krispy Kreme新推出士多啤梨冬甩，小編第一身話比你知好唔好食！

呢一款係最基本嘅冬甩，冬甩上面加咗一層糖霜，加埋鬆軟嘅冬甩本身，係最經典嘅口味。

佢嘅糖霜一入口就會融化，可能對大部份人嚟講會甜咗少少，但呢種甜味食完都唔會覺得膩。

呢一款啱晒想試下冬甩，但又唔鍾意咁多花款嘅朋友仔！

韓國Krispy Kreme新推出士多啤梨冬甩，小編第一身話比你知好唔好食！

朱古力冬甩+士多啤梨+忌廉+車厘子jam，就咁睇呢個配撘已經好甜，

如果自稱係螞蟻人，呢款一定啱曬你！

不過食落其實士多啤梨同車厘子嘅酸味反而有啲中和嘅作用，絕對唔會係甜到漏個隻。

韓國Krispy Kreme新推出士多啤梨冬甩，小編第一身話比你知好唔好食！

小編一開始以為黃色cream係檸檬味，

點知食咗一啖先發現原來係香蕉味，超有驚喜！

全部一齊又無諗過都幾夾，口感幾特別，值得一試。

韓國Krispy Kreme新推出士多啤梨冬甩，小編第一身話比你知好唔好食！

呢款外型夠可愛，小編第一個就揀咗佢！

但係....食落去就真係普普通通，朱古力棒太甜食得多會覺得膩，

如果入面唔係有士多啤梨醬，可能就會太普通。

但唯一可以再加分嘅就係佢粒士多啤梨夠新鮮。

韓國Krispy Kreme新推出士多啤梨冬甩，小編第一身話比你知好唔好食！

呢款藍莓忌廉冬甩，小編食完真係有少少望，

藍莓忌廉太淡而且食嘅時候感覺唔到有太多味道，

如果裡面唔加士多啤梨醬，完全就係一個好普通冬甩....

如果可以再揀，小編唔會再買呢款去試: (。

韓國Krispy Kreme新推出士多啤梨冬甩，小編第一身話比你知好唔好食！

如果大家問小編士多啤梨限定款推唔推，小編又真係真心覺得麻麻，

可能其他款會更加好食，但如果真係要揀4款入面可能會比較推朱古力或士多啤梨香蕉忌廉冬甩。

希望大家會鍾意小編呢次嘅分享啦！

各位朋友，我哋下次再見啦。