Hello，大家好，我哋係由韓國人每日提供最新韓國旅行資訊嘅Creatrip。
呢幾年嚟韓國旅行，大家唔止會去買化妝品、護膚品、潮牌衫，連醫美療程都變成必做行程。特別係明洞醫美診所選擇多又集中，價錢亦夠透明，好多第一次嚟韓國做醫美嘅人都會揀去明洞做。
小編自己本身居韓超過7年，因為工作關係負責過好多外國客嘅諮詢，亦都經常會同醫美診所美容顧問工作，所以對韓國醫美診所有一定嘅瞭解。今次就等小編根據個人經驗幫大家精選10間明洞醫美診所，一次過整理出每間診所嘅特點、推薦人士、真實評價同預約方法，希望可以幫到大家！
明洞醫美診所推介
1. Abijou Clinic(아비쥬의원)
- 地址：서울 중구 남대문로 78 B1F
- 營業時間：
- 星期一至五 09:30-20:30
- 星期六、日及公眾假期 09:30-18:00
- 前往方法：乙支路入口站（을지로입구역）6號出口
✨Creatrip獨家優惠✨ 獨家套餐可享最高53折 |
「Abijou Clinic」係韓國嘅老牌醫美診所，分店遍佈各地、療程選擇好多，而佢哋最擅長係皮膚管理同拉提療程。診所環境闊落，而且因為職員同醫護人員夠多，所以唔需要等好耐就可以開始做療程。
小編之前去明洞店做醫美療程嘅時候第一個感覺係呢度醫生態度親切，而且美容顧問都唔會hard sell，就算係第一次去做醫美都唔洗擔心會不斷被推銷。在場亦都有中文、英文、日文專業翻譯人員，就算唔識韓文都可以溝通到。
而且雖然係連鎖式流水線醫美診所，但成個流程都唔馬虎！小編之前去做水光針療程，登記完之後職員會帶你去卸妝，簡單皮膚護理療程會由專業護理師進行，而最主要嘅步驟就會由醫生進行。
因為「Abijou Clinic」明洞店每日都會有好多客人，所以你可以feel到所有醫療人員都好熟手，經驗夠豐富。而家透過Creatrip預約更加可以用獨家優惠價體驗，好啱想做日常保養或者預算唔多嘅朋友。
💭Abijou Clinic明洞店顧客真實評價
★★★★★ 若瑩 ｜ 🇹🇼 台灣 ｜ 2025.08.08 地點方便，有中文翻譯，環境很好 |
★★★★★ Remember17 ｜ 🇭🇰 香港 ｜ 2025.08.03 初試韓式美容。地方方便，設備充足，推介。 |
★★★★★ mannam ｜ 🇯🇵 日本 ｜ 2025.06.25 因為係好出名嘅診所，所以人好多， |
✅ Abijou Clinic明洞店小總結
診所優點 | 韓國最大型連鎖醫美診所 |
專業醫療人員同翻譯人員多 | |
可以用更超值價錢體驗醫美療程 | |
星期日都會開門+提供行李保管服務 | |
主打療程 | 護膚療程、拉提、激光療程 |
翻譯語言 | 普通話、英文、日文等 |
適合人士 | 想用更抵價錢體驗質素有保證嘅療程 |
唔需要同美容顧問/醫生進行詳細諮詢 |
醫美療程價錢/更多評論👇🏻
[스팟] Abijou Clinic（國際明洞店）
2. Daybeau Clinic(데이뷰의원)
明洞The Premium店
- 地址：서울 중구 남대문로 90 6F
- 營業時間：10:00-20:00
- 前往方法：乙支路入口站（을지로입구역）6號出口
明洞2號店
- 地址：서울 중구 남대문로 84
- 營業時間：
- 星期一至五 10:00-20:00
- 星期六及日 10:00-19:00
- 前往方法：乙支路入口站（을지로입구역）6號出口
✨Creatrip獨家優惠✨ 獨家套餐可享最高5折優惠 到訪進行療程即送SWANICOCO舒緩保濕面膜 |
最近好多人都推薦嘅「DayBeau Clinic」喺明洞都有分店！呢度有識講中文同英文嘅專業美容顧問，由登記到諮詢、療程過程、療程後護理指導都會陪同，全程用中文/英文就可以體驗高質醫美療程。
[이미지 슬라이더] 
