明洞Cafe｜Cafe de Paris
IG熱門打卡Cafe！炎炎夏日嚟食返個透心涼嘅水果刨冰同忌廉水果杯啦！
Hello，大家好，我哋係由韓國人每日提供最新韓國旅行資訊嘅Creatrip。
如果講到韓國刨冰，大家可能第一時間會諗到雪冰。不過如果講到水果刨冰，小編會即刻諗起「Cafe de Paris」！就算大家唔知道佢叫咩名，如果有玩開IG或睇開Blog應該都會見過呢款甜品！近近地喺明洞就有分店，想嘆返杯高質甜品話咁易~
明洞「Cafe de Paris」資訊
- 地址：서울 중구 명동4길 26 2F
- 營業時間：11:00 - 23:00
- 語言：韓文、英文、日文
明洞「Cafe de Paris」推薦理由
- 位於明洞，食完甜品可以直接去明洞散步同行街！
- 明洞咁多間Cafe同甜品鋪之中，「Cafe de Paris」嘅Menu比較多樣化，無論係蛋糕、刨冰定飲品都應有盡有！
- Download埋我哋嘅coupon可以享有95折優惠！
明洞「Cafe de Paris」價錢
選項 | 價錢 |
芒果刨冰 리얼망고빙수 | ₩18,000 |
番茄刨冰 방울방울 토마토 빙수 | ₩11,000 |
紅豆刨冰 팥이 콩콩 빙수 | ₩12,000 |
濟州綠茶刨冰 제주 녹차 빙수 | ₩12,000 |
士多啤梨Bon Bon忌廉水果杯 딸기 봉봉 | ₩19,000 |
芒果Bon Bon忌廉水果杯 망고 봉봉 | ₩19,000 |
香印青提Bon Bon忌廉水果杯 샤인머스캣 봉봉 | ₩18,000 |
※上述為2023年5月價錢。
明洞「Cafe de Paris」優惠及注意事項
- 出示優惠券即可享有95折優惠。
- 本優惠券只限於明洞Cafe de Paris使用。
- 最低消費為每人一杯飲品/一份甜品。
- 唔需要事先預約。
- 如果想用優惠券，請去櫃檯點餐（唔可以用點餐機）。
- 如果用coupon嘅時候有任何疑問，可以send email到help@creatrip.com查詢。
明洞「Cafe de Paris」介紹
一入到「Cafe de Paris」就會見到有個巨型巴黎鐵塔，就好似去咗第二個國家咁！雖然係假嘅，但係都幾壯觀㗎！
呢度都幾多位，大家唔洗擔心會冇位坐。
其實除咗巴黎鐵塔之外，最吸引到小編嘅就係呢度個甜品櫃啦！呢度每件蛋糕都好靚，令本身就有選擇困難症嘅小編更加頭痕XD
芒果Bon Bon忌廉水果杯 ₩19,000
講到「Cafe de Paris」嘅招牌甜品，相信一定係「芒果Bon Bon忌廉水果杯」！入面除咗芒果之外，仲有好多Cream~ 而且每粒芒果都好甜，同埋Cream一齊食會更加好食。如果大家本身鍾意食甜嘢，或者係愛Cream之人，一定會覺得好幸福。
士多啤梨Bon Bon忌廉水果杯 ₩19,000
「士多啤梨Bon Bon忌廉水果杯」連下面嘅沙冰底都係用士多啤梨整，鍾意食士多啤梨嘅大家千祈唔好錯過啊！
芒果刨冰 ₩18,000
除咗忌廉水果杯，呢度嘅刨冰都勁高質，用嘅水果同食材都非常新鮮！特別係呢款芒果刨冰，上面擺滿超甜愛文芒果，仲有幾款配料可以加埋一齊食添！
食呢款刨冰嘅時候，建議大家先單獨食一兩嚿芒果。芒果比想像中甜好多，小編都幾surprise！
食完一兩嚿芒果之後就會見到入面嘅牛奶刨冰，咁就有位可以加埋側邊啲配料一齊食啦！
牛奶刨冰配芒果醬呢個組合真係冇得輸！
大家仲可以加埋紅豆同雪糕一齊食，一款刨冰幾款食法，好快就KO到一個！
番茄刨冰 ₩11,000
唔知大家有冇食過番茄味刨冰呢？呢次係小編第一次食，本身以為會好怪，不過點知比想像中match，而且卡路里比其他刨冰低，食曬都冇咁大罪惡感XD
紅豆刨冰 ₩12,000
黃豆粉、紅豆、牛奶刨冰呢個組合可以話係韓式刨冰經典款！呢度嘅刨冰入口即溶，加埋甜甜地嘅紅豆同黃豆粉真係好夾~
濟州綠茶刨冰 ₩12,000
呢款刨冰用嘅係高級濟州綠茶，會回甘嘅綠茶加上牛奶刨冰，整體食落唔會太甜！不過大家要注意一點，因為呢度嘅刨冰全部都係堆成球體咁，而且都有一定高度，所以大家要趁刨冰融之前儘快食，如果唔係就會食到周圍都係㗎啦！
呢到當然都有賣嘢飲啦！老闆話呢度嘅冰滴美式咖啡最受歡迎，鍾意飲咖啡嘅話就唔可以錯過啦。
「Cafe de Paris」嘅甜品唔止夠靚，味道都一流！鍾意食水果、Cream同刨冰嘅朋友們嚟開明洞記住一定要去食啦！
明洞「Cafe de Paris」前往方法
喺明洞站（명동역）6號出口出。
向左邊直行。
喺第一個路口轉左。
直行之後喺第一個路口轉右。
直行大約100米之後就會見到入口喺你嘅左手邊。
咁就到啦！
點先可以享有明洞「Cafe de Paris」 優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com