弘大美食｜荒謬的生肉
弘大「荒謬的生肉」95折優惠券！燒肉放題，咁罪惡嘅美食日日食都制啊！
Hello，大家好，我哋係由韓國人每日提供最新韓國旅行資訊嘅Creatrip。
弘大燒肉店有好多間，但當中最出名、亦係最多人鍾意嘅就係「荒謬的生肉」，相信大家都一定有聽過。佢哋出名價錢平，唔單止遊客鍾意，就連韓國人都係佢哋常客，只要係我哋會員，仲可以享有95折優惠添！
弘大美食「荒謬的生肉」資訊
- 地址：서울 마포구 어울마당로 118 2F
- 營業時間：11:00 - 23:00（最後入場時間22:00）
弘大美食「荒謬的生肉」推薦理由
- 韓國「荒謬的生肉」可以話係韓國燒肉任食第一把交椅，豬肉唔係急凍，而係外國產豬，口感嫩滑，食落好安心。
- 雖然係連鎖店，但弘大「荒謬的生肉」價錢同明洞唔同，平好多，用埋優惠券，就可以用更平嘅價格食到新鮮燒五花肉。
- 食厭咗五花肉？唔緊要！「荒謬的生肉」仲有梅頭豬、大醬湯，一定可以令呢餐燒肉更加豐富。
弘大美食「荒謬的生肉」優惠
- 埋單嘅時候向職員出示優惠券，即可享95折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
- 放題係包括五花肉/梅頭豬 ＋大醬湯，自助吧小菜無限量供應。
- 用餐時限係兩個鐘。
弘大美食「荒謬的生肉」價錢
價錢 | 7歲以上（1人去時） ₩15,800/人 |
| 5至7歲 ₩10,000/每人 |
弘大美食「荒謬的生肉」介紹
弘大燒肉嘅第一把交椅，一定要數到「荒謬的生肉」，呢度提供新鮮嘅五花肉、梅頭豬，價錢仲要唔貴。
提醒大家，荒謬的生肉喺用餐時段一定要等位，就算小編13:30左右到，店入面已經好多人，夜晚去嘅話都要等半個鐘以上。
弘大「荒謬的生肉」基本上唔使用到任何韓文或者英文，因為店入面都幫你標示咗。所有肉、蔬菜、小菜、大醬湯、醬料等都係自取。
 |  |
睇下呢啲咁靚嘅油花！荒謬的生肉最引以為傲嘅就係佢啲肉唔腥，係外國產五花肉，如果驚太肥嘅朋友，可以食脂肪比較少嘅梅頭豬。
小編食過好多弘大嘅燒肉店，荒謬的生肉係心目中品質最穩定、CP值算好高嘅燒肉店。因為唔係急凍肉，所以好快就會燒熟，變成好靚嘅金黃色。
店入面雖然有提供好多醬，但小編最愛鹽、麻油嘅搭配，燒得啱啱好嘅五花肉同生菜一齊食，真係非常滿足。
有時候食太多肉想轉吓口味，小編極力推薦大家可以叫埋蒸雞蛋，味道清淡，口感嫩滑，同燒肉好match。
而且韓國人食燒肉嘅時候，最常搭配嘅就係水冷麵，配埋五花肉一齊入口，會發現新世界一樣嘅味道。
如果想食生拌牛肉嘅朋友，喺弘大「荒謬的生肉」都可以食到，小編覺得都幾唔錯，覺得味道唔夠嘅朋友，可以淋一啲麻油吊味。
咁滿足嘅一餐，係咪諗起都肚餓呢？弘大美食餐廳咁多，但似乎只係得「荒謬的生肉」係同時受到韓國人同遊客歡迎。
啱啱提到嘅小菜、醬都係自助，呢度仲提供咗好多種類，而且有英文、中文等翻譯，唔使驚會拎錯。
最後如果四個人一齊用餐，弘大「荒謬的生肉」仲會送一樽可樂添。
弘大美食「荒謬的生肉」前往方法
弘大站9號出口出嚟之後轉左。
經過Innisfree之後轉右。
經過Olleh會有一條小巷再轉左。
管理室隔離上2樓就到㗎啦！
點先可以享有Creatrip喺「荒謬的生肉(弘大店)」嘅95折優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係弘大美食「荒謬的生肉」嘅介紹，有任何問題請先詳閱呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com