[이미지 슬라이더] 
小編之前去過「DayBeau Clinic」明洞The Premium店，一入到去就好似去咗酒店咁，環境非常高級舒服。而且因為有提供獨立療程室，由諮詢到療程都係喺同一間房進行，唔需要擔心要同其他人share療程室或者要素顏喺公用空間等咁尷尬。
BTW而家透過Creatrip預約療程套餐就可以小編咁享用獨立療程室，而且所有套餐都係49萬韓幣(490000)，無論係想做拉提、水光針、美白，甚至係塑身療程都可以用均一價體驗！
[이미지 슬라이더] 
而「DayBeau Clinic」明洞2號店更加係2025年新開，環境夠闊落之餘所有器材都係最先進。小編同事之前因為突然爆瘡所以臨急去做醫美舒緩，美容顧問唔單止冇不斷推銷，反而幫佢根據預算安排效果最明顯嘅療程！
小編同事話最令人安心嘅係做Potenza黃金微針嘅時候會直接喺你面前拆全新探頭，唔需要擔心係用假貨或者重用舊探頭，而且做每一步負責人員都會好nice咁話你知，成個過程感覺非常好。
💭明洞DayBeau Clinic顧客真實評價
★★★★★ MARIE57377 ｜ 🇹🇼 台灣 ｜ 2026.02.10 清晰的術前術後對比照片和詳細的術前術後講解讓我很放心。醫護人員非常專業，諮詢過程中耐心解答了我的所有問題，讓我非常滿意。診所內部乾淨整潔，佈局合理，大大縮短了路程和等待時間。我肯定會再次光顧，而且就這個價格而言，效果也相當不錯。 |
★★★★★ FREIDA751561 ｜ 🇹🇭 泰國｜ 2026.02.20 我這次去首爾出差，剛好有點空閒時間，就順便去了這家店。它的位置很方便，交通也很容易，所以即使時間很緊也能安排。護理時間比預想的要短，沒有耽誤我的行程，而且我立刻就感覺到了膚質的改善。店家贈送的面膜也很適合我的旅行。如果下次時間允許，我一定會再來的。 |
✅ 明洞DayBeau Clinic小總結
診所優點 | 出名唔會hard sell |
診所環境闊落、器材夠先進 | |
兩間分店都位於地鐵站附近，交通方便 | |
星期日都會開門 | |
主打療程 | 拉提、水光針、護膚療程 |
翻譯語言 | 普通話、英文、日文 |
適合人士 | 第一次喺韓國做醫美怕被推銷 |
想直接做CP值高療程套餐 |
醫美療程價錢/更多評論👇🏻
[스팟] DayBeau Clinic（明洞The Premium店）| 獨家快閃：預約送10片面膜
[스팟] DayBeau Clinic（明洞2號店）
3. LIJIN Clinic(리진의원)
- 地址：서울 중구 남대문로 55 3F
- 營業時間：
- 星期一至五 09:30-20:30
- 星期六及日 09:30-19:30
- 前往方法：明洞站（명동역）5號出口
✨Creatrip獨家優惠✨ 獨家套餐可享專屬折扣 填寫評論即送Celltrust Lab面膜 |
「LIJIN Clinic」係2025年新開嘅明洞非流水線醫美診所，院長有超過15年醫美經驗，之前仲係韓國知名連鎖醫美診所嘅代表院長，經驗夠豐富！
呢間明洞醫美診所最出名做拉提、抗衰老同微整型療程，所以好多韓國女仔每年都會嚟做Ultherapy美版超聲刀同打botox同玻尿酸填充。
而且之前小編去嘅時候覺得整體環境好舒服，而且所有療程都係喺專屬單人房進行。好多明洞醫美診所都只可以同美容顧問做諮詢，但「LIJIN Clinic」其中一個優點係可以先同美容顧問根據皮膚分析結果做1:1諮詢，有需要更加可以要求同院長醫生進行進一步諮詢，無論係拉提定需要更精細設計嘅療程都可以更貼合要求進行。
如果想去做明洞「LIJIN Clinic」高質醫美療程，透過Creatrip可以免費預約諮詢，或者係用獨家優惠價體驗，參加埋醫美積分回贈活動仲可以得到價值消費金額10%嘅積分回贈，之後用嚟預約其他韓國體驗更超值！
💭明洞LIJIN Clinic顧客真實評價
★★★★★ Chia Fen Liu ｜ 🇹🇼 台灣 ｜ 2026.02.21 這次在 Lijin Clinic 施作療程整體體驗很不錯！ 麗珠蘭黑盒價格真的非常便宜，比我之前施打的幾家都划算。雖然現在沒有退稅，但診所有另外給額外折扣，實際算下來還是很有優勢，價格透明也不會亂加項目，這點讓人蠻安心的。 當天因為我要趕飛機，時間其實很緊張，本來有點擔心會來不及。真的很謝謝診所所有工作人員幫我協調流程、加快安排，從諮詢到施作都很有效率，但不會因為趕時間就隨便，該說明的還是講得很清楚，最後順利準時趕上飛機。 整體感受是價格合理、流程順暢、服務態度也很好。 |
★★★★★ Boon ｜ 🇸🇬 新加坡 ｜ 2026.01.04 我和妻子一起來體驗韓式護膚療程。諮詢師查看了我們的皮膚分析報告後，給了非常專業的建議。諮商師用中文與我們交流，並考慮到我們經常來首爾，給了我們很多實用的建議。 診所配備了中英文翻譯，可以詳細解釋療程流程和步驟。當美容師為我們清潔臉部、準備療程時，翻譯會全程在場。在進行各種療程的過程中，他們也會在場，給予我們鼓勵，甚至還會推薦午餐地點。哈哈！ 在整個2.5小時的療程中，我們都感受到了無微不至的關懷與專業的指導。這是一家高端的皮膚診所，環境舒適，不會讓人感到擁擠或匆忙，而且每個房間都是獨立的。經驗豐富的醫生在針灸過程中會控制好力度。 希望他們能繼續保持這種高水準的服務和貼心的關懷。 |
✅ 明洞 LIJIN Clinic 小總結
診所優點 | 拉提療程專門診所 |
| 所有療程都會喺個人獨立房進行 | |
| 韓國運動員、外國名人都會嚟做 | |
| 星期日都會開門 | |
主打療程 | Ultherapy美版超聲刀、 Thermage熱瑪吉、溶脂針 |
翻譯語言 | 普通話、英文、日文 |
適合人士 | 想做專業拉提、抗衰老療程 |
| 希望喺明洞體驗高級醫美療程 |
醫美療程價錢/更多評論👇🏻
[스팟] 免費預約 | LIJIN Clinic 皮膚科（明洞）
4. PLAN;S CLINIC(플랜에스의원)
- 地址：서울 중구 명동8나길 7
- 營業時間：
- 星期一至五 10:30-20:00
- 星期六 10:30-16:00
- 前往方法：明洞站（명동역）6號出口
✨Creatrip獨家優惠✨ 所有療程可享專屬9折優惠 填寫評論即送Dr.Reju-All修護霜 |
「PLAN;S CLINIC」最出名做Titanium鈦提升同打溶脂針，唔單止得到鈦提升機器製造商官方認證，溶脂針同減肥藥更加係由院長同韓國大學研究所共同研發，所有療程亦都會按照每位客人情況安排同進行處方，務求達到最好效果。
呢間醫美診所本身係江南就已經好出名，而家明洞分店都可以透過我哋免費預約啦！
小編朋友之前去「PLAN;S CLINIC」嘅時候做咗溶脂針同攞減肥藥處方，正式進行療程之前美容顧問同專業醫生會輪流進行諮詢，根據實際情況同體脂肪數值分析邊個部位需要進行相關療程，更加會教你點可以更有效瘦身。大家可以睇到前後真係有分別，推薦有減肥煩惱嘅朋友們可以考慮嚟呢間醫美診所！
✅ 明洞 PLAN;S CLINIC 小總結
診所優點 | 鈦提升療程價錢更實惠 |
可以同美容顧問+專業醫生分別進行1對1諮詢 | |
所有療程夠客製化，符合每個人需求 | |
主打療程 | Titanium鈦提升、溶脂針 |
翻譯語言 | 普通話、英文、日文 |
適合人士 | 想進行局部瘦身、有減肥煩惱 |
想試鈦提升但覺得其他醫美診所太貴 |
醫美療程價錢/更多評論👇🏻
[스팟] 鈦提升專家 | PLANS CLINIC（明洞）
5. Dr.Petit朵戈芙蒂皮膚科(닥터쁘띠의원)
