韓國超高熱量美食整理
唔好阻我，我甘願做肥仔肥妹！10種嚟韓國必食但熱量超高，燒酒竟然比白飯更肥？
Hello，大家好，我哋係由韓國人話你知每日最新韓國旅行資訊嘅Creatrip。
韓國美食百百種，好多都令人回味無窮，但大家又知唔知韓國咁多美食當中，可以話有唔少經典熱量都高到一個點，而且註定會變肥！快啲睇下小編嚴選出嘅變肥10種美食啦，就算知道會變肥都唔會後悔XD。
韓國變肥美食
1. 炸雞
講到最肥韓國美食，無可否認第一個諗到嘅一定係炸雞啦！高熱量代表，配上炸得金黃、香酥外皮，有啲甚至仲會加滿芝士，加埋食炸雞緊必備嘅可樂或者啤酒，想唔肥都唔得！
2. 芝士系列料理
韓國好多料理都會加勁多芝士，加咗芝士可以係話係勁邪惡！令人一啲防備心都無，一啖再一啖咁食落肚，難怪.....會肥勁多: ( 。
3. 燒肉
比起瘦肉，香噴噴嘅五花肉喺烤盤上被逼出嘅油脂，簡直令人流哂口水！嚟到韓國又點可以唔食烤肉！越係好食嘅五花肉，肥膏都會佔一定嘅比例，所以唔肥都難啦XD。
4. 烤腸
有啲人會認為烤五花肉好肥，食其他肉就相對無咁肥，但好多人都鍾意食烤腸，其實仲肥！呢種料理就係要越肥先越好食，油脂被逼出嚟之後，有種好似炸過但又勁有口感，而且嗰種光澤全部都係卡路里啊.....
5. 炒年糕
年糕邊到肥？佢會令人變肥係因為全部都係澱粉質！而且份量少，大家好容易就會食咗好多，但熱量根本就係爆登！呢類平民小食，亦因為價格夠平、份量睇落去少，就令大家失去警戒，一口氣就會食咗好多。
6. 豬腳
之前有新聞話：豬其實唔肥！但其實嚟韓國一定食嘅又點可以無「豬腳」，佢係豬身體裡面熱量最高嘅地方，尤其係豬皮。雖然瘦肉睇落去好多，但少少嘅豬皮熱量都唔低㗎。
7. 街邊小食
鯽魚餅同糖餅雖然都係細細個，但因為內餡係紅豆、忌廉、蜜糖等去做，全部都好甜，可想而知熱量都係超級高，而且因為平，大家警戒心亦會下降，食一個嘅代價唔少，話不定仲會比一碗白飯熱量仲要高！
8. 燒酒
韓國燒酒價錢誇張到同水一樣，但熱量可以話係差十萬八千里，亦因為酒精濃度高，如果係水果口味，佢嘅卡路里更加嚇死人！好多人嚟韓國都會想試吓飲燒酒，但飲完燒酒之後，除咗會宿醉，仲會變肥。
9. 韓國杏仁零食
唔只杏仁，好多韓國零食都會令人食上癮，雖然每款零食都好細粒或細包，但熱量可以話係超級高！尤其係杏仁，食完一粒再一粒，完全係停唔到，但熱量可以話係無人能敵。
10. 甜品
最後會入榜嘅就係好多人嚟韓國一定會去嘅Cafe啦，去Cafe又點可以唔點甜品！細細一個，熱量可以話係超級高，而且搭配一杯含糖飲料，卡路里真係唔知點好啦...
以上嘅美食好似都係每個人嚟韓國必食，雖然明知食咗變肥，但美食當前嘅誘惑真係無人能敵。去旅行都係唔好諗呢啲啦！有咩食咩，就算會肥都好，返去再減啦XD。
如果有更多想知嘅內容，都可以隨時留言或者dm話俾我哋知：）
Instagram：creatrip.hk