乙支路美食店 首爾烤肉店
乙支路隱藏烤肉店！只有韓國人先知嘅酒燒烤肉？
황요산
5 years ago
哈囉，大家好，我哋係由韓國人話你知每日最新韓國資訊嘅Creatrip。
#乙支路 #烤肉店
#首爾烤肉店 #燒酒烤肉
#隱藏美食店 #서울고기집
✨馬上Follow我哋IG
instagram.com/creatrip.hk
小編有日放工都係無意發現呢間隱藏烤肉店，
無諗過求其入一間都可以食到咁好食嘅烤肉！！
佢最特別之處係竟然用燒酒烤肉？但一啲酒味都無！
一開始烤嘅時候都係好似平時咁烤，
但點知烤到差唔多熟嘅時候，店員突然拎起火槍同酒！
叫我哋往後少少，因為開始要點火。
嘩！小編真係比佢啲火嚇親！
火燒得好高而且都幾大，所以大家去食嘅時候都要小心啲。
燒完之後，肉變得超嫩超好食！
而且最神奇除咗會用菜包肉之外，仲會加蠔 (小編真係第一次見烤肉會連蠔一齊包)
同時呢度好好，店員都會幫手烤，完全唔洗自己落手。
就算唔包住就咁食都好好食，肥肉分配得好均衡。
可能因為加咗燒酒一齊烤，一啲腥味都無！超好食:P
小編食完個日，第二日即刻再同朋友去多次XD (唔誇張！真係超好食！)
相信大家只食一次，都會食過番尋味！
小編點嘅係所有豬肉(細份)，2個人食嘅話啱啱好，3個人就差少少。
而且呢到有個好係會送蒸蛋！亦都好好味！
同時有個重點係....呢到全部都係韓國人，而且坐滿哂！
正所謂：想食最道地嘅美食一定要去韓國人多嘅地方！XD
佢唔單止近乙支路、就連明洞、市廳等地區都好近，小編真心好推呢到！
想試吓食燒酒勞
店名：서울고기집
地址：서울 중구 남대문로9길 12 나전빌딩
營業時間：每日10:00 - 01:00 年終無休
如果大家都鍾意，記得一定要收藏呢篇文章啊！
各位朋友，我哋下次再見啦！