- 地址：서울 중구 퇴계로 145 2F
- 營業時間：
- 星期一至五 10:00-19:30
- 星期六及日 10:00-18:00
- 前往方法：明洞站（명동역）10號出口
✨Creatrip獨家優惠✨ 獨家療程優惠最高可享5折 預約套餐即送潔面乳/精華/面膜 |
「Dr.Petit朵戈芙蒂皮膚科」係其中一間最近好多韓國年輕人都會去嘅連鎖醫美診所，明洞站一出就會見到。呢間明洞醫美中心其中一個優點係全個流程都會喺獨立單人房進行，唔需要素顏行去公用卸妝室，喺獨立房就可以享受一條龍服務，成個體驗更加舒服高質！
最令小編心動嘅係「Dr.Petit朵戈芙蒂皮膚科」明洞店代表院長更加有超過20年醫美經驗，而且診所備有最新國際級儀器，無論係皮膚護理、拉提，甚至係塑身療程大家可以放心交俾佢哋。
而家透過Creatrip可以用獨家優惠價體驗醫美療程，而且仲會送精華等護膚產品，夠曬超值唔好錯過！
✅ Dr.Petit朵戈芙蒂皮膚科明洞店小總結
診所優點 | 代表院長有超過20年醫美經驗 |
備有最新國際級儀器 | |
星期日都會開門&交通方便 | |
主打療程 | 拉提、護膚療程 |
翻譯語言 | 普通話、英文 |
適合人士 | 想喺獨立療程室做醫美療程 |
希望用更超值價錢體驗韓國醫美 |
醫美療程價錢/更多評論👇🏻
[스팟] [Creatrip獨家優惠] Dr.Petit朵戈芙蒂皮膚科（明洞店）
2026年冇咗醫美退稅好蝕錢？
透過Creatrip預約醫美診所
做完療程上傳收據寫評論即賺10% Creatrip積分！
6. HeyDay Clinic(헤이데이의원)
- 地址：서울 중구 남대문로 90 7F
- 營業時間：
- 星期一、五 10:00-20:30
- 星期二至四 10:30-19:30
- 星期六及日 10:30-18:00
- 前往方法：乙支路入口站（을지로입구역）6號出口
✨Creatrip獨家優惠✨ 填寫評論即送補濕面膜 |
「HeyDay Clinic」明洞分店喺Naver上好評不斷，好多客人都係熟客！呢間明洞醫美診所所有療程都係由院長醫生進行，更加會提供1:1諮詢服務，度身訂造療程，想做美白激光或者護膚療程嘅時候韓國人都會諗起呢度。
小編聽韓國朋友講，好多韓國打工仔都會趁lunch break去「HeyDay Clinic」做醫美療程保養，而且因為療程室全部都係獨立房，可以享受難得嘅悠閒。而對遊客嚟講，呢度因為好近地鐵站，而且仲有提供行李寄存服務，無論係啱啱到定離開韓國前都可以去體驗高質醫美療程，非常方便！
✅ HeyDay Clinic明洞店小總結
診所優點 | 由院長醫生親自進行療程 |
| 所有療程室都係獨立房 | |
| 韓國本地客人評分高有保證 | |
| 星期日都會開門&提供行李寄存服務 | |
主打療程 | 護膚療程、美白激光 |
翻譯語言 | 普通話、英文、日文、泰文 |
適合人士 | 行程比較緊逼 |
重視療程價錢透唔透明 |
醫美療程價錢/更多評論👇🏻
[스팟] HeyDay Clinic（明洞店）
7. OTENA CLINIC奧緹娜皮膚科(오테나의원)
- 地址：서울 중구 남대문로 90 17F
- 營業時間：
- 星期一、五 10:00-21:00
- 星期二至四、六及日 10:00-19:00
- 前往方法：乙支路入口站（을지로입구역）6號出口
「OTENA CLINIC」（奧緹娜皮膚科）大家可能未聽過，因為佢係2026年全新開張嘅明洞醫美診所！呢度提供母語級中文服務，而且諮詢同療程都可以喺獨立療程室進行，各種人氣醫美療程都可以喺「OTENA CLINIC」做到。
