入境韓國簽證整理
了解下韓國嘅簽證種類同申請個陣需要嘅文件啦!
Hello，大家好，我哋係由韓國人每日提供最新韓國旅行資訊嘅Creatrip。
一定有很多人好奇，嚟韓國個陣需要用咩簽證~ 今日就為大家介紹下韓國簽證有邊幾種，同埋嚟韓國旅行，各個國家需要邊啲文件啦！跟住Creatrip一齊準備安心嘅韓國旅行啦!
而家入境韓國有咩需要注意?
1. 韓國簽證種類
韓國嘅簽證根據目的同居留時間分為好多種，大家最熟悉嘅應該係一般嚟韓國用嘅 B-1、B-2同留學嘅 D-2、D-4～ 其實仲有好多款，而家為大家介紹下韓國各式各樣嘅簽證種類。
| 訪韓目的 | 居留時間 | |
| 90天以下 | 90天以上 | |
| 外交、公務、協定 | A-1 (外交) A-2 (公務) A-3（協議） | |
| 旅遊、旅遊過境、參加會議及活動 | B-1 (簽證豁免) B-2 (旅遊過境) C-3 (短期訪問) | |
| 學習 | C-3 (短期訪問) | D-2 (留學) D-4 (短期研修) |
| 就業 | C-4 (短期就業) | E-1 (教授) E-2 (會話指導) E-3 (研究) E-4 (技術指導) E-5 (專門職業) E-6 (藝術演出) E-7 (特定活動) E-8（季節性工作） E-9 (非專門就業) E-10 (船員) H-1 (觀光就業) H-2（訪問就業） |
| 商務 | C-3 (短期訪問) | D-7 (駐在) D-8 (企業投資) D-9 (貿易經營) |
| 探親、依親、居住 同伴、在外同胞 | B-1 (簽證豁免) B-2 (旅遊過境) C-3 (短期訪問) | F-1 (訪問同居) F-2 (居住) F-3 (同行) F-4 (海外僑胞) F-5 (永住) F-6（結婚移民） |
| 其他 | C-1 (臨時採訪) C-3 (短期訪問) | D-1 (文化藝術) D-3 (技術研修) D-5 (採訪) D-6 (宗教) D-10 (求職) G-1（其他） |
B系列 : 同大韓民國簽咗簽證豁免協定嘅國家，佢哋嘅國民可以無簽證入境韓國，逗留90日以下，用嘅就係B1 ，B2簽證。即使護照上冇另外貼簽證貼紙，都可以用觀光、參加活動、參加會議、探親等各式各樣嘅目的居留韓國。
C系列 : C1係俾以臨時採訪目的、C4係俾以短期就業活動為目的嘅外國人嘅居留資格。C3同B1、B2一樣，係俾以各式各樣嘅目的居留韓國嘅外國人。同B系列一樣，只可以逗留韓國90日以下嘅短期簽證，唔同嘅係B系列簽證唔需要另外申請，而C系列就一定要經過申請批刻。
D系列 : 以學習為目的嚟到韓國嘅外國人會用D2簽證，只係嚟韓國學韓文嘅學生就會用D4簽證。此外，研究韓國文化、藝術或者接受指導嘅人用 D1、採訪並展時間逗留嘅人用 D5、針對傳教等宗教活動嘅人用 D6、喺外國公司國內分公司工作嘅人用 D7、外國人投資者用 D8、D9，還有喺韓國求職嘅人用D10簽證等。
E系列 : 以母語喺大學工作嘅人用 E1、以母語喺補習班做會話講師嘅人用 E2、研究員用 E3、提供特殊領域技術或傳授嘅人用 E4、從事放送演藝 / 公演活動等嘅人用 E6、翻譯、海外營銷等外國人嘅特定領域業務用 E7、幫助農村地區短期勞動嘅人用 E8，製造業等非專門領域工作嘅人用 E9、船員就用 E10。
F系列 : 以探親為目的嘅人用 F1、以居住為目的嘅外國人用F2、取得就業簽證嘅外國人家屬用 F3、在外同胞用 F4、韓國永住權同用F5、結婚移民用F6。用F2、F4、F5、F6逗留韓國嘅外國人可以喺韓國就業。
G系列：希望嚟韓國醫療機構治療或療養嘅外國患者，同配偶都係用G1。
H系列：主要目的係觀光同想短期就業嘅人用H1、中國朝鮮族想嚟韓國短期工作可以用H2。
想體驗韓國生活？
2. 簽證豁免國家
綠色：免簽證國家
簽證豁免制度係經過國家間嘅協定，或者根據單方、雙方措施，冇簽證都可以入境嘅制度。而家為大家介紹可以無簽證入境嘅國家同埋護照。之後，小編會再介紹幾個主要訪問國嘅入境相關事項。
 | |
 | |
 |
3. K-ETA
- 而家香港人入境韓國唔需要整K-ETA啦！-
K-ETA官網
雖然而家香港入境韓國暫時唔洗整，不過之前疫情嘅時候來自已簽訂免簽證協議嘅國家嘅居民都需要申請K-ETA先可以入境韓國旅遊、探親或參加各種活動或會議等。
1. K-ETA注意事項
- 申請K-ETA，至少要喺登機前72個小時完成，如果唔係可能就會上唔到機。
- K-ETA有效期間係兩年，不過就算申請完未必一定成功，主要係睇韓國出入境事務所最後決定。
- 如果喺申請K-ETA時提交虛假或唔正確信息，隨時會被拒絕或撤銷，可能會根據韓國相關法律受到處罰或限制入境，同時代理人申請代申請，都一定要寫清楚。
- K-ETA手續費係₩10,000， 但如果申請被拒絕係不設退還。
- 如果搵第三者（大型機構等）代付款，可能會收取額外手續費，K-ETA中心亦唔會負任何責任。
- 即使K-ETA係有效期2年，但如果改名、性別、出生日期、國籍、護照（護照號碼同有效期）、犯罪記錄同傳染病信息等有變，必須重新再申請。
- 如果批完K-ETA，之後想改目的去其他地區，都要喺官網修改，如果唔係會被拒絕入境。
- 如果批咗K-ETA嘅人，之後入境唔需要再寫入境申請書。
- K-ETA可以由其他人代申請同付款，計埋自己可以最多30人。
2. K-ETA申請流程
- 只要係飛韓國，需要喺登機前至少72個小時，喺網站或者手機Apps申請。
- 要同意申請條款，只要寫好email、護照、申請等訊息，之後就會收費同開始審查。
- 審核大約需要一個工作天。
3. K-ETA手續費
- 申請K-ETA手續費係₩10,000。
- 網上付款可能會再有額外收費。
- 無論申請結果係點，已經支付咗嘅金額係唔會退。
- 如果你張卡係禁止海外支付，詳細內容可能要聯絡返你嘅信用卡公司。
如果你係持有印尼、菲律賓、歐洲、加拿大、澳州、英國等國家之護照，可以撳我睇英文版頁面查詢詳情。以上係小編為大家整理去韓國旅行所需要嘅簽證資料，如果有任何疑問，請喺下面留言。
如果有更多想知嘅內容，都可以隨時留言或者dm話俾我哋知：）
Instagram：creatrip.hk