Hello，大家好，我哋係由韓國人話你知每日最新韓國資訊嘅Creatrip。
＃乙支路3街 ＃BVBB
＃Cafe ＃紅豆牛油牛角包
＃咖啡
韓國人同香港人做嘢都好急，有時返工太忙又無時間食飯。
最好方法就係食個包飲杯咖啡，而喺乙支路呢邊就有好多寫字樓。
所以附近都有好多cafe同麵包店，而今日要為大家介紹嘅呢間BVBB兩樣都有。
而且唔少上班送都會去，大家唔想再只食isaac或egg drop等，不如就考慮下呢間啦！
✨馬上Follow我哋IG
instagram.com/creatrip.hk
乙支路3街咖啡廳： BVBB
- 地址：서울 중구 청계천로 100 시그니쳐타워 1층 bvbb 크로와상샵
- 時間：平日08:00 - 18:30 ；週末及公眾假期休息
BVBB 探訪記
一入到可以見到其實坐位唔多，
但因為小編係過咗Lunch time時間去，所以人流都比較少。
就算有客人去到，好多都係叫外賣。
一入到去右手邊，大家可以先拎個盤去夾麵包，
小編覺得呢度價錢算係中等，唔會好貴。
小編因為好鍾意食香港嘅波羅油，見到呢到有夾住牛油嘅包，就忍唔住夾兩個XD。
夾完包，大家可以拎去櫃檯再順便叫咖啡，一次過先比錢。
呢到有個好係除咗有韓文之外，亦有英文提供。
所以大家去嘅話，都唔洗擔心睇唔明或者同職員溝通唔到。
紅豆牛油牛角包、Mont blanc、紅豆牛油爵巴塔麵包
小編最後點咗3杯飲品同3個麵包。
如果係堂食，職員會幫大家切開，小編覺得呢點真係好貼心。
小編覺得3個裡面最好食嘅係紅豆牛油牛角包，
牛角包夠脆，加上牛油同紅豆一齊食，簡直係完美！
Mont blanc係職員推薦嘅，甜甜地麵包都夠鬆軟，
但就相對無好大驚喜，有少少失望。
紅豆牛油爵巴塔麵包都係可能包身有啲硬，
如果鍾意食偏硬嘅包，小編會推薦大家食呢個！
大家只要諗佢嘅硬度同法式長棍麵包一樣就可以。
OLANDA GREEN、LATTE SAIGON、DARK CHOCOLATTE
飲品方面都係差唔多，小編分別點咗以上3款。
OLANDA GREEN本身入面會加咗咖啡因落去，但如果唔飲得咖啡嘅朋友，
可以叫職員唔加，咁就會變咗Green tea latte㗎啦。
LATTE SAIGON係呢到最好賣嘅咖啡，味道唔算好濃，
對於鍾意飲咖啡味濃嘅朋友，可能唔太啱，但咖啡初步者就易入口。
DARK CHOCOLATTE好重朱古力味，3杯入面係最好飲嘅一杯！
鍾意飲朱古力嘅你，一定會愛上！
如果大家酒店喺乙支路附近，不妨都可以去試吓，
希望大家會鍾意小編呢次嘅分享啦！
各位朋友，我哋下次再見啦。
✨馬上Follow我哋IG
instagram.com/creatrip.hk
| 其他延伸閱讀 | |
 乙支路書牆隧道 |  首爾在地牛烤腸 |
 弘大高CP烤肉 |  樂天超市必買品 |
 Kakao VR樂園 |  梨大限定星巴克 |
