南浦洞美食｜Kongbate韓式半自助餐
釜山南浦洞超抵食韓式半自助餐！而且小菜仲可以無限任添？
Hello，大家好，我哋係由韓國人每日提供最新韓國旅行資訊嘅Creatrip。
放假先得個幾日，想食哂韓國所有嘢但又唔夠時間？等小編介紹大家去食韓式半自助餐啦！講到韓式半自助餐，其實即係點一個主菜加小菜無限任添。而且呢到嘅小菜每日都唔一樣，包保每次嚟都有新鮮感！想知喺釜山嘅邊到？咁就要繼續留意啦！
南浦洞美食「Kongbate韓式半自助餐」資訊
- 地址：부산 중구 광복로49번길 26
- 營業時間：平日 10:30 - 21:00、週末 10:30 - 21:30
南浦洞美食「Kongbate韓式半自助餐」推薦理由
- 嚟韓國旅行時間短，想一次過食到好多韓國食品嚟呢到就冇錯啦。
- 因為小菜可以無限任添，所以一定食到好飽。
- 小菜每日都唔同款，每次嚟都會有新鮮感。
南浦洞美食「Kongbate韓式半自助餐」優惠
- 埋單嘅時候向職員出示優惠券，4人同行出示會員証即送一罐飲品。
- 唔需要事前預約。
- 如果用coupon嘅時候，有任何疑問都可以send email到help@creatrip.com。
南浦洞美食「Kongbate韓式半自助餐」介紹
小編嗰日大約3點左右去到，都見到有幾檯客人喺到用餐，店內都幾大，而且好多位，好闊落一啲都唔會覺得逼。
一入到去，大家可以先點主食，主食方面有6種選擇，豆腐湯（순두부찌개）、豆腐渣湯（콩비지찌개）、大醬湯（된장찌개）、泡菜湯（김치찌개）同手製炸豬排（수제돈까스），而且辣度可以調整！只要點完主食（無得添），大家就可以去拎各種小菜啦！
呢到就係小菜區，大家只要喺最左邊拎碟然後再夾自己想食嘅小菜就得架啦！
老闆話，雖然每日小菜都會唔同，但唯一唔變嘅就係呢個「鰈魚」啦！因為佢太有人氣，每次客人嚟到都會食佢！而且佢係雖一一個可以打包嘅產品！5片只需₩5000！大家如果覺得好食，可以外賣返酒店再配支啤酒一齊食！
如果覺得只食肉會好滯，大家可以包菜嚟食。小編覺得呢到最好嘅就係有好多啊同款式嘅菜提供！因為韓國嘅菜同生果都好貴...小編可以係呢到食菜食到飽XD
呢到亦有米水提供！食飽飲飯杯可以解膩㗎！
除咗小菜係無限任添之外，飯都可以！但唔同嘅係，冇得自己去拎，要同職員講，職員就會比豌熱辣辣嘅飯你㗎啦。
當小編仲諗緊邊個好嘅時候，職員推薦小編點豆腐湯同豆腐渣湯，因為呢兩款都係佢哋嘅熱賣主菜。
因為小編唔係太食得辣，所以只係點咗小辣，豆腐超滑，入口即溶！完全係小編嘅菜XD 配飯一流！！
另一款係豆腐渣湯，雖然賣相唔係太討好，但大家只要一試就可以知點解佢係咁多人點！而且同小編一齊去嘅男小編話：呢到係佢食過最好食嘅豆腐渣湯！同其他鋪頭完全係唔可以比！
所有小菜都好好食，冇嘢可以挑剔！尤其係炒粉絲同鰈魚！令小編忍唔住係咁拎XD
最後，只要出示係我哋會員，4人同行即可免費獲得到一罐飲品，以上3款，可以揀其中一款。
南浦洞美食「Kongbate韓式半自助餐」前往方法
札嘎其站7號出口出嚟。
見到CLUBCLIO之後轉左。
見到Hello？牌就會見到喺附近。
點先可以享有南浦洞美食店「Kongbate韓式半自助餐」免費飲品優惠呢？
現場消費時，Click下方網址下載Creatrip專屬優惠券，出示畀店員睇即可享有Creatrip獨家優惠。
以上係南浦洞美食店「Kongbate韓式半自助餐」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com