2021清州機場/換錢資訊
清州機場最新懶人包！往首爾交通(時間表)、清州機場退稅、自動通關、美食店總整理
Hello，大家好，我哋係由韓國人每日提供最新韓國旅行資訊嘅Creatrip。
唔知大家熟唔熟清州呢？因為小編都有參考網上嘅資訊，不過好多都太舊或者就唔太肯定，所以小編就去咗清州一轉，希望可以解答到大家。
清州距離首爾只需1.5小時，玩爾首敢都可以去清州玩一轉～
| 2021韓國各地換錢資訊 | ||
| ₩釜山 | ₩首爾 | ₩大邱 |
2022清州換錢
1. 清州機場巴士去首爾
清州機場唔大，國內線同國際線基本上都係喺同一區，而且只得兩層，出口主要係Gate1至Gate3，如果要去首爾嘅朋友，直接出Gate 1搭巴士就好。
大家記得一定要先買飛，因為唔可以用T-money（但一般清州巴士係可以）。小編亦都整理好清州機場班次資訊，建議大家可以先預訂，因為一個小時只得一班，基本上係全滿。Gate 1出口隔離就有自助機台可以買飛，可以現金或信用卡（只限韓國信用卡）。
因為小編有先預訂，所以上車嘅時候嘟QR code就得，巴士好多時都會準時到，所以大家記得提早喺Gate 1 1號站牌等。由清州機場到首爾大概1.5小時車程，返去嗰唔會太塞車，但由首爾去就會比較塞。
2. 首爾巴士去清州機場
由首爾去清州機場，只要喺首爾地鐵3、7、9號線嘅高速巴士站（고속버스터미널역）往2號、7號出口行，方向係湖南線（Honam）或Central Terminal。
大家亦都可以參考以下圖片：
呢到有好多個月台，大家只需要確認自己車飛上面顯示嘅月台號碼就得㗎啦！
 |  |
基本上去清州機場都係喺11號月台，但避免有變動，大家最好都係check清楚～假設10:45準時開車出發，大家大概喺10:40左右就要上車。
3. 清州機場去清州市區
由清州機場想去清州市區嘅話，直接出機場門口，然後過馬路去中間嘅巴士站，一般大家想去嘅市區，呢度都有好多巴士可以去到。（紅色係機場巴士，會比較貴但比較快；其他顏色係一般巴士站站停）。
 |  |
基本上巴士都好準時出發，大家可以check清楚先再上車。
4. 清州換錢/清州退稅
清州機場規模細，大家最關心嘅清州退稅、清州換錢同機場商店等資訊，小編都會整理俾大家。
- 清州換錢「清州機場新韓銀行」
地址：清州機場GATE3隔離
營業時間：09:00 - 16:00（有國際線航班先會開）
清州機場目前只有提供新韓銀行換錢服務，小編建議，如果只係去清州旅行嘅大家，直接喺香港銀行換錢好似更好同方便。
- 清州機場退稅
清州機場冇退稅（現金）機台，只得信用卡退稅，而且只有出國班機前2.5個小時前先會開。
5. 清州機場美食/商店
清州機場二樓有龍梧桐（용우동）同Paris Baguette，一樓大廳都係正常時間開放，深夜、凌晨去嘅話基本上都係無人狀態。
6. 清州機場去其他城市
往天安/忠州嘅時間表
往大田/儒城嘅時間表
7. 清州機場有冇火車去首爾？
清州機場最近嘅KTX車站係五松站（오송역），由機場過去坐的士大約30分鐘，巴士1個鐘左右。小編個人覺得坐巴士會方便同慳時間多啲，而且價錢亦都相對較平。
以上係清州機場最新懶人包整理，希望幫到大家啦～
如果有更多想知嘅內容，都可以隨時留言或者dm話俾我哋知：）
Instagram：creatrip.hk