南浦洞美食｜首爾元祖蔘雞湯
釜山南浦洞60年傳統「首爾元祖蔘雞湯」，價錢合理、用料豐富，食完即刻覺得好補身！
Hello，大家好，呢度係由韓國人每日提供最新韓國旅行資訊嘅Creatrip。
相信大家都知人蔘雞湯係韓國代表健康食物，食完可以補氣，所以唔單止韓國人鍾意食，大家嚟到都係必食美食之一。今日小編就想同大家介紹一間釜山由1960年開始經營嘅傳統人蔘雞湯店，好多人試過都讚不絕口！
因為韓國疫情擴散，入場人數及營業時間可能會受到限制，可能需要提供疫苗護照。
有關韓國防疫政策文章, 可以查看韓國最新防疫守則。
南浦洞美食：首爾元祖蔘雞湯資訊
- 地址：부산 중구 남포동 남포길 36
- 時間：10:00 - 21:30（Last Order 21:00）
疫苗護照相關資訊
2021年12月13號至2022年1月2號，根據強制檢疫通行證措施，只要去餐廳、咖啡廳、電影院等所有室內多用途設施，顧客必須喺入場時攜帶完成接種確認書或陰性證明。若未有攜帶，恕無法入場，違反時將被處罰10萬韓幣。
【可攜帶文件】
- A. 完成疫苗接種者：必須提供以下其中一份文件，證明已經完成疫苗接種兩星期。 （如果係喺國外完成疫苗接種，必須攜帶接種證明文件去最近嘅保健所登記。）
1.電子完成疫苗接種證明：Coov、Kakao、Naver等內置嘅確認書（可以用QR Code）。
2. 紙本完成疫苗接種證明：攜本人身份證親自到保健所或住民中心領取。
3. 完成疫苗接種貼紙：攜本人身份證親自到住民中心領取，之後貼喺身份證上面。 - B. 未完成接種者：需喺提供以下其中一份文件，並需要喺48小時內進行PCR檢測所得嘅陰性證明。
1. 短訊陰性證明：篩檢站發送嘅PCR陰性證明及篩檢日期。
2. 紙本陰性證明：攜本人身份證親自到篩檢站領取。 - C. 新冠肺炎痊癒者：需攜帶以下文件，證明其解除隔離為六個月以內。
1. 紙本解除隔離證明：攜本人身份證親自到保健所領取。
※餐廳、咖啡廳入場人數嘅限制，以各地方自治團體資訊為準，只允許一名未接種疫苗者同行。
※身份證係護照或外國人登錄證其中一樣都得。
南浦洞美食：首爾元祖蔘雞湯優惠
- Creatrip會員下載優惠券，3人落單時，即送一罐飲品，6人以上送兩罐飲品，以此類推。
- 唔需要預約。
- 如果用coupon嘅時候，有任何疑問都可以send email到help@creatrip.com。
南浦洞美食：首爾元祖蔘雞湯推薦理由
- 價錢合理，用料豐富。
- 蔘雞湯放入咗人蔘、大蒜、栗子、大棗等食材製作，味道食起嚟好高級，非常適合寒冷冬季同夏季補身美食。
- 呢度仲會免費提供人蔘酒，最多仲會送兩支！
- 只要係我哋會員，仲可以享有特別優惠！
南浦洞美食：首爾元祖蔘雞湯位置
- 地址：부산 중구 남포동 남포길 36
- 小Tips：南浦站1號出口出嚟之後，喺第一個路口轉右，然後再轉左就會左就會見到首爾元祖蔘雞湯。
南浦洞美食：首爾元祖蔘雞湯介紹
元祖首爾蔘雞湯位於「南浦洞光復路」時尚街路口，距離地鐵好近，所以大家去都好方便。可能大家都會諗明明係喺釜山，但係鋪頭點解叫元祖首爾蔘雞湯呢？所以小編都有問老闆，老闆就解釋以前釜山無人蔘雞湯呢種料理方式，係因為首爾流行而改名。
叫完招牌人蔘雞湯之後，職員就會送上人蔘酒，度數同燒酒差唔多，大家可以就咁飲，又或者倒入人蔘雞湯一齊食。
呢度嘅人蔘雞湯用料豐富，有人蔘、大棗、栗子、銀杏、糯米等多種材料，湯底更加係有不可告人嘅秘密。
趁人蔘雞湯仲熱嘅時候，大家可以落麵一齊食，如果覺得太淡你都可以加啲鹽。
雞肉好嫩，用筷子輕輕一撥就會散開，韓國人仲好鍾意將泡菜加入湯度撈埋一齊食。
食完之後大家唔好唔記得飲番杯肉桂茶幫助消化。
南浦洞美食：元祖首爾蔘雞湯菜單
點先可以享有南浦洞美食：元祖首爾蔘雞湯贈禮優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係釜山南浦洞美食：元祖首爾蔘雞湯嘅介紹， 有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com