喺韓國住真係咁好？
離開先發現屋企係最好！俾想喺韓國生活嘅你一啲真心話！在韓生活經驗談，韓劇一啲都唔真
Hello，大家好，我哋係由韓國人每日提供最新韓國旅行資訊嘅Creatrip。
近呢幾年，因為Kpop唔少人都愛上咗韓國，除咗係嚟旅行之外，仲有揀喺韓國讀書、就業、長住等。不過，喺韓國生活到底係咪真係咁好？小編就以過來人身分話俾大家知，大家可以參考下。
喺韓國住真係咁好？
1. 韓國生活費其實都幾貴
如果係住首爾、釜山等大城市，生活費其實都幾貴，尤其係首爾。想入好大學同工作環境，主要都係喺市中心，所以消費、買日常生活用品、住宿費都會比其他地方貴。特別係想食多啲菜、買多啲水果，見到個價都已經畀佢嚇親，因為好多時都貴到唔捨得買....
如果嚟韓國冇返工，咁一直洗緊嘅錢就係積蓄，而基本上打工度假嘅人工，亦只可以維持基本開銷。如果想過得開心啲、買多啲，好多時其實真係唔會夠。
2. 韓國唔係想像中咁方便
大家都可能會覺得韓國好方便，上網快、網購系統發達、交通發展好，但事實好多時都需要簽證。韓國好多時買嘢都需要身份驗證，租屋、上台、網購、加入會員享有優惠等等，好多都係限定韓國人先有優惠。最重要嘅一點係要用實名認證，如果冇用到，喺韓國生活真係會好唔方便。
對遊客嚟講唔算係啲咩特別事，不過對於長居會留喺韓國生活嘅朋友嚟講，韓國簽證真係超級重要。
3. 韓國選擇少
對於鍾意嚟韓國玩嘅朋友，可能會諗：「邊有可能？明明韓國都幾多嘢揀啊！」
事實上....如果喺韓國生活耐咗，就會發現其實食嚟食去都係個幾種、買衫都係差唔多款、久而久之其就會覺得香港真係美食天堂！
4. 無形之中嘅排外
喺韓國生活嘅外國人比例
雖然而家韓國排外情況冇以前咁明顯，但偶然亦然會feel到一種難以講出口嘅感覺。唔單止係生活中上個種排外感、語言排外感、交友排外感等等。
另一種更明顯嘅制度係，外國男性同韓國女性結婚拎簽證，會難過外國女性同韓國男性結婚。
5. 生活習慣唔同
對香港人嚟講，應該好唔習慣早餐冇早餐A、B、C餐，想食多啲菜都覺得韓國好貴等文化差異。另外，就算有時以為自己同韓國朋友已經好friend，但其實都唔知對方同自己諗嘅係唔係一樣。
6. 工作壓力
每個國家都一定會有工作壓力，但係韓國嘅升學壓力可以話係全球數一數二，大家都會博哂命入好嘅大學。入到好大學又會諗將來要做咩好工，因為好多韓國人由Year 1開始，已經會參加各大活動，不斷增值自己，入大企業係佢哋嘅目標！
想入好嘅企業，仲會不斷去教相關資格証，所以喺韓國返工真係好大壓力同辛苦。
7. 之後呢？
想喺韓國長居，最快、最有效嘅方法一定係working holiday，不過一年完咗之後，會繼續留喺韓國嘅人少之有少。一係工作簽證問題，另一個係生活費貴，即使生活過得幾開心，但點都比唔上喺香港好。
唔知大家會鍾意留喺韓國定香港多呢？當然喺韓國住得耐，唔多唔少有會有啲優點，例如四季分明、風景靚、多Cafe等。不過每個國家、每個地區都有唔同文化差異，要識得互相包容，飲水思源先係最重要。
之後想嚟韓國嘅朋友，或者已經喺韓國長住嘅朋友，不如都分享下話俾小編聽。
如果有更多想知嘅內容，都可以隨時留言或者dm話俾我哋知：）
Instagram：creatrip.hk