Hello，大家好，我哋係由韓國人每日提供最新韓國旅行資訊嘅Creatrip。
好多人嚟韓國都可能係主要想shopping，追星等等，不過亦有唔少人係為咗慶祝紀念日、或者同屋企人慶祝，所以今日小編特別為大家介紹呢間叫「I.O.U」嘅餐廳，無論坐邊個位都可以望到漢江同63大樓，一齊浪漫咁過紀念日或者求婚！不過因為連韓國人都好鍾意嚟，所以記住一定要預約定啊！
撳我預約👇🏻
[스팟] I.O.U（麻浦）
首爾夜景餐廳「I.O.U」資訊
- 地址：서울 용산구 원효로1길 16
首爾夜景餐廳「I.O.U」套餐餐點
Chef's Course
Focaccia意式麵包 南瓜杏仁濃湯 意式烤麵包 牛油果Gnocchi 意大利莎樂美腸牛肝菌意粉 雪葩 香煎鴨胸 or 菲力牛扒(+₩10,000/人) 伯爵茶巴斯克焦香芝士蛋糕 咖啡或茶（伯爵茶/蜜桃烏龍茶） ※額外加購西式龍蝦料理(+₩140,000) |
[午市限定]Special Course
Focaccia意式麵包 香蒜濃湯 海鮮意大利炸飯糰 醃三文魚 肉醬意粉 西冷牛扒 or 菲力牛扒(+₩10,000/人) Tiramisu 咖啡或茶 ※額外加購西式龍蝦料理(+₩140,000) ※額外加購推薦紅酒 |
[午市限定]Pasta Course
Focaccia意式麵包 香蒜濃湯 苦苣沙律 是日意粉 Tiramisu 咖啡或茶 ※額外加購推薦紅酒 |
首爾夜景餐廳「I.O.U」其他服務
餐桌蠟燭及鮮花擺設(₩150,000/150000)
花束(₩50,000起/50000起)
手工蛋糕(₩38,000起/38000起)
首爾夜景餐廳「I.O.U」介紹
外觀
呢棟睇落好似普通建築咁，但其實內有乾坤！
而且餐廳入面所有位都可以睇到漢江夜景！一齊跟小編去「I.O.U」睇睇啦！
露天花園
餐廳入口附近有一個露天花園，行入去就會見到㗎啦！
呢度四周圍都有好多植物，天氣好嘅時候大家可以喺度欣賞漢江景色，放鬆身心。
呢度仲有提供三腳架俾大家用嚟影相！
夜景
「I.O.U」最出名就係睇漢江夜景！
早少少去嘅話仲可以睇到日落，超浪漫~
露天花園去到夜晚亦都會開燈，同日頭嘅感覺完全唔同。
大家可以用餐廳提供嘅三腳架，同漢江夜景合照，真係隨便影都靚！
大家食飽之後記住唔好咁快走，喺花園行返陣~
店內裝修
＜櫃檯＞
一開門職員就會好熱情咁歡迎你！只要同職員講你嘅名，確認好之後就會即刻帶你去坐低。
＜2樓＞
上到二樓就可以即刻睇到漢江景！
餐廳裝修整體行木調，燈光柔和，環境夠曬舒服！
2樓最受歡迎嘅位相信一定係窗邊位！喺呢度可以俯瞰到180度漢江全景，仲可以眺望到汝矣島63大廈~
「I.O.U」亦都有獨立房，私隱度高。
＜3樓＞
3樓係閣樓，總共有4張枱。特別係上面呢個位超多人預約嚟求婚！
3樓另一間房裝修非常可愛，而且屋頂係玻璃窗，令成個空間睇落更加開揚。
餐廳亦都有提供BB櫈，就算帶埋小朋友嚟都得！
＜1樓＞
1樓裝修行復古風，同其他樓層好唔同。
因為本身間餐廳比較高，所以就算喺1樓都可以望到漢江。
1樓有大房同細房，就算係一大班人食飯都無問題！
各位男士如果想俾個驚喜女朋友，「I.O.U」亦都有賣花，相信一定可以為你哋留下一個浪漫回憶。
餐飲
Chef's Course - Focaccia意式麵包、香蒜濃湯
迷迭香Focaccia意式麵包配意大利白醋同橄欖油；香蒜濃湯以烤蒜及焦糖洋葱為湯底，配迷迭香油同忌廉。
Chef's Course - 香烤椰菜花
以鷹嘴豆泥及洋葱醬汁配香烤椰菜花，加上石榴、意大利火腿、茉莉花點綴。
Chef's Course - 香烤八爪魚
西班牙式香烤八爪魚配墨汁粟米脆片、墨汁香蒜醬、芝士薯蓉、辣蘿蔔醬、羅勒及碳香油。
Chef's Course - 白蘭地牛油意粉
Cavatappi螺旋麵配鮮蝦+白蘭地牛油忌廉醬，再以檸檬汁及果皮點綴
Chef's Course - 牛扒
焦香香草牛油香煎牛扒配當造蔬菜、肉桂蘿蔔蓉及自家製芥末籽醬
Chef's Course - T-Bone牛扒
頂級美國T-Bone牛扒，煎封後以蒔蘿牛油調味，配菜有西蘭花、薯蓉及蘿蔔蓉
Chef's Course - 伯爵茶巴斯克焦香芝士蛋糕
伯爵茶香芝士蛋糕配胡椒楓糖漿
(額外加購) 西式龍蝦料理
加拿大新鮮龍蝦配蘋果醋醬汁，加上新鮮沙律
一邊望住無敵漢江夜景，一邊食西餐，夠曬浪漫！
首爾夜景餐廳「I.O.U」前往方法
喺5號線麻浦站（마포역）4號出口行出嚟。
轉左。
第二個街口轉右。
直行之後你會見到有條分叉路，行左邊嗰條。
繼續直行。
行上斜路。
向上行，你會見到「I.O.U」喺你嘅左邊。
因為斜路比較多，所以建議大家都可以考慮搭的士！不過如果天氣好，大家又想散步，欣賞韓國住宅區景色，行路都只係需要10分鐘！
撳我預約👇🏻
[스팟] I.O.U（麻浦）
以上係首爾夜景餐廳「I.O.U」嘅介紹，有任何問題請先詳閱呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
