弘大「延南洞223-14」介紹
走進漫畫世界！弘大打卡熱點咖啡廳「延南洞223-14」探訪，嚟一場2D世界奇幻旅程
哈囉，大家好，呢度係由韓國人每日提供最新韓國旅行資訊嘅Creatrip。
＃延南洞咖啡廳
＃漫畫咖啡廳＃弘大
＃延南洞特色咖啡廳
兩年左右紅極一時嘅漫畫風Cafe，而家搬到更大地方改名叫연남동223-14，估唔到佢嘅人氣一啲都無減到~
不論平日定假日都要排隊，小編12點去到都要等30分鐘。
咖啡廳設計靈感嚟自於主角穿梭現實同漫畫韓劇《W：兩個世界》。
唔單止店鋪，就連杯都好似由漫畫出嚟咁，入到去每嗰位都可以成為打卡位。
✨馬上Follow我哋IG
instagram.com/creatrip.hk
弘大延南洞223-14
- 地址：서울 마포구 성미산로 161-10
- 時間：12:00 – 21:00、逢星期一、二休息
弘大3號出口
3號出口出嚟之後直行
十字路口轉右
喺三叉路口轉右
到下個街口，左轉
直行經過fluffy，行前少少就會到
延南洞223-14
呢度就係延南洞223-14外觀啦！小編大約12點咗右去到，已經有人排緊隊。
等嘅時候，就可以見到出面以漫晝風設計嘅長櫈，令人更加期待入到去之後會喺點嘅呢？
喺出面等咗大約半個鐘左右，小編終於入到去啦！
入口左面有用韓文、英文、日文同中文寫上規則，目前12月屋頂未有開放，可能要等到天氣好5月先會重新開放。
Menu亦有寫上韓文同英文，甚至有圖比大家參考，所以大家都唔洗擔心落單時會出問題。
大家睇下！店入面真係完全好似漫畫中世界，黑白線條簡單勾勒出空間感，
雖然睇耐咗可能會令人有少少暈，但小編都仲係覺得好新奇。
咁魔幻嘅空間，可以話呢間Cafe每個都係打卡位。
而且延南洞223-14不論是平日定係假日，無時無刻都係會有好多人。
小編搶到到坐窗口位，係唔係幾唔錯呢？
兩件蛋糕同兩杯飲品送到上檯啦，小編真係忍唔住：「嘩」咗一聲，就連馬克杯都好似漫畫走出嚟咁。
綠綠牛奶/抹茶Latte￦5,500
杯蓋營造出一種好似飲品滴緊落嚟晝面咁，開蓋前一定要影一張。
喺出面等咗30分鐘，呢杯抹茶Latte完美溫暖咗小編身心，加上小編係抹茶愛好者，濃厚抹茶味同奶泡，真係令人超滿意。
橙咖啡Latte￦6,000
放喺漫畫般嘅馬克杯裡面，上面再放上橙皮，可以聞到香濃橙香味。
不過……飲一啖之後有啲後悔，因為咖啡同橙嘅結合實在太獨特，可能要飲多幾啖先會鍾意。
伯爵茶蛋糕捲￦7,000
朱古力餅乾蛋糕￦7,000
小編好鍾意呢度嘅伯爵茶蛋糕捲，好香而且甜度啱啱好，會令人食到停唔到口。
而朱古力餅乾蛋糕如其名，上層朱古力黏稠，各層鬆軟蛋糕、忌廉，令整個蛋糕層次更加豐富。
比伯爵茶蛋糕捲更濃、更甜，但食多咗就會覺得好膩。
整體嚟講係一個唔錯體驗。飲品同甜品可能會偏貴少少，但因為內部裝修設計高級，小編覺得價錢係合理。
如果想脫離弘大，享受幾個小時獨特體驗，延南洞223-14係一個好選擇。
不過，要記住呢度經常需要排隊、屋頂位置要等到5月先會開放，希望大家之後嚟都會有個愉快體驗！
✨馬上Follow我哋IG
instagram.com/creatrip.hk
| 其他延伸閱讀 | |
 行李保管總整理 |  弘大豬腳小姐 |