三清洞咖啡廳｜珈琲島
三清洞咖啡廳「珈琲島」——景福宮、北村之旅一定要去嘅Cafe
Hello，大家好，我哋係由韓國每日提供最新韓國旅行資訊嘅Creatrip。
珈琲島以獨特氣氛聞名，最近只要一打開IG，就會見到好多韓國人都去呢度打卡，同其他普遍走網美風格、型格裝修咖啡廳唔同，佢哋致力打造可以坐得耐，而且舒服空間俾客人，所以直到而家已經累積唔少常客。
其中今日要為大家介紹嘅呢間珈琲島位於三清店，店入面氣氛俾人一種好舒服嘅感覺。1樓只要有陽光射入去，就可以影到好靚嘅打卡食物相，2樓可以俯瞰三清洞街道，同時戶外露台亦設有座位區。Creatrip會員下載優惠券，可以喺珈琲島享有9折優惠，喺景福宮結束韓服體驗，不如就去珈琲島品嚐招牌Tiramisu同嘆返杯咖啡啦！
三清洞咖啡廳「珈琲島」資訊
- 地址 : 서울 종로구 북촌로5길 56-8
- 營業時間 : 10:00 - 21:00
- 小Tips：由安國站1號出口行592m
三清洞咖啡廳「珈琲島」推薦理由
- 珈琲島鄰近景福宮、北村韓屋村，對觀光客嚟講好易就去到，而且店鋪風格行復古舒適風，大家可以喺度嘆杯咖啡，享受美好時光。
- 呢度有用最好機器製作出美味咖啡，以及以誠心製作甜品，係好多人嘅必去清單之一。
三清洞咖啡廳「珈琲島」優惠
- Creatrip會員下載優惠券，埋單嘅時候即可享九折優惠。
- 唔需要事前預約。
- 如果用coupon嘅時候，有任何疑問都可以send email到help@creatrip.com。
三清洞咖啡廳「珈琲島」菜單
甜品 | 價錢 |
| 布甸 （原味、抹茶） | ₩5,000 |
| Tiramisu （原味、抹茶、伯爵茶） | ₩7,000 |
| 咖啡 | 價錢 |
| 美式咖啡 | ₩4,900 |
| 濃縮咖啡 | ₩4,400 |
| 告爾多咖啡 （只提供熱飲） | ₩5,500 |
| 馥列白咖啡 | ₩5,500 |
| 鮮奶咖啡 | ₩5,500 |
| 雲呢拿鮮奶咖啡 | ₩5,900 |
| 朱古力咖啡 | ₩5,900 |
| 牛奶、沙冰 | 價錢 |
| 朱古力牛奶 | ₩6,000 |
| 奶茶 | ₩7,000 |
| 抹茶牛奶 | ₩ 6,500 |
| 抹茶沙冰 | ₩6,500 |
| 茶 | 價錢 |
| SAKURAMBO TEA | ₩7,000 |
| TOKIO TEA | ₩7,000 |
| EARL GREY | ₩7,000 |
| LA VIEN ROSE | ₩7,000 |
| ADAGIO(decaf) | ₩7,000 |
| ESTRELLA DAMM | ₩7,000 |
| 酒類 | 價錢 |
| Estrella Damm啤酒 | ₩7,000 |
三清洞咖啡廳「珈琲島」介紹
珈琲島由入口已經覺得好有魅力，好多人就算唔係嚟飲咖啡，路過都會喺珈琲島門口影相打卡。
入到「珈琲島」裡面更可以感覺到呢間店獨有魅力。檯之間距離相當寬敞，裝修亦都乾淨利落，行街行到攰最啱喺呢度坐底稍作休息。
珈琲島嘅獨特哲學，就係佢哋堅持要用由英國或美國輸入家具。
呢度每樣裝飾品擺設，都可以感受到老闆嘅心思同誠意。
打開呢度門就可以上到2樓。
2樓空間雖然唔算太闊落，但就可以望到三清洞街道。如果樓下人太多，就上去2樓嘆咖啡啦，絕對係別有一番滋味。
小編叫咗佢哋招牌菜Tiramisu(₩7,000)、布丁(₩5,000), 同抹茶鮮奶(₩6,500)。
布丁淋上義式咖啡之後，將布丁嘅香甜味同咖啡苦澀味一齊食，冇諗過會意外地夾！如果唔鍾意太濃咖啡味嘅朋友，可以只落少少！就算只食原味食雲呢拿味都好夠重，大家可以試吓兩款口味再睇吓鍾意邊款多啲。
Tiramisu係佢哋嘅招牌菜，有原味、抹茶、伯爵3種口味。唔單止可以堂食，如果大家覺得好食亦可以打包返去做宵夜，可想言知佢人氣有幾咁高。
小編食咗一啖之後……真係覺得超好味！佢可以話係小編目前為止食過最好食嘅Tiramisu！甜而不膩嘅忌廉，配上Q彈口感令人邊食邊感嘆。如果大家去到三清洞珈琲島，一定要試食佢哋嘅Tiramisu。
抹茶鮮奶亦都好好飲！茶味意想不到嘅濃，一啲都唔苦。小編叫咗抹茶鮮奶所以先食原味Tiramisu，但如果你係飲咖啡，推薦你可以食抹茶Tiramisu。
天氣好嘅時候，推薦大家可以坐喺出面露台，一邊呼吸新鮮空氣，一邊嘆咖啡，超寫意。
最後，大家唔好唔記得喺珈琲島正門前影返張人生照。
三清洞咖啡廳「珈琲島」｜前往方法
安國站1號出口轉右。
喺呢度轉右。
一路直行。
見到呢條巷繼續直行。
行前少少就會見到珈琲島。
上圖係前門同後門，兩邊都可以入去。
點先可以享有三清洞咖啡廳「珈琲島」9折優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係三清洞咖啡廳「珈琲島」 嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com