回基 一隻雞刀削麵
回基慶熙大正門美食店！食完一隻雞之後強推大家必點薯仔飯！
황요산
5 years ago
哈囉，大家好，我哋係由韓國人話你知每日最新韓國資訊嘅Creatrip。
#回基 #一隻雞
#一隻雞刀削麵 #慶熙大
#薯仔飯超好食
✨馬上Follow我哋IG
instagram.com/creatrip.hk
相信大家如果想去韓國睇櫻花或者紅葉，慶熙大應該都會係排頭幾位。
但大家又有冇諗過去開回基，其實嗰邊都有好多好嘢食嘅呢？
雖然回基離首爾唔算話好遠，但難得去到當時要食返當地人最鍾意食嘅餐廳啦！
除咗陳玉華之外，呢間都係小編至愛！
以前小編仲讀緊語學堂嘅時候，一星期至少去食兩次！ 可想言知佢有幾咁好食啦！
一點完餐老闆會先比小菜，
小菜方面，小編最鍾意食佢哋嘅粟米同炒粉絲(唔係成日有: ( )
小編點嘅係兩人份，一上檯會係白色湯底，慢慢煮開就會變橙紅色。
怕食辣嘅朋友可以放心，湯底一啲都唔辣。
提提大家，如果最後想食著仔飯，咁煮緊期間係唔食著仔！
佢哋嘅雞都好嫩滑，小編推薦大家一定要點佢哋秘製醬汁一齊食，
同時小編最鍾意將雞同韭菜(生食或煮熟)夾住一齊食。
食完雞之後，老闆會過嚟問大家想要刀削麵定飯炒飯。
小編每次都係為咗著仔飯而去，所以每次去都會必點二人份少飯。
當然大家都可以每樣一款試吓啦！
但都要提提大家，因為只可以點一次，如果食完覺得好食係無得再加㗎: (
所以最好係跟人頭數去點。
小編真心覺得薯仔飯超級好食！
如果大家去開回基，千祈唔好錯過啦！
保證大家食過番尋味XD
店名：一隻雞刀削麵，닭한마리칼국수
地址：서울 동대문구 경희대로6길 5
營業時間：每日10:00-22:00；逢星期日休息
如果大家都鍾意，記得一定要收藏呢篇文章啊！
各位朋友，我哋下次再見啦！