韓國人異國婚姻比例
韓國人異國婚姻比例係幾多？娶外國新娘嘅OPPA竟高達44%都超過40歲
Hello，大家好，我哋係由韓國人話你知每日最新韓國資訊嘅Creatrip。
＃韓國文化＃韓國CCR
＃外籍配偶＃韓國婚姻
韓國人嘅民族意識好強，對外國人總會覺得係外人。
不過，隨住世界村概念影響，韓國人嘅民族意識開始冇咁強，會接納外國人，甚至接受國際婚姻。
小編整理咗啲相關資訊畀大家參考，究竟外國人同韓國人結婚嘅比例有幾多？
備註：本文部分內容經登機證的自白授權
✨馬上Follow我哋IG
instagram.com/creatrip.hk
韓國人跨國婚姻
「2018年，喺韓國登記結婚嘅國際配偶一共有23,773對，佔全國結婚人口9.2%，比舊年嘅8.3%多咗少少，自2015年起，每年都會上升。」（原文：登機證的自白）。
한국 통계청
上圖顯示跨國婚姻喺2018年嘅數量，單位為(千)。
連續七年下降後，2018年跨國婚姻嘅數量回升，佔總體婚姻9.2%。
한국 통계청
由婚姻組成嚟睇，韓國男人娶外籍老婆佔咗67%、韓國女人嫁畀外籍男子就佔18.4%，淨底嘅14.6%係歸化者（入籍）。
한국 통계청
2018年外籍老公嘅國藉，越南老公佔最多，佔咗整體韓國跨國婚姻嘅30%、中國21.6%。
「其中，男性外籍配偶（老公係外國人），中國籍老公比例佔最高，佔9.4%、美國籍老公6.2%，台灣籍老公三年持平，佔0.6%。」（原文：登機證的自白）。
| 韓國丈夫 外籍妻子 | 2018年 | 韓國妻子 外籍丈夫 | 2018年 |
| 越南 | 30% | 中國 | 9.4% |
| 中國 | 21.6% | 美國 | 6.2% |
| 泰國 | 6.6% | 越南 | 2.5% |
| 日本 | 4.2% | 加拿大 | 1.7% |
| 菲律賓 | 4% | 日本 | 1.3% |
| 美國 | 2.7% | 澳洲 | 0.8% |
| 柬埔寨 | 2.5% | 英國 | 0.8% |
| 台灣 | 1.3% | 台灣 | 0.6% |
| 烏茲別克 | 1.2% | 柬埔寨 | 0.6% |
| 俄羅斯 | 1% | 法國 | 0.5% |
| 其他 | 6.1% | 其他 | 4.8% |
由數據裡面可以見到，越南老婆佔嘅比例最多；至於外籍老公方面，中國老公最多，美國老公位居第二，而且非亞洲國家嘅老公比例都慢慢變多。
越南國旗
「呢個國籍分佈比例，你有冇發現有趣嘅地方呢？我哋可以見到，男性外籍配偶，除咗中國、越南、柬埔寨、台灣同日本係亞洲國家，其他都係歐美國家；而女性外籍配偶方面，除咗美國以外，其他都係亞洲國家，同埋俄羅斯、烏茲別克。
對於最後嘅嗰一個，你會唔會好奇呢？覺得點解係烏茲別克？
事實上，烏茲別克嘅人口比例入面，至今仍有0.7%係韓民族（朝鮮族or高麗族）。日本強佔時期同日俄戰爭，有好多難民跨過國境，去俄羅斯國境內避難，但又被蘇聯要求離開，於是輾轉去到更遠嘅國家，例如蘇聯解體之後獨立嘅烏茲別克同哈薩克等等
……
韓國大叔口中嘅：娶個烏茲別克新娘，逐漸變成「娶東歐金髮美女」呢種含義……。」（原文：登機證的自白）。
嫁到韓國嘅女性，其實唔一定係嫁到首爾，23,773對入面，嫁去京畿道嘅有6,605對、首爾4,891對、仁川1,487對，慶南、忠南、慶北等比較偏鄉下嘅區域，都有超過一千對。
另外，外籍老婆配35歲至40歲韓國老公丈夫嘅比例係19.6%，嫁畀40歲至45歲韓國老公嘅比例係17.8%，而韓國老公丈夫45歲以上嘅比例更高達26.9%。
可以見到，娶外國老婆嘅韓國男性年齡偏高。
似乎有好多未婚嘅韓國大叔，為咗結婚而娶咗外籍配偶嚟韓國。
韓國老公年齡大外籍老婆10歲以上嘅比例，高達40.9%。
而韓國妻子嫁給外籍丈夫的年紀比例，則是在25歲至29歲的韓國女性為高峰（27.6%），其次是30歲前半（22.3%），次者20歲前半（18%）。
韓國人平均第一次結婚年齡呢？呢個數據都每年上升，男性嘅初婚年紀由2009年嘅31.6歲，到2018年嘅33.1歲；女性就；田2008年28.7歲，到2018年嘅30.4歲，遲婚嘅人多咗，或多或少都會影響外籍配偶嘅比例。
以上係小編整理出嚟嘅韓國跨國婚姻比例。
唔知大家又有冇諗過要嫁嚟韓國呢？
咁多位，我哋下次見。
備註：本文部分內容經合法授權使用，節錄自Facebook: 登機證的自白/個人網站: 登機證的自白，同時以該粉絲專頁11月12日嘅貼文為發想，撰寫而成。
✨馬上Follow我哋IG
instagram.com/creatrip.hk
| 其他延伸閱讀 | |
 韓國結婚文化 |  韓國婚禮文化 |