外國人韓國交通工具使用記
由外國人話你知，點可以善用韓國交通工具、轉乘唔洗錢？點樣去南山塔？
哈囉，大家好，我哋係由韓國人話你知每日最新韓國資訊嘅Creatrip。
＃首爾交通 ＃韓國巴士
＃轉乘優惠 ＃韓國地鐵
＃南山塔
相信好多人嚟韓國都會選擇搭地鐵，因為喺最方便同快捷。
但大家又知唔知，其實韓國巴士都好方便嘅呢？
而且搭地鐵再轉巴士，又或者巴士轉地鐵，30分鐘內仲可以有轉乘優惠㗎呢？
有時太趕時間，入到月台先發現原來去錯方向，呢嗰時候應該點做好？
大家唔洗急同緊張！小編會通通教大家！有興趣嘅話就要繼續睇落去啦！
✨馬上Follow我哋IG
instagram.com/creatrip.hk
首先介紹之前，想為大家介紹最多韓國人用嘅地圖App - Naver Map。
喺韓國用Naver Map 會比Google Map更準！而且仲有提供：中文、英文、日文、韓文等語言。
而且操作簡單，小編由唔識睇地圖變到識睇都係全靠佢！
佢除咗會教大家點搭車之外，仲會教大家搭邊種交通工具最快同方便。
好似今日小編要由乙支路到南山塔又應該點搭呢？
首先搭2號線 - > 再轉3號線 - > 再搭循環巴士就可以到㗎啦。
同香港一樣，搭地鑼同一條線都會分兩邊，
但大家入閘之前，最好都要睇清潔去邊邊先係正確。
最簡單方法就係，睇上面同下面所顯示嘅紅色標示現位置(현위치)，再搵你想去嘅地方。
Tips：如果睇唔明韓文或英文，最簡單方法係用數字去確認！
但！點先發現原來睇錯，入錯閘可以點做好呢？
好多人都知道按求救鈴就得，但其實可以唔洗咁麻煩。
只要啪卡入閘5分鐘內，重新啪卡出去，去原本想去嘅方向再啪卡入閘，咁就唔會扣錢㗎啦。
不過，呢個做法似乎只可以用一次，而且唔適用於坐過站。
乙支路入口站→啪卡入閘(搭錯方向)→快啲再啪卡出閘→啪卡入閘(正確)；咁樣就唔會扣錢，
但如果係唔小心搭到下一站，要反方面搭，就一定會被扣錢，千祈唔好咁做啦。
入到月台會見到呢個地圖，大家又知唔知有用呢？
除咗可以確認自己搭得啱唔啱之外，仲可以教大家邊一嗰卡會最快抵達轉乘區域。
去到1-1 落到車好快就會見到轉乘通道，所以小編建議大家，
如果車未到站前都可以行住先，可以慳咗好多時間㗎。
去到東國站想知喺邊到搭循環巴士，好簡單！
只要放大地圖跟住佢哋嘅步行路線就會去到巴士站㗎啦！
去到巴士站，跟住箭嘴方向，見到可以去 남산N서울타(南山塔)， 跟住上車就得㗎啦！
轉乘優惠只限30分鐘內可以享用，所以上車同落車嗰陣，大家都要記得啪卡啊！
而且轉乘優惠係唔需要額外比錢，同時轉乘最多可以有4次機會！
嚟韓國大家真係要好好利用轉乘優惠啦~ 超抵！
Tips：朝早7:00 - 21:00 為30分鐘，其他時間為1個鐘。
Tips 2: 最長距離為10km
最後就到我哋嘅目的地南山塔啦！係唔係好方便同埋轉乘一啲都唔難呢？
希望呢篇可以幫到大家，除咗地鐵之外，巴士都好方便。
大家好好善用韓國交通轉乘優惠，好快就會成為韓國旅遊達人！
各位朋友，我哋下次再見啦。