最近小編喺IG見到有好多influencer都有去「OTENA CLINIC」體驗醫美療程，大家都一致話環境夠舒服！雖然需要自己卸妝，不過無論係醫療人員定翻譯都非常貼心。而且療程後效果滿意度高，好多人都話之後再飛韓國嘅話會定期去幫襯！
如果你都想去體驗，推薦大家透過Creatrip免費預約留位，仲可以賺多10%積分，整體嚟講會抵過自己搵醫美診所預約。
✅ 明洞OTENA CLINIC奧緹娜皮膚科小總結
診所優點 | 全新開張環境舒服儀器夠新 |
| 諮詢同療程都可以喺獨立療程室進行 | |
| 地鐵站一出就到 | |
| 星期日都會開門 | |
主打療程 | 護膚療程、拉提 |
翻譯語言 | 普通話 |
適合人士 | 想做CP值高療程 |
唔介意需要自己卸妝 |
醫美療程價錢/更多評論👇🏻
[스팟] CP值高醫美診所 | OTENA CLINIC奧緹娜皮膚科（明洞）
8. RE:BERRY Clinic麗貝瑞(리베리의원)
- 地址：서울 중구 명동10길 58 2F
- 營業時間：10:30-19:00
- 前往方法：明洞站（명동역）8號出口
✨Creatrip獨家優惠✨ 專屬免費3D精密肌膚診斷&院長醫生諮詢服務 消費滿100萬韓幣可免費進行除皺botox注射 填寫評論即送RE:BERRY面膜1盒 |
「RE:BERRY Clinic」雖然係一間連鎖醫美診所，但係喺明洞店由諮詢到療程、術後護理，全程都由院長醫生直接跟進，夠曬安全可靠。
講真每次去做醫美如果都係唔同人，決定療程同發數/劑量方面可能會出現誤差，但明洞「RE:BERRY Clinic」就唔會出現呢個問題，所以小編個人非常推薦會定期飛韓國做醫美保養嘅朋友們嚟！
呢度另一個特別之處係進行諮詢前會用LifeViz AI 3D鏡頭分析臉型、色素沉澱同皮膚類型，然後再由經驗豐富醫生進行詳細諮詢，可以更加瞭解自己皮膚之外，之後返嚟都可以一直keep track住自己皮膚狀況。
✅ RE:BERRY Clinic麗貝瑞明洞店小總結
診所優點 | 諮詢、療程、術後護理全程由院長醫生跟進 |
| 運用AI 3D鏡頭進行詳細皮膚分析 | |
| 提供獨立護理室同VIP護理室 | |
| 全年無休 | |
主打療程 | 玻尿酸填充、Juvelook素顏針、 膠原蛋白療程 |
翻譯語言 | 普通話、英文、日文、西班牙文 |
適合人士 | 會定期飛韓國做醫美保養 |
希望可以體驗專屬服務 |
醫美療程價錢/更多評論👇🏻
[스팟] 玻尿酸填充&膠原蛋白療程 | RE:BERRY Clinic 麗貝瑞（明洞店）
9. LAMINE CLINIC(라민의원)
- 地址：서울 중구 무교로 19 5F
- 營業時間：
- 星期一至五 10:00-20:00
- 星期六 10:00-16:00
- 前往方法：市廳站（시청역）4號出口
「LAMINE CLINIC」係一間位於明洞同光化門之間非常出名嘅非流水線醫美診所，好多韓國偶像同明星都會定期去做醫美保養。
小編最鍾意呢度嘅一點係由諮詢到進行醫美療程都係由上過好多韓國電視節目嘅代表院長親自服務，透過專業皮膚分析同代表院長嘅豐富經驗，度身安排醫美療程。而且因為係獨立房，仲有專人服務同幫手卸妝，想體驗貴婦級醫美體驗嘅話非常推薦大家嚟「LAMINE CLINIC」！
✅ LAMINE CLINIC 小總結
診所優點 | 由諮詢到療程都係代表院長醫生親自進行 |
| 所有療程室都係獨立房&提供卸妝服務 | |
| 提供ONE DAY療程套餐更有效超值 | |
主打療程 | Potenza黃金微針、拉提療程 |
翻譯語言 | 普通話、英文、日文 |
適合人士 | 想由頭到尾同一個醫生負責 |
希望體驗貴婦級醫美 |
醫美療程價錢/更多評論👇🏻
[스팟] LAMINE CLINIC（市廳）
10. YONSEIRO CLINIC(연세로의료의원)
- 地址：서울 종로구 삼봉로 57 7F
- 營業時間：
- 星期一至五 10:30-20:00
- 星期六及日 10:30-16:00
- 前往方法：光化門站（광화문역）2號出口
✨Creatrip獨家優惠✨ 消費滿10萬韓幣及填寫評論即可 免費體驗LDM或者CRYO療程 |
「YONSEIRO CLINIC」比較靠近鐘閣、鐘路一帶，醫生團隊都係畢業自韓國著名大學，經驗夠豐富。呢間醫美診所規模比較大，美白、暗瘡、拉提、水光針、botox，甚至係脫毛同身體塑型療程都可以一次過做到！
小編個人覺得對遊客嚟講，呢間醫美診所最大優點應該係呢度會提供多種由專業醫生組合嘅ONE DAY醫美療程套餐， 只要知道自己想解決咩肌膚煩惱，就可以輕鬆揀到做邊個套餐，效果好過單一療程之外更持久！
💭YONSEIRO CLINIC顧客真實評價
★★★★★ SaSa2 ｜ 🇹🇼 台灣 ｜ 2024.10.31 唔使驚唔識韓文、英文，諮詢時有識中文嘅護士喺度 |
★★★★★ User1008470 ｜ 🇺🇳 其他 ｜ 2025.01.23 醫生識講中文 所有職員都好親切 |
★★★★★ jjohjr ｜ 🇺🇳 其他 ｜ 2025.04.04 第一次喺首爾做皮膚護理，職員都非常友善。 |
✅ YONSEIRO CLINIC 小總結
診所優點 | 可以同時做到多種醫美療程 |
| 提供ONE DAY療程套餐更有效超值 | |
| 星期日都會開門 | |
主打療程 | 護膚、拉提療程、水光針 |
翻譯語言 | 普通話、英文、日文 |
適合人士 | 想體驗系統化醫美療程 |
住宿或者行程大部分喺光化門/鐘路一帶 |
醫美療程價錢/更多評論👇🏻
[스팟] YONSEIRO CLINIC | 微整型
[스팟] YONSEIRO CLINIC | IV靜脈注射
10間明洞醫美診所比較
提供醫生諮詢服務
LIJIN Clinic | PLAN;S CLINIC | LAMINE CLINIC | RE:BERRY Clinic | |
優點 | 拉提專家 獨立房 週日營業 | 減肥專家 詳細諮詢 | 韓星御用 獨立房 卸妝服務 | AI分析 獨立房 全年無休 |
主打 | Ultherapy Thermage 溶脂針 | 鈦提升 溶脂針 | Potenza 拉提療程 | 填充 Juvelook |
翻譯 | 中文 英文 日文 | 中文 英文 日文 | 中文 英文 日文 | 中文 英文 日文 西班牙文 |
位置 | 明洞站 | 明洞站 | 市廳站 | 明洞站 |
提供美容顧問諮詢服務
Abijou Clinic | Daybeau Clinic | Dr. Petit Clinic | |
優點 | 最大型連鎖醫美 價錢實惠 週日營業 可保管行李 | 唔會推銷 器材先進 週日營業 | 醫生經驗豐富 週日營業 |
主打 | 護膚療程 拉提 激光療程 | 拉提 水光針 護膚療程 | 拉提 護膚療程 |
翻譯 | 中文 英文 日文 | 中文 英文 日文 | 中文 英文 |
位置 | 乙支路入口站 | 乙支路入口站 | 明洞站 |
OTENA Clinic | HeyDay Clinic | Yonseiro Clinic | |
優點 | 全新開張 獨立療程室 週日營業 | 客人評分高 獨立療程室 週日營業 可保管行李 | 療程套餐多 週日營業 |
主打 | 護膚療程 拉提 | 護膚療程 美白激光 | 拉提 水光針 護膚療程 |
翻譯 | 中文 | 中文 英文 日文 泰文 | 中文 英文 日文 |
位置 | 乙支路入口站 | 乙支路入口站 | 光化門站 |
明洞醫美常見問題FAQ
Q1. 同江南相比，明洞醫美診所有咩優點？
A：江南雖然多最新療程，但主要做本地客，未必間間有翻譯。明洞最大優勢就係溝通無障礙同收費透明，呢度大部分診所都有專業中文同英文翻譯，唔識韓文都搞得掂，而且明碼實價，唔需要擔心被收貴。做療程前後亦都可以直接去行街食嘢，對行程緊湊嘅遊客嚟講係一大優點。
Q2. 由諮詢到做完療程通常要幾耐？
A：視乎你做咩療程同診所嘅運作模式，通常由登記到諮詢、做療程、舒緩護理到解釋術後注意事項，連埋等候時間大約預2至3個鐘就差唔多。
Q3. 未諗定做咩療程好，可唔可以預約咗先，去到做完諮詢先決定做唔做？
A：每間診所都唔太一樣，不過只要透過Creatrip預約精選醫美診所，就可以揀先進行諮詢，體驗當日由專業人員評估完皮膚狀況，再根據Budget同恢復期為你推薦療程，更自由之餘滿足度都更高！撳下面張圖免費預約留位去韓國醫美診所做諮詢啦：
Q4. 想預約明洞醫美診所，揀邊個時段最好？
A：如果想舒舒服服咁做，最好揀平日開門時間或者lunch time之後（14:00-15:00）！因為好多韓國打工仔都會喺收工之後做醫美，所以建議避開平日夜晚時段。而星期六就本地人同遊客都多，呢啲時段通常都要等比較耐。
Q5. 明洞全部醫美診所都係流水線？
A：因為明洞係遊客區，所以呢度嘅醫美診所可能會俾人一種工廠型流水線嘅感覺。不過明洞其實而家多咗好多由院長親自1對1做諮詢同療程、提供獨立療程室嘅高級非流水線診所，就算係主打CP值高嘅大型連鎖診所系統都非常完善，大家可以參考今日呢篇文，按照自己需求揀。
Q6. 去韓國做醫美療程有冇得退稅？
A：由2026年1月1號起，韓國醫美退稅制度已經結束，所以而家去韓國做醫美療程冇辦法再進行退稅。不過而家只要參加Creatrip醫美積分回贈活動，就可以獲得10%積分回贈，分分鐘抵過退稅！
Q7. 旅行最後一日先做醫美，做完即刻搭飛機會唔會有影響？
A：拉提、Laser，或者Botox等大部分比較簡單嘅療程，做完即刻搭飛機完全冇問題。 不過如果你打咗大劑量嘅玻尿酸填充，或者打完水光針塊面有好多一粒粒凸起，機艙嘅氣壓變化可能會令水腫退得比較慢。加上機艙空氣乾燥，皮膚可能會比較容易泛紅。如果做完即刻要上機，記得喺諮詢嗰陣同醫生講聲。
Q8. 做完療程想直接去機場，明洞醫美診所附近有冇機場巴士站？
A：明洞主要嘅醫美診所多數集中喺明洞站或者乙支路入口站嘅大街，呢兩個站附近都有幾個機場巴士站（例如6001、6015等），去仁川機場都好方便。
以上係小編精選明洞商圈一帶嘅醫美診所同常見問題，大家可以好好比較每間嘅分別，從網友評價、診所強項到價格，搵到最令自己安心、最想去嘅醫美診所。
點可以用更抵價錢體驗高質韓國醫美？
🎉Creatrip醫美積分回贈活動🎉
而家透過Creatrip預約上述醫美診所之後參加韓國醫美積分回贈活動，上傳收據同填寫評論，即刻可以輕鬆領取10%回贈，冇咗醫美退稅都唔會蝕錢！
而且拎到積分之後，除咗可以用嚟再預約醫美診所，不斷賺10%醫美積分回贈之餘，你亦都可以喺Creatrip網站用呢筆積分預約韓國一日遊、韓服體驗、照相館、機場接送、餐廳訂位、DIY工作坊等等。
即刻撳下面張圖睇吓邊間醫美診所適用啦👇🏻
你可能會對呢幾篇文章有興趣⭐️
[블로그] 香港人必睇韓國醫美療程攻略 | 醫美診所預約流程、人氣醫美療程及診所推薦
[블로그] 2025弘大14間醫美診所/皮膚科推介
[블로그] 2025江南13間醫美診所/皮膚科推介
[블로그] 2025首爾清潭洞/新沙洞/狎鷗亭醫美診所推薦
[블로그] 韓國醫美診所分類&挑選攻略（流水線/非流水線/私人醫美診所）
[블로그] 首爾非流水線/提供專業醫生諮詢醫美診所
[블로그] 韓國大型連鎖醫美診所/CP值高診所推薦
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
