Hello，大家好，我哋係由韓國人每日提供最新韓國旅行資訊嘅Creatrip。
每年春天，韓國旅行嘅重頭戲相信一定係「櫻花」！而韓國最盛大嘅櫻花盛典「鎮海軍港節（진해군항제）」最新宣佈咗2025年舉辦詳情，究竟今年鎮海軍港節幾時舉辦，附近又有咩景點必去？
鎮海軍港節賞櫻景點攻略
2025鎮海軍港節舉辦詳情
- 日期：2025.03.28-2025.04.06
鎮海軍港節舉辦日期通常都會根據當年櫻花花期而定，而隨住近年氣候暖化，舉辦時間亦都逐漸提早。即使只有短短10日，但係無論係韓國人定遊客都會專程去賞櫻！
如果好彩喺櫻花盛開+天氣好嘅時候去嘅話，就可以欣賞到如詩如畫嘅櫻花景色，令人一生難忘。
跟團去唔洗自己搵路搵車更方便！
[스팟] [🌸早鳥優惠至28/2] 鎮海櫻花節賞櫻之旅（釜山出發）
[스팟] [🌸早鳥優惠至28/2] 鎮海櫻花節自由行（首爾出發）
[스팟] [🌸早鳥優惠至28/2] 鎮海櫻花節夜間行程（釜山出發）
2025鎮海軍港節景點推薦
余佐川櫻花道(여좌천 로망스다리)
- 地址：경남 창원시 진해구 여좌동 217
參加鎮海軍港節嘅時候一定一定要去「余佐川櫻花道」！呢條散步路長達1.5公里，雖然日頭都好靚，不過夜晚燈飾亮起，加上夜櫻景色，成個感覺會更加壯觀，推薦大家可以留夜少少睇埋夜景！
慶和站(경화역)
- 地址：경남 창원시 진해구 경화동
另外一個鎮海軍港節最多人會去嘅景點係慶和站，呢個火車站由2006年開始停運，之後就成為咗一個賞櫻勝地！火車路軌兩邊開滿櫻花，而且仲會不定時有火車經過，成件事就好似行咗入漫畫咁！
海軍士官學校(해군사관학교)
- 地址：경남 창원시 진해구 인의동 1
海軍士官學校位於鎮海站附近，而為咗迎接鎮海軍港節，呢度會舉辦步操遊行！
長福山雕刻公園(장복산조각공원)
- 地址：경남 창원시 진해구 장복산길 56-42
Youtube @Jamie Starpsh
如果大家怕軍港節主要景點一帶人潮太多，咁就可以附近嘅長福山雕刻公園，行上山嗰條登山徑大約長1.5公里，每逢春天沿途櫻花都會盛開，變成超靚嘅櫻花隧道。
帝皇山公園(제황산공원)
- 地址：경남 창원시 진해구 중원동로 52
韓國觀光公社
帝王山公園鄰近鎮海軍港節活動場地，不過好少遊客知！呢度有一個9層樓高嘅瞭望台，可以俯瞰到鎮海櫻花海！
安民道路(안민도로)
鎮海「安民道路」全長約5.6公里，雖然距離軍港節場地有一段距離，不過都係鎮海櫻花季期間非常受歡迎嘅賞櫻景點，可以一邊欣賞櫻花景色，一邊散步，夠曬療癒。
2025鎮海軍港節交通
首爾出發
最近鎮海軍港節舉辦地點嘅KTX站係馬山站（마산역），如果大家會由首爾出發，可以直接搭KTX去呢個站，或者建議先搭KTX去釜山站，再轉高速巴士去鎮海。
[스팟] KTX火車票
[스팟] KR PASS (KTX)
釜山出發
直接喺釜山出發就會比較方便，可以直接搭乘高速巴士去昌原或者鎮海，車費相對比較平之外，亦都比較快，推薦大家可以喺前幾日安排去釜山玩嘅行程，然後再去參加鎮海軍港節！
跟團
不過其實最方便+抵嘅方法，就係參加賞櫻一日遊！雖然自己搭KTX同巴士時間會比較自由，但係車費真係幾貴下，而且仲要自己搵路都幾麻煩... 不妨可以參加下面呢幾個去鎮海軍港節嘅行程，有首爾/釜山出發任君選擇！
[스팟] [🌸早鳥優惠至28/2] 鎮海櫻花節賞櫻之旅（釜山出發）
[스팟] [🌸早鳥優惠至28/2] 鎮海櫻花節自由行（首爾出發）
[스팟] [🌸早鳥優惠至28/2] 鎮海櫻花節夜間行程（釜山出發）
如果有更多想知嘅內容，都可以隨時留言或者dm話俾我哋知：）
Mail：help@creatrip.com
