美容產品DIY｜弘大 VIC'S LAB KOREA

Hello，大家好，我哋係由韓國人每日提供最新韓國旅行資訊嘅Creatrip。

有邊個唔貪靚？不過唔知大家會唔會都因為要買護膚品而感到煩惱？有時啲KOL介紹，買完返去試又未必啱自己皮膚？呢個時候可以點算？當然可以去整一支啱自己皮膚嘅護膚品啦，而「VIC'S LAB KOREA」就可以幫到大家！佢哋用嘅係美國化妝品成分評分團體EWG評價中最頂級原料，大家可以放心用！

撳我睇價錢&預約資訊👇🏻

弘大「 VIC'S LAB KOREA」資訊

• 地址 : 서울 마포구 월드컵북로 4길 15
• 開班時間：護膚品工作坊 13:00、唇膏工作坊 15:40 [約90分鐘]
• 語言：韓文、英文

弘大「VIC'S LAB KOREA」介紹

一入到去舖頭，最吸引嘅就係呢一個花牆，真係好吸引，令人忍唔住好想喺度打卡。舖頭主要用到粉紅色同紫色去裝修，俾人一種好可愛得嚟又溫馨嘅感覺。

喺正式上堂之前，職員會為大家送上一杯健康茶，大家可以邊飲邊聽專家講解。

專家講到我哋每日用到嘅化妝品，好多入面都含有對羥基苯甲酸酯（Paraben），對我哋皮膚有害。專家亦都有教點做先可以健康保養皮膚。

「VIC'S LAB KOREA」用到嘅材料都係美國化妝品成分評分團體EWG評價第1級，令人用嘅時候十分安心。

之後專家會針對大家嘅皮膚狀況進行一對一諮詢，小編T字部位偏油，臉頰偏乾，所以就整咗一支可以控制過度出油，但又有保濕成分嘅爽膚水同精華。

喺整嘅過程，只要加₩10,000就可以將純水升級成SK-II護膚精華露神仙水主要成分「Galactomyces」。Galactomyces係天然酵母萃取液，可以幫助清除皮膚殘留老廢角質，令皮膚變得乾淨有彈力，用咗佢皮膚即刻好似飲飽水咁！

另外，小編仲整咗兩支潤唇膏。因為係用天然油脂製作而成，對保護嘴唇真係好有效。專家嘅幫助令成個製作過程變得相當簡單。

為咗可以搵到適合自己嘴唇嘅色號，專家會先喺大家身上掛啲布去做比對。小編皮膚幾乎所有顏色都適合，其中最適合嘅係粉色、紫色同橙色。

大概諗好要整咩顏色之後，就可以用以上準備好嘅顏料去調色。

小編用粉色溝咗少少摩卡色，揸上嘴好有時尚感，另一支用咗紫色溝少少紅色！可以直接揀適合自己膚色嘅唇膏，成個過程相當有趣，好期待之後成品會係點！

每支唇膏基本會提供透明殼，但現場可以加錢換高級少少嘅外殼，價錢係₩3,000 - 5,000不等。

₩3,000

₩5,000

全世界獨一無二，只屬於小編嘅唇膏，整出嚟嘅顏色真係好靚，令人好滿意，同時用上嘴真係好滋潤。

整完之後，大家可以喺花牆度自拍返張嚟留念！ 成個過程都有專家協助，基本上唔會好難，如果想整返支獨一無二嘅唇膏或護膚品，咁就要去弘大「VIC'S LAB KOREA」啦！

撳我預約👇🏻

以上係弘大「VIC'S LAB KOREA」嘅介紹，有任何問題請先詳閱呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時留言或者dm話俾我哋知：）

  Instagram：creatrip.hk

  Facebook：Creatrip 帶你認識韓國每一面 

  韓國代購

Email : help@creatrip.com