海雲台美食｜百歲章魚
去釜山食咩好？海雲台人氣超高美食「百歲章魚(100세낙지)」韓牛大腸、新鮮海產鍋物推薦
Hello，大家好，我哋係由韓國人每日提供最新韓國旅行資訊嘅Creatrip。
今日要為大家介紹嘅呢間「百歲章魚」係釜山當地美食：章腸蝦專賣店。「章腸蝦」呢道料理最一開始就係釜山有先，當然要去到又點可以錯過！「章腸蝦」顧名思義係有章魚、大腸、蝦等等，並以辣椒醬爲基礎，配上特製調料一齊去煮。
一開始點嘅時侯大家可以揀辣度，唔太敢食辣嘅朋友都唔洗擔心，而且就喺海雲台站附近，大家諗唔到食咩嘅話，都可以去試吓！而且一定要用小編提供嘅優惠券啊。
海雲台美食「百歲章魚」資訊
- 地址：부산 해운대구 구남로24번길 3
- 時間：11:00 - 22:00（Last Order 21:20）
海雲台美食「百歲章魚」推薦理由
- 百歲章魚位於海雲台海水浴場附近，係好多旅客去釜山必到景點之一，非常方便，而且店主會為顧客提供新鮮食材去煮。
- 同其他章腸蝦店唔同，呢到用嘅大腸係韓牛大腸，又軟又香，完係無腥味，配其他新鮮海鮮一齊食落肚，簡係人生美味！
海雲台美食「百歲章魚」優惠
- 向職員出示優惠券，可以免費獲得一罐飲品或一人份麵食。人數以兩人為基礎，兩人送1份、三人1份、四人送2份……如此類推。
- 唔需要預約。
- 如果用coupon嘅時候，有任何疑問都可以send email到help@creatrip.com。
海雲台美食「百歲章魚」注意事項
- 所有餐點至少以2人份出餐，每人最低消費為至少點1人份餐點（7歲以下除外）。
- 只要係平底鍋檯，都需要煮熟先可以進食。
海雲台美食「百歲章魚」價錢
菜單 | 價錢 |
| 章腸蝦 (章魚+腸+蝦) | ₩14,000 |
| 章蝦 (章魚+蝦) | ₩14,000 |
| 章腸 (章魚+腸) | ₩14,000 |
炒章魚 | ₩14,000 |
海鮮鍋 | ₩17,000 |
麵類 (冬粉/烏冬/拉麵) | ₩2,000 |
| 白飯 (加點) | ₩1,000 |
| 飲品 | ₩2,000 |
海雲台美食「百歲章魚」介紹
相信嚟過海雲台嘅朋友，都應該對呢間店有少少印象，整間店都用透明玻璃牆面，而且就喺地鐵站隔離，非常方便。
餐桌間距大，大家可以舒適用餐，而且1樓坐滿嘅話，2樓仲有好多空間。亦可能因為搭配玻璃窗，令到整體氣氛唔會有逼嘅感覺。
海雲台美食「百歲章魚」雖然有好多位，但只要一到週末就需要拎飛等位，係海雲台一帶人氣超高美食店之一，但提提大家，如果係4位以上，要提前同店家講。
小編點咗百歲章魚經典招牌「章腸蝦」兩人份。再次提提大家，百歲章魚每份餐點至少都要點2人份先會出餐。
包含章魚、牛腸、蝦等多樣食材，睇落去就已經非常豐盛，一擺到上檯真係令人非常期待！
只點主菜就會附上白飯、豆芽湯同基本小菜：泡菜、炒小魚乾、涼拌豆芽、涼拌韭菜。
Creatrip會員千祈唔好唔記得用小編提供嘅優惠券，可以喺麵食（冬粉、烏冬、拉麵）或 飲品（可樂、雪碧）中揀一個免費享用，記得點餐嘅時候就要出示俾店員睇！
一開始上菜嘅時候要記得擒蓋，等到開始滾起嘅時候先再打開，將所有材料攪勻再等3至4分鐘就食得。
大家可以煮熟之後將章腸蝦同白飯、泡菜、紫菜一齊撈住食！
百歲章魚嘅章魚真係好大舊，而且更令小編驚喜嘅係，佢哋用嘅大腸係用韓牛大腸，又香又軟。鍾意食大腸嘅話，點餐嘅時侯一定要再加點，但因為煮嘅時間會比較耐，建議第一次點餐時就要同店員講聲。
差唔多食完嘅時候，將烏冬放入去，上面嘅醬料可以令整鍋湯更加有味道，需要加湯嘅話，亦可以同店員講一聲，佢哋好快就會幫大家。
炒烏冬完成啦！同章腸蝦比，佢係另一種好味，小編推薦大家一定要點麵類！
小編寫到呢到，又諗起當日呢道菜有幾咁好食，如果大家都鍾意嘅話，去海雲台嘅時候就唔好錯過啦。
海雲台美食「百歲章魚」前往方法
海雲台站5號出口出嚟。
出到嚟之後直行。
大約行200m左右就會見到百歲章魚喺右手邊。
點先可以享有海雲台美食「百歲章魚」贈禮優惠呢？
現場消費 Click 下面網址下載 Creatrip 專屬優惠券，出示畀店員睇即可享有獨家優惠。
以上係釜山海雲台美食「百歲章魚」嘅介紹，有任何問題請先詳讀呢篇文章。
如果睇完之後有任何問題，或者我哋語意、表示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
