Daiso廚房人氣商品

哈囉，大家好，我哋喺由韓國人話你知每日最新韓國資訊嘅Creatrip。

＃韓國大創＃Daiso
＃다이소＃廚房用品
＃清潔用品推薦＃Top10

韓國Daiso之可以一直人氣咁高，除咗係價錢合理之外，CP值都係極高！

加上好多都係韓國設計同出品，大家用嘅時候都可以比較安心。

今日小編想私心同介紹大家DAISO必買廚房用品，請大家相信小編買咗一定唔會後悔！

想知道有啲咩？咁就要繼續睇落去啦！

✨馬上Follow我地IG
instagram.com/creatrip.hk
弘大3間文創小店

韓國大創廚房用品推薦

廚房用品推薦 1. 洗碗布（컬러 망사수세미）₩1,000

第一個要介紹當然係成日會用到嘅洗碗布啦！

大家可能會諗香港都有啦，點解要係韓國買呢？

原因係呢一塊洗碗布超起泡！而且佢唔沾油好快乾最重要係洗得好乾淨！

價錢唔貴，₩1,000就有兩塊，而且一塊都用到幾耐㗎。

廚房用品推薦 2. 食物密封機（집착 밀봉기）₩2,000

唔知大家有無成日開咗薯片但又食唔哂，或者開咗包裝意粉又煮唔哂等等經歷呢？

可能好多人會用釘書機或者用橡筋包住，但自從小編遇到呢個食物密物機之後真係愛上咗佢！

因為佢真係好方便，而且用咗呢個封之後無點漏氣，想一次過食好多零食，但又食唔唒？

唔洗驚！就用佢啦！

廚房用品推薦 3. 保鮮紙碗蓋（그릇커버）₩1,000

同啱啱介紹嘅密物機差唔多，呢個都係可以將食物封返住，但唔同嘅係呢個係專For碗用，話佢係碗蓋保鮮紙亦都得。

如果有時整左好大盤沙律，用佢就啱啦！

廚房用品推薦 4. 伸縮排水過濾網（신축 배수구 거름망）₩1,000

有咗佢就唔洗怕排水口再塞啦！

唔知大家有無試過煮完麵，總會有幾條碎麵係剩嘅呢？

好多時唔緊要啦得幾條應該唔會塞，但日子耐咗真係好易就會塞㗎啦。

以防萬一不如用佢啦！小編已經唔知買咗第幾包返屋企啦XD

廚房用品推薦 5. 大蒜切碎/片器（마늘다지기）₩5,000

大家只睇呢幅相知唔知係咩嚟呢? 

答案係大蒜切碎/片器！

小編超鍾意食蒜頭，但又好怕切嘅時候成隻手都係蒜頭味，就算有時用咗牙膏去辟，唔多唔少都仲係有啲味。

所以有一日行開DAISO，終於比小編發現咗佢！

呢部機包含兩款刀片，可以切粒亦可以切片，好方便！

如果同小編一樣鍾意食蒜但又唔想成隻手有味嘅話，就買佢啦！

廚房用品推薦 6. 磨刀器（칼칼이）₩2,000

想有時切野把刀可以更鋒利？

可以買呢個磨刀器！除左刀之外，鉸剪都用得架！

一舉兩得，係唔係要買返個先？XD

廚房用品推薦 7. 封樽蓋（봉지캡）₩1,000

唔知大家有時會唔會買啲Refill裝用品返去呢？

例如：麥片、調味料、洗衣液等，有時有啲包裝無加蓋嘅時候，小編會去DAISO買呢隻封樽蓋返去。

因為真係封得好實，而且唔易漏！

可以用喺唔同用途方面，係唔係好正先！

廚房用品推薦 8. 去霉劑（홈스타 바르면 곰팡이싹）₩3,000

比起話呢支係廚房用品，應該話佢可以兩用，除咗廚房用到之外，廁所都可以用到！

因為佢係將有時發咗霉，或者有啲地方變咗黑而用嘅，佢真係好有效。

只要將佢吱啲喺發咗霉嘅地方，再大力咁開水一齊擦，就會無左㗎啦！連韓國人都經過買佢嚟用！

廚房用品推薦 9. 除油清潔劑（기름때 세정제）₩3,000

有時炸完嘢或者煎完嘢，廚房周圍都係油漬，喺呢個時候，用佢就啱啦！

只要噴一噴再輕鬆咁擦一擦，啲油漬就會無哂㗎啦。

除左可以用喺爐頭，連抽風器、微波爐、牆身等都可以用得到！

SNS人氣推薦 10. 除銹劑 （녹제거제）₩2,000

呢3支其實功效都差唔多，最左邊係抺窗用，可以幫大家洗到立立令。

或者右邊兩支係for有時啲水漬好難洗，或者有生銹嘅地方。

小編都好推薦大家用佢，一支可以用好耐，而且用咗佢，好似真係變到新一樣咁。

以上係小編私心推薦韓國DAISO廚房人氣商品，唔知啱唔啱大家呢？

除咗實用性高之外，價錢亦非常合理，嚟韓國旅遊一定要行下DAISO尋下寶啦XD

希望大家都會鍾意我呢次嘅分享啦！

✨馬上Follow我哋IG
instagram.com/creatrip.hk

弘大3間文創小店

其他延伸閱讀

韓國大創推薦(2)

韓國大創推薦(1)

大創近期人氣品

大創自製交通卡