韓國旅遊小Tips

Hello，大家好，我哋係由韓國人每日提供最新韓國旅行資訊嘅Creatrip。  

小編之前寫過好多嚟韓國旅遊小Tips，但大部分都係行前準備，咁如果係旅途中發生比較急嘅部分，又應該點算好呢？如果有興趣，咁就要快啲繼續睇落去啦！話唔定有啲小Tips會對大家旅遊時有幫助！

韓國旅遊小Tips

1. 點搵公廁

喺韓國臨時要搵廁所去，但同距離地鐵站有段距離，又唔知點開口問店鋪借廁所用⋯又或者有啲廁所要消費先可以得到密碼入去，呢嗰時候應該點算呢？

중앙일보

呢個時候，只要Download Naver Map，並喺韓文頁面輸入廁所韓文「화장실」，就會依據你所在區域，話你知最近嘅廁所會喺邊，而且搵到嘅都係開放嘅公共廁所，好急嘅時候，大家亦唔需要再慌張或者搵地鐵站啦。

備註：英文版輸入Toilet或者Restroom都可以，但中文就唔得

2. 點樣可以慳番地鐵轉乘時間？

喺首爾搭地鐵有時需要轉車，但一唔小心，可能就要行超耐先到轉車月台，有咩方法可以慳時間呢？直接去等車月台搵門上面嘅路線圖，佢會標示轉乘時，邊一嗰卡會最快抵達轉乘區域。

例如小編人喺乙支路入口，要轉乘6號線（搭到新堂站），除咗有代表地鐵路線顏色同數字可參考，上面10-4就代表「第10-4節車廂」最靠近轉乘區域，大家只要確認地下就可以搵到對應車廂㗎啦。

3. 月台搭錯邊應該要點做好？

有時太趕時間，入到月台先發現原來去錯方向，呢嗰時候應該點做好？好多人都知道按求救鈴就得，但其實可以唔洗咁麻煩。只要啪卡入站5分鐘內，重新啪卡出閘，去原本想去嘅方向再啪卡入閘，咁就唔會扣錢㗎啦。

不過，呢個做法只可以用一次，而且唔適用於坐過站，乙支路入口站→啪卡入閘(搭錯方向)→快啲再啪卡出閘→啪卡入閘(正確)咁樣做就唔會扣錢，但如果係唔小心搭到下一站，要去反方向搭番轉到，就一定會被扣錢，千祈唔好咁做啊！

4. 搭巴士時有免費Wi-Fi

大家知唔知其實首爾巴士已經有好多都覆蓋咗免費網路呢？大家只要坐巴士嗰陣，搜尋以下免費Wi-Fi熱點，帳號、密碼都輸入wifi，就可以順暢咁連線啦！小編實測過幾次都幾順，連釜山都慢慢逐步覆蓋緊啦。