弘大「弘's小章魚」介紹
弘's小章魚：又甜又辣嘅炒章魚好食到停唔到口！本地人都極推！
황요산
5 years ago
Hello，大家好，我哋係由韓國人每日提供最新韓國旅行資訊嘅Creatrip。
嚟到韓國旅行，除咗食一隻雞、烤肉、炸雞等美食之外，仲有無啲咩係必食嘅呢？小編私心推薦呢間弘大美食： 弘's小章魚俾大家！如果鍾意食又甜又辣嘅炒章魚，呢間大家一定會鍾意。佢辣得嚟令人會愈食愈上癮，如果有興趣嘅話就繼續睇落去啦！
弘大美食「弘's小章魚」介紹
- 地址：서울 마포구 어울마당로 146
- 營業時間：11:30 - 00:00
弘's小章魚總共有3層樓高，小編去到嘅時候，1樓同2樓已經坐滿哂。所以安排咗上3樓，唔同嘅係去到3樓需要除鞋先可以入座。
小編一去到就叫咗佢哋最有人氣嘅五花肉辣炒章魚。一人份為₩14,000（連蟹籽炒飯），因為小編兩個人一齊去，所以就叫咗2人份，叫咗無幾耐，職員就會上主菜加其他伴菜。
如果唔太多人嘅話，店員會幫手炒同剪開五花肉，等大家食嘅時候方便啲。
煮好就可以開餐啦！大家可以包埋紫蘇葉一齊食，口感都唔錯㗎！因為辣炒章魚對小編嚟講太辣，包住食反而會好啲。雖然可以調整辣度，但就算小編已經叫咗小辣，都係仲係覺得好辣，但神奇地佢辣得嚟又令人忍唔住係咁會想食！
當大家差唔多食完嘅時候，職員就會問可以上得炒飯未～呢個炒飯係小編嚟咗韓國咁耐食過最好食嘅炒飯！雖然佢係用食剩嘅汁去煮，但出奇地一啲都唔辣，而且因為上面加咗啲蟹籽上去，口感好得意，超好食！小編真係會為咗個炒飯而去食多次XD
伴菜方面，一開始店員會俾大家，但之後想加嘅話就需要自己去拎。
之後嚟韓國，如果喺弘大諗唔到食咩，而又想食嘢嘅朋友，小編推薦大家去呢間弘's小章魚！小編保證一試即上癮！希望大家會鍾意小編呢次嘅分享啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk