弘大「橋村炸雞」介紹
韓國必食炸雞店之一！喺弘大想食橋村炸雞應該點去？邊一款最好食？小編將會誠實作答！
Hello，大家好 ，我哋係由韓國人每日提供最新韓國旅行資訊嘅Creatrip。
只要一諗到韓國美食，大家第一時間又會諗到咩呢？相信大家嚟到韓國除咗一定會食醬油蟹同烤肉之外，仲會去食炸雞！但韓國咁多間炸雞店，唔知邊間又係大家嘅one pick呢？
小編今日就直接去咗弘大橋村炸雞店實訪！到底係唔係真係咁好食？
橋村炸雞 弘大分店
- 地址：서울 마포구 양화로16길 6
- 時間：12:00-02:00
相信大家只要講到韓國炸雞，第一時間可能都會諗到橋村，的確唔單止外國遊客鍾意食，就連韓國人都極力推介。而且小編聽講最近弘大有出新Menu，聽到之後小編即刻去一探究竟！
小編今日大約晏晝1點45分左右去到，大概等咗10分鐘左右先入到去，冇諗過晏晝就已經勁多人去，而且1樓仲要係坐滿哂！
2樓因為要等到夜晚先會開，但小編都偷偷地影俾大家睇咗先 2樓嘅座位都相對較多，就算係團體一齊去都唔會有問題。
而且最特別嘅係仲有少見嘅露天座位，但因為門鎖咗影唔到出面俾大家睇
講咗咁耐，係時候要介紹食物啦！小編分別叫咗新出嘅芝士波同醬油炸雞。
首先，同大家介紹呢嗰芝士波先，小編覺得有少少失望。同平時食嘅芝士波唔同，小編覺得呢個比較鹹，而且芝士唔多，食完一粒要飲好多水先沖淡到隻味。
小編叫嘅係橋村combo (교촌콤보)，呢款係只得4隻大雞脾同雞槌+雞翼。如果同小編一樣只鍾意食雞脾同雞翼，啖啖都係滑肉，小編非常推薦大家叫呢款。當然，唔一定要揀醬油味，其他味亦可以揀combo款。
另外，小編仲見到弘大店有新出呢4款小食，而且呢4款都係只可以現場叫，唔可以外賣，有興建嘅朋友可以點嚟試吓㗎！
同時，新Menu亦有出傳統鐵板雞炒飯，有分辣同唔辣，小編第一次見炸雞店會出炒飯，真係覺得好神奇，加₩1,000仲可以有芝士 (可以外賣)。
同場加映！
同時為咗有時想食宵夜嘅大家，我哋Creatrip亦有提供代叫炸雞外賣服務。返到酒店唔想再出去，或者去嘅地方唔經橋村，大家可以透過Creatrip去預訂㗎。
韓國橋村炸雞外賣資訊
| 可點餐點 | 蜂蜜炸雞、原味炸雞 ₩15,000／1隻 辣味炸雞 ₩16,000／1隻 無得雙拼，但可以任點多種口味 |
| 送餐費 | ₩3,000（單次） 單次叫一隻或十隻 都係一樣嘅外賣費 |
結帳方式 | 喺Creatrip訂單網頁付款 |
| 外賣範圍 | 首爾、釜山、大邱、仁川、全州、慶州 以送達地點為主 |
| 接單時間 | 每日14:00 - 22:30 只有呢段時間可以預訂
受理之後會即刻出單 |
| 注意事項 | 一、輸入正確嘅外賣地址 只接受韓文、英文外賣地址，如果因為輸入中文，或者錯誤英文地址而導致外送員搵唔到外賣地點時，恕我哋唔會退款。二、需喺約定外賣地點等候如果你唔係約定地點等候，而導致外送人員無法將外賣送達時，恕我哋唔會退款。三、需要等40分鐘至1個鐘因天氣、熱門時段而致外賣量增加，有可能需要一段時間，請見諒，我哋唔接受取消、退款。 |
想知道更多詳情，可以Click下面網址了解更多。
希望大家會鍾意呢次小編嘅介紹啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk