Hello，大家好，我哋係由韓國人每日提供最新韓國旅行資訊嘅Creatrip。  

嚟韓國想食醬油蟹，又唔知邊間好？小編推薦大家可以去三清洞碧梧桐，呢度嘅醬油都係自家製， 而且唔會用任何調味料，保證大家食到嘅都係原汁原味！

三清洞美食「碧梧桐家」資訊

• 地址：서울 종로구 율곡로3길 74-10
• 營業時間：11:30 - 21:00
• 電話：02-720-1373

三清洞美食「碧梧桐家」推薦理由

• 可以喺傳統韓屋餐廳入面，食到真真正正傳統韓國料理。
• 呢度嘅醬油、大醬、辣椒醬等全部都係自製，完全冇用任何味精。
• 醬油蟹用咗大棗、薑、海帶、當歸、碧梧桐醬油等12種以上原料製成，保證健康又好味！

三清洞美食「碧梧桐家」菜單

*醬油蟹套餐同韓定食至少要叫2人份起，去到會以人頭數去計，1人至少要叫1份餐點。

三清洞美食「碧梧桐家」注意事項

• 請遵守預約日期同時間。
• 可以喺去之前3日取消或退款。
• 醬油蟹套餐同韓定食至少要叫2人份起，1人至少要叫1份餐點。 
•  唔可以1人份醬油蟹套餐 +1人份韓定食。
• 週末至少要叫4人份。
• 如果想更改預約，請send email到help@creatrip.com。
• 冇預約憑證，去到現場向職員出示預約紀錄就可以。
• 現場有提供英文/日文菜單。

三清洞美食「碧梧桐家」預約流程

• 撳我預約。
• 輸入預約者相關資料，及支付費用。
• 我哋會喺1個工作天內確認你嘅訂單。
• 要更改或取消預約，請喺三日前send email到help@creatrip.com。
• 去到現場出示預約紀錄俾工作人員睇就可以。

三清洞美食「碧梧桐家」介紹

由外觀睇已經好有傳統氣氛，令人好期待入面到底會係點。

裡面有超大嘅玻璃窗，如果天氣好，職員都會將佢哋打開通風。

同時呢度仲有分好多間房，客人嚟到好有自己空間，完全唔怕被人打擾。

餐廳其中一個角落仲有擺滿佢哋自家製嘅醬油，豆瓣醬，辣椒醬等，聽講仲會由年頭開始就準備好，保證大家食到嘅都係原汁原味。

一開始上檯嘅時候，小編真係有啲嚇親，因為佢醬油蟹份量多之外，就連小菜一樣相當豐富！

醬油蟹味道好濃郁，而且一食就知道呢度CP值有幾高！大家可以見到真係啖啖肉，夠新鮮，而且蟹膏完全令人無法抗拒，真係可以食到好幾碗飯！

大家見到圖中嘅就係韓定食，同樣款式多，好多都係韓國人屋企嘅家常菜，嚟到超有家嘅感覺。

韓定食套餐主要有炒粉絲、烤牛肉、醬油蟹、涼拌紅魚、韓式煎餅、烤魚、大醬湯等小菜。

試完兩款主打菜，小編覺得兩樣都好有特色，想食多啲醬酒蟹可以揀套餐，如果係想試吓韓國人屋企家常飯可以揀韓定食。

三清洞美食「碧梧桐家」前往方法

安國站1號出口出嚟。

經過Olive Young之後轉右有條路，跟住直行。

直至見到北村照相館喺左手邊，會見到有一棵大樹喺隔離。

之後轉左。

大約直行50m左右。

之後就會發現碧梧桐家喺左手邊。

碧梧桐家｜撳我預約

 網上付款Q&A

以上係三清洞美食「碧梧桐家」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

 Instagram：creatrip.hk

 Facebook：Creatrip 帶你認識韓國每一面 

 韓國